Hebreos 12:3 - Kashibo-Kakataibo Biblia

³ Tëmëraquin —axa ami sináncëma unicaman ca ꞌëx Jesucristonan ꞌicë cupí ꞌë bëtsi bëtsi oia —quixun sinánquin ami catamëti ëntin rabanan camina —usaribi oquian ami nishquin unin ꞌacëxunbi ca Jesucristonën tanshiacëxa —quixun sinánti ꞌain. Usaquin sinani camina ami catamëtia unin bëtsi bëtsi ocëxun oquin a ënti sinanima ami cushiti ꞌain.

Nukën 'Ibu Diosan ain unikama 'inan ain bana

³ Tëmëraquin —axa ami sináncëma unicaman ca 'ëx Jesucristonan 'icë cupí 'ë bëtsi bëtsi oia —quixun sinánquin ami catamëti ëntin rabanan camina —usaribi oquian ami nishquin unin 'acëxunbi ca Jesucristonën tanshiacëxa —quixun sinánti 'ain. Usaquin sinani camina ami catamëtia unin bëtsi bëtsi ocëxun oquin a ënti sinanima ami cushiti 'ain.

Hebreos 12:3 ပူးပေါင်းရင်းမြစ်များ

Isaías 50:4

Nukën ꞌIbun ka ꞌë ñu ꞌunánmiaxa atsánkë unikama bana ñuixunkin kuëminun. ꞌIanan ka pëkarakëma ꞌain ꞌaínshi ꞌëa kakëxun munu aín bana kuanun ꞌë kaxa.

Mateo 11:19

Usoquian Juanën ꞌacësoquin ꞌaquinma ꞌën camabi ñu pianan xëaia isquin ca unicaman ësaquin ꞌë ñuia: A unix ca picën tapun ꞌianan xëairacë uni ꞌicën. Ax ca an ꞌapu buánmiti curíqui bicë unicama ꞌimainun ꞌuchañu unicamabë nuibanania —quixun. Usaquian Juancëñun unin ꞌë ñuicëbëbi ca Nucën Papa Dios, an ënë menu unun ꞌë xua, an ꞌacë ñucamax asábi ꞌicën. Usa ca quixun ca axa ami sináncë unicaman ꞌunania.

Mateo 12:24

Jesusan usoquin ñu ꞌaia ñuicania cuati ca fariseo unibunëx quiacëxa: —Ñunshin ꞌatimanën ꞌapu, Beelzebú, an ꞌamicëxuinshi ca ënë unin ñunshin ꞌatima chiquinia.

Mateo 15:2

—¿Uisacasquin cara min ꞌunánmicë unicaman nucën rara quiá bana tanimin? A bana quiásabi oi ꞌiquinma ca mëchucaxunmashi piia.

Mateo 21:23

Jerusalénuxun ca Jesusan anuxun Nucën Papa Dios rabiti xubunu atsínxun anu ꞌicë unicama ꞌunánmiacëxa. ꞌUnánmia ca judíos sacerdotenën cushicama ꞌimainun ampan caniacëcë unicaman anu cuanxun ñucáquin Jesús cacëxa: —¿Uin banan caramina min usa ñu ꞌain? ¿Uin cara ësoquinmi ñu ꞌanun mi cax?

Mateo 21:46

Nishquin sipuaisa tanquinbi ca camabi unían, Jesusan ca asérabia Nucën Papa Diosan xucë ꞌixun aín bana unicama ñuixunia quixun sináncë ꞌain, ꞌapucamax atumi racuë́acëxa. Racuë́quin ca Jesús biáma ꞌicën.

Mateo 22:15

Jesusan bana ñuixunia cuatancëx, ꞌuri cuanquin ca fariseo unicama ami manáncatsi quixun sinánquin, uisai cara quia cuanuxuan an Jesús ñucáti uni xuti sináncëxa.

Lucas 14:1

Anun ñu mëëtima nëtë́an fariseo unicaman cushi achúshinën xubunuxun pi cuancë ca fariseo unicaman Jesús utúancëxa.

Lucas 15:2

Usoquian aín bana camaxunbi cuaisa tania isi ca fariseo unicama ꞌimainun an Moisésnën cuënëo bana ꞌunáncë unicamax nishi canancëxa, ënë unin ca ꞌuchañu unicamabë timë́xun abëtan piia.

Lucas 16:14

Usaía quia cuaquin ca fariseo unicaman atux ꞌitsa curíquiñu ꞌiti cuëëncë ꞌixun, aín bana cuaisama tani a ñui ꞌatimati banaquin Jesús ꞌusáncëxa.

Lucas 2:34

Sináncasmaiabi ca Simeónën acama Nucën Papa Dios ñucáxuntancëxun Jesusan tita, María, cacëxa: —Ënë tuá cania aín bana cuaisama tani ca ꞌitsaira Israel uni Nucën Papa Diosbë upíma ꞌiti ꞌicën. Usai ꞌicëbëbi ca ꞌitsa uníxribi aín bana cuati abë upíira ꞌiti ꞌicën. Uisai cara Nucën Papa Dios cuëënia quixuan unicaman ꞌunánun xucë ꞌaínbi ca ꞌitsa unix aín bana cuati cuëënima a ñui ꞌatimati banati ꞌicën.

Lucas 5:21

Usaquian caia cuaquin ca an Moisésnën cuënëo bana ꞌunáncë unicama ꞌimainun fariseo unicaman sináncëxa: ¿Uisa uni cara ënëx ꞌic? Ax ca anúan Nucën Papa Diosaxëshi quiti banan banaia. Ax ca ꞌaisama ꞌicën. Uinu ꞌicë unínbi ca ꞌucha tërë́ntima ꞌicën. Nucën Papa Diosan cuni ca ꞌucha tërë́nti ꞌicën.

Juan 10:20

Sinani ca ꞌitsa uni —ñunshin ꞌatimañu ca a uni ꞌicën, ca ñunshíanxa. ¿Uisa cupí caramina aín bana cuatin? —quiacëxa.

Juan 18:22

Caia ca policía achúshi a rapasu nicë an —¿min caramina ësoquin sacerdotenën cushicaman ꞌapu ënë cain? —quixun caquin Jesús cuëtashcacëxa.

Juan 5:16

Usa ꞌain ca anun ñu mëëtima nëtëan uni pëxcucë cupí, judíos unicamax Jesús ꞌacatsi quiax ꞌësë́nancëxa.

Juan 7:12

Bari ñucacanania unicama raírinëx —ax ca upí uni ꞌicë —quicëbëbi ca uni raírinëx, —usama ca. An ca camabi uni parania —quiacëxa.

Juan 8:13

Cacëxun ca fariseo unicaman cacëxa: —Mix camina mixbi, ꞌëx cana usa ꞌai quin. Usaími quicë ꞌaish ca cëmëimi quicë ꞌiti ꞌicën.

Juan 8:52

Quixuan cacëxun ca judíos unicaman Jesús cacëxa: —Bërí cananuna upí oquin ꞌunanin, mix camina ñunshin ꞌatimañu ꞌai quixun. Abraham ꞌimainun an Nucën Papa Dios quicë bana uni ñuixuncë unicamaxribi ca bamacëxa. Usa ꞌaínbi camina mix quin, an min bana cuacë unix isa xënibua ꞌaínbi ꞌiti ꞌicë quiax.

Juan 8:59

Usaquian cacëxuan judíos unicaman anun ꞌacatsi quixun maxax bicëbëbi ca Jesús uni xanpë́scabiani, anuxun Nucën Papa Dios rabiti xubunuax cuancëxa.

Juan 9:40

Usaquian caia cuaquin ca anua ꞌicë fariseo unicaman Jesús cacëxa: —¿Núxribi caranuna bëxuñu ꞌain?

1 Corintios 15:58

ꞌËn nuibacë xucë́antu, uisa ñu cara ꞌicëbëbi camina ëníma ami catamëti Nucën ꞌIbu Jesucristo cuëëncësabi oi ꞌiquin aín bana unicama ñuixunti ꞌain. Camina ꞌunanin, usaquinmi Cristonëan cushiocëxun ꞌacë ax ca ñancábimi ꞌacëma ꞌicën. Usaquin ꞌunánquin camina ënquinma mitsun ꞌacësamaira oquin nëtë camabi ꞌati ꞌain.

2 Corintios 4:1

Ësoquin cana mitsu cain, ꞌuchañuira ꞌicëbi nuibaquin sinanamixun ca Nucën Papa Diosan aín bana uni ñuixunun nu ꞌimiaxa. Usa ꞌain cananuna masá nuituquin ënquinma aín bana uni ñuixunin.

2 Corintios 4:16

Usa ꞌain cananuna masá nuituquinma aín bana ñuitiribi ëniman. Nucën nami axa abiira abi xënibucëbëtanbi ca Nucën Papa Diosan camabi nëtën ami catamëti cuëënun nu cushioia.

Gálatas 6:9

Usa ꞌain cananuna Nucën Papa Dios cuëëncësabi oquin ꞌaquin atsánquin ëntima ꞌain. Usoquin ñu upí oquin ꞌai cananuna ax quiásabi oi an ꞌaquincë ꞌianan aín nëtënu abë ꞌiti ꞌain.

2 Tesalonicenses 3:13

Nucën xucë́antu, camina unicamaxa chuámarua bucunun ñu upí ꞌati, a ꞌaisama tanquin ëntima ꞌain.

Hebreos 12:2

Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Hebreos 12:5

¿A bana mitsúxmi aín bëchicë ꞌicëa ꞌësëquin Nucën Papa Diosan cacë a caramina manuan? ësai quicë: ꞌËn bëchicë ꞌicë cana mi cain, Nucën ꞌIbu Diosan ca an nuibacë unicama ꞌixunbia ñu ꞌatima ꞌaia oquin amiribishi ꞌatëcënxunma ꞌanun quixun ꞌunánmiquin uisoquin cara ꞌati ꞌicë usoquin ꞌaia. Uicama cara aín bëchicë ꞌinun ꞌimiaxa acama ca usoquin ꞌaia. Usa ꞌain camina ñu ꞌaisama ꞌaia Nucën ꞌIbu Diosan mi uisa cara mi ocëxbi aín bana cuaisama tani bënë́tima ꞌain. ꞌIanan camina masá nuituti sináncasmaquin, uisai carana ꞌiti ꞌai quixun sinántima ꞌain.

Hebreos 3:1

ꞌËn xucë́antu, mitsux ainanshi ꞌinun Nucën Papa Diosan ꞌimicë ꞌixun camina, Nucën Papa Diosan a ñuiquin unicama ñuixunun ënë nëtënu xuá ꞌixuan an aín unicama Nucën Papa Dios ñucáxuncë, Cristo Jesús, a uisa uni cara ꞌiacëxa quixun upí oquinra ꞌunánti ꞌain.

1 Pedro 2:23

Unían ami nishquin ñu cacëxunbi ca usaribi oquin cáma ꞌicën. Usa ꞌixun ca unían ꞌatimoquin tëmëramicëxunbi uni —cana mi cupiti ꞌai —quixun cáma ꞌicën. Cupiti sinánquinma ca —ꞌën Papa Diosan cuni ca upí oquin isquin mëníoti ꞌicë —quixun sináncëxa.

Apocalipsis 2:3

Usai tëmëraquinbi camina mitsun ꞌëmi sinánti ëncëma ꞌain. ꞌËnan ꞌicë cupí unin ꞌatimocëxunbi camina ënquinma ꞌëmi sinánquin ꞌëx cuëëncësabi oquin ꞌan.

1 Samuel 12:24

Mitsun kamina Nukën ꞌIbun kakësokinshi ꞌakin asérabi kuëënkin ashi rabikanti ꞌain, an ka nu upíokin ꞌitsaira ꞌakinia kixun ami sinánkin.