Hebreos 12:2 - Kashibo-Kakataibo Biblia

² Jesús, a cupí nux ami catamëcë ꞌaish ainan ꞌianan asaribi upí ꞌaish aín nëtënu abë ꞌiti, ax ꞌiásaribiti ꞌinuxun cananuna uisai cara ax ꞌiacëxa quixun sinánti ꞌain. ꞌUchañuira uni ꞌacësa oquin ca unin i curúsocënu a matásti ꞌicë quixun ꞌunánxbi ca ënë menu uacëxa, —ënë ñucama inúcëbë unicama upí ꞌiti mëníotancëx cana ꞌën Papa Diosbë ꞌi cuëëntëcënti ꞌai —quixun ꞌunani. Usai bamax baísquia ꞌaish ca Nucën Papa Diosan nëtënu abë ꞌApu ꞌicën.

Nukën 'Ibu Diosan ain unikama 'inan ain bana

² Jesús, a cupí nux ami catamëcë 'aish ainan 'ianan asaribi upí 'aish aín nëtënu abë 'iti, ax 'iásaribiti 'inuxun cananuna uisai cara ax 'iacëxa quixun sinánti 'ain. 'Uchañuira uni 'acësa oquin ca unin i curúsocënu a matásti 'icë quixun 'unánxbi ca ënë menu uacëxa, —ënë ñucama inúcëbë unicama upí 'iti mëníotancëx cana 'ën Papa Diosbë 'i cuëëntëcënti 'ai —quixun 'unani. Usai bamax baísquia 'aish ca Nucën Papa Diosan nëtënu abë 'Apu 'icën.

Hebreos 12:2 ပူးပေါင်းရင်းမြစ်များ

Salmos 110:1

Nukën ꞌIbu Diosan ka ꞌën ꞌIbu kaxa: ꞌËn axa mimi nishkë unikama minan ꞌimimainun kamina ꞌë mëkeu tsóti ꞌain.

Isaías 31:1

¡Uisai kara an Egiptonu ꞌikë unikama ꞌakinun kixun bari kuankë unikama ꞌiti ꞌikën, ꞌimainun kara axa atuinsa aín caballo ꞌitsañu ꞌixun ꞌakinun kixun sinanan, anuaxa ꞌakanankë caballonën nirinkë ꞌitsaira anun, ꞌakianan isa caballonu ꞌiruax kuanti unainrabu suntáru ꞌitsaira an isa ꞌakinti ꞌikë kixun Israel unikaman Dios upíira an ꞌakinun kixun ñukátima!

Isaías 45:22

Usa ꞌain kamina ꞌën mitsu ië́minun ꞌënu ukanti ꞌain, uinu kara me kuainakëakëxa anu ꞌikë unikamaxi ka ꞌuti ꞌikën, ꞌëx Dios ꞌain ka bëtsi ꞌësaribi ꞌaíma ꞌiti ꞌikën.

Isaías 53:3

usa ꞌikë ka unikaman istisamatankin timakanti ꞌikën. Ax ka achúshi uni ꞌitsaira paë tani tëmërakin masánuitukinbi tënëkin ꞌaxëkë ꞌiaxa. Usa ꞌikë ka a unin istisama tankë unisa ꞌikë kamaxunbi usa ka; ax ꞌikë kixun nukaman ꞌunánma ꞌain.

Isaías 8:17

Nukën ꞌIbu Dios an aín unikama Jacobnuaxa mërá, atu ꞌakinsama tankëbëbi kana ꞌëx ënima ami katamëtin. ꞌËn kana an ꞌakintishi kainin.

Números 21:9

Usokin ꞌanun kakëxun achúshi runusabi ꞌitánun manë panshian ꞌatankëxun ka Moisésnën i achúshi nitsínkë anu bëntankëxa; bëntankë ꞌikë runu tankin manë ꞌakë ami bësukin isi ka ui uni kara runun pia ax pëxkúakëxa.

Mateo 16:21

Ësaquin caquin sënë́ontancëxun ca aín bamati ñuixuntabaquin Jesusan aín ꞌunánmicë unicama ësaquin cacëxa: —ꞌËn Papa Dios cuëëncësabi oi cana Jerusalénu cuanin. Cuanx bëbacë ca anu ꞌicë uni apáncamabë judíos sacerdotenën cushicama ꞌimainun an Moisésnën cuënëo bana ꞌunáncë unicamax ꞌën bana cuaisama tani ꞌëmi nishti ꞌicën. ꞌËmi nishquin ca ꞌë uni itsi ꞌamiti ꞌicën. Usaquian ꞌë ꞌacëx bamatancëx cana rabë́ nëtë ꞌiónxa pëcaracëbë baísquiti ꞌain.

Mateo 20:28

ꞌën ꞌacësaribi oquin. Uni itsían ñu mëëxunun cana ꞌëx uni ꞌinux Nucën Papa Diosnuax uáma ꞌain. ꞌËx cana unicamaxa upí ꞌianan upitax bucuti oquin ꞌaquini uacën. ꞌËx ꞌuchañuma ꞌaísh bamatsianxmabi cana camabi uníxa Nucën Papa Diosbë upí ꞌinun atun ꞌucha ꞌënansa ꞌain bamai uacën.

Marcos 14:36

—Papan, min ꞌaisama ñu ca ꞌaíma ꞌicën. ꞌËn usoquin paë tanun ꞌë ꞌimixunma ca ꞌat. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oishi cana ꞌiti ꞌain.

Marcos 15:28

Usai ca ꞌiacëxa, Nucën Papa Diosan bana cuënëo ësai quicësabi oi: “Uni ꞌatimacamabë ca ax ꞌiaxa”.

Marcos 16:19

Usaquin aín ꞌunánmicë unicama catancëx ca Nucën ꞌIbu Jesus, aín mëqueu ꞌaish Nucën Papa Diosbë cushi ꞌi, naínu cuancëxa.

Marcos 9:12

Cacëxun ca Jesusan cacëxa: —Elías ax pain ca uti ꞌicë quicë bana ax ca asérabi ꞌicën. Uxun ca unicama Nucën Papa Diosmia sinánun sinánmiti ꞌicën, usai quicë bana ca asérabi ꞌicën. ¿Usa ꞌaínbi cara axa Nucën Papa Diosnuax uni ꞌinux uá a ñuicë bana uisai quin? Ca quia, ax ca unin bëtsi bëtsi ocëx tëmërati ꞌicën.

Marcos 9:24

Cacëxun ca munuma banaquin a tuacën papan cacëxa: —Min camina camabi ñu ꞌati ꞌai quixun cana ꞌunanin. Usa ꞌaínbi camina, upí oquinra ꞌunánun ꞌë ꞌaquinti ꞌain.

Lucas 17:5

Aín ꞌunánmicë unicaman ca Nucën ꞌIbu Jesús cacëxa: —Nux Nucën Papa Diosmi catamëti ꞌicëbi camina asérabi, upitiira ami catamënun nu ꞌaquinti ꞌain.

Lucas 23:11

Usaria ca Herodesbëtan aín suntárucaman Jesús ꞌatimonan a ꞌusánquin cuaioquin ꞌapúan pañucë chupa pañumitancëxun Pilátonua buántëcëntanun quixun xuacëxa.

Lucas 24:26

¿A bana quicësabi oi cara Cristo, ax aín Papabë ꞌApu ꞌi cuancëma pan ꞌaish, paë tani tëmërati ꞌiax?

Juan 1:29

Usaquin unicama coónxun ca Juanën Jesús aia isacëxa. Aia isi ca quiacëxa: —Ca is, ënëx ca unin ꞌucha cupí carnero bamati ꞌaínbia ax bamacë cupí Nucën Papa Diosan camabi unin ꞌucha tërë́nti a ꞌicën.

Juan 12:24

Asérabi cana ꞌën mitsu cain, me ꞌucë mëu ꞌapácëma ꞌaish ca ñu bëru aín nami ax usabi ꞌimainun aín napu axribi nëtëtima usabi ꞌia. Me ꞌucë mëu ꞌapácëxun cuni ca aín nami nëtë́cëbëbi aín napu ax cotancëxun upí oquin tuaia.

Juan 12:32

ꞌËx unin i curúsocënu matáscë ꞌitancëxun cana camabi menu ꞌicë uni ꞌëmia sinánun ꞌimiti ꞌain.

Juan 13:3

Piquin ca —ꞌën Papan camabi ñu ꞌibuamianan ënë nëtënu xuá ꞌaish cana anuribi cuantëcënti ꞌai —quixun sináncëxa.

Juan 6:40

An ꞌë xuá ax ca cuëënia, aín Bëchicë, ꞌëmi catamëcë unicamax nëtë́timoi abë ꞌiti. A unicama cana ꞌën ënë nëtë cëñúcëbëtan abë ꞌinun baísquimiti ꞌain.

Juan 8:56

Mitsun rara Abrahamnëx ca ꞌëx aia isti sinani cuëëancëxa. Usai ca ꞌëx aia isi cuëëinra cuëëancëxa.

Hechos 2:36

Usa ꞌain camina mitsux Israel unicama ꞌixun asérabi ꞌunánti ꞌain, mitsúnmi i curúsocënu matásmicë, a Jesúsbi ca Nucën Papa Diosan nucën ꞌIbu ꞌimianan axa utinu nun caíncë, Cristo, a ꞌimiaxa.

Hechos 3:15

Usoquin camina mitsun an unicama Nucën Papa Diosnan ꞌinúxa abë ꞌinun ꞌimiti, Jesus, a uni ꞌamian. Usoquinmi ꞌamicë́xa bamacëbi ca Nucën Papa Diosan a baísquimiaxa. Bamacëa baísquimicë cananuna nun asérabi isan.

Hechos 5:31

Usotancëxun ca abëa aín mëqueu ꞌApu ꞌinun ꞌimiaxa. ꞌImianan ca axa atun ꞌApu ꞌaían a cupíshi sinanati Israel unicama atun ꞌucha tërë́ncë ꞌaish ië́cë ꞌinun ꞌimiaxa.

Hechos 5:41

Xucëxun ꞌapucama ëbiani ca —Jesúsnan cupí tëmëranun ca Nucën Papa Diosan nu caísaxa —quixun sinani cuëënquiani cuancëxa.

1 Corintios 1:18

Cristo ca unin ꞌucha cupí i curúsocënu bamacëxa quixun ñuicë bana a ca an Nucën Papa Dios cuëëncëma unicaman —a banax ca cëmë ꞌicë —quixun ñuiquin ꞌusania. Usa ꞌaínbi ca axa Nucën Papa Diosbë ꞌinux ië́ti unicaman a bana cuaquin, aín cushin ꞌimicëx cananuna nun ꞌuchacama tërë́ncë ꞌaish Nucën Papa Diosnan ꞌai quixun ꞌunania.

1 Corintios 1:23

A unicamaxa usa ꞌaínbi cananuna nun i curúsocënu matáscë Cristo, a ñuiquin unicama bana ñuixunin. A bananu nun unicama ñuixuncëbë ca judíos unicamax rabini, uisa ꞌaish caraisa Cristo i curúsocënu bamati ꞌicë quixun sinani, ami catamëisama tania. Usaía judíos unicama ꞌimainun ca judíosma unicaman —Diosan Bëchicë ca i curúsocënuax bamacëxa —quixun ñuiquin ꞌusania.

Efesios 2:16

Ax camabi unin ꞌucha tërë́ncë ꞌiti cupí i curúsocënuax bamax baísquiquin ca Cristonën judíos unicama Nucën Papa Diosnan ꞌinun mëníocëxa. Usoquian ꞌacë cupí ca axa ami catamëcëcamax Nucën Papa Diosnan ꞌaish, judíosma unibë judíos uni nishánantëcëntima ꞌicën.

Efesios 5:2

Nucën Papa Dios cuëëncësabi oquin judíos unin aín ꞌucha cupí rëcë́xa carnero ꞌiásaribiti ca bamatsianxmabi Cristo nu nuibati nun ꞌucha cupí bamacëxa, ami catamëtíshinu ië́nun. Cristonëan nu usoquin nuibacë ꞌain camina mitsúxribi usaribiti bëtsibë bëtsibë nuibananti ꞌain.

Filipenses 1:6

Cana ꞌunanin, an mitsu Jesucristomi catamënun sinánmicë ꞌixun ca axa utëcë́nti nëtë ꞌitámainun Nucën Papa Diosan Jesucristosaribi ꞌaish upí ꞌinun mitsu ꞌimia.

Filipenses 3:20

Atúxa usai ꞌimainunbi cananuna nux Nucën Papa Diosan nëtënu abë ꞌiti ꞌain. Usa ꞌain cananuna a nëtënuaxa Nucën ꞌIbu Jesucristo, an nun ꞌucha tërë́nquin Nucën Papa Diosnan ꞌinun nu ië́micë, axa uti cuëënquin cainin.

2 Timoteo 4:8

Usa ꞌixun cana Nucën ꞌIbu Jesucristonën utancëxun, upí oquin ax cuëëncësabi oquin ꞌën ꞌacë cupí cara uisaira ꞌë ꞌimiti ꞌicë quixun isti ꞌain. An ca asérabi aín quicësabi oquin ꞌati ꞌicën. Usa ꞌixun ca ꞌëishima, an axa uti cuëënquin caíncë unicamaribi, utancëxun uisaira oquin cara aturibi ꞌimiti ꞌicë usoquin ꞌimiti ꞌicën.

Hebreos 1:13

Uínsaranbi ca uinu ꞌicë ángelbi Nucën Papa Diosan ësoquin cáma ꞌicën: Axa mimi nishcë unicama ꞌën mi ꞌibuamimainun camina mix ꞌëbë ꞌApu ꞌaish ꞌën mëqueu ꞌiti ꞌain.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

Hebreos 10:14

Usa ꞌain ca achúshitishi bama ꞌixun axa ami catamëcë unicama aín ꞌucha tërë́anan nëtë́timoia abë upí ꞌinun ꞌimia.

Hebreos 10:33

Mitsu raírinëx camina unin mitsumi cuaiquin ꞌitsa unin ismainun mëëcë ꞌiacën. Usai ꞌimainun ca axa Cristomi catamëcë uni raírinën mitsux usai ꞌicë isi masá nuituquin ënquinma ꞌaquiancëxa.

Hebreos 11:36

Raíri uni ca Nucën Papa Diosmi catamëcë cupí unin ami cuaianan rishquiacëxa. Raíri ca unin manë risin nëaxun sipuacëxa.

Hebreos 12:3

Tëmëraquin —axa ami sináncëma unicaman ca ꞌëx Jesucristonan ꞌicë cupí ꞌë bëtsi bëtsi oia —quixun sinánquin ami catamëti ëntin rabanan camina —usaribi oquian ami nishquin unin ꞌacëxunbi ca Jesucristonën tanshiacëxa —quixun sinánti ꞌain. Usaquin sinani camina ami catamëtia unin bëtsi bëtsi ocëxun oquin a ënti sinanima ami cushiti ꞌain.

Hebreos 13:13

Usa ꞌain cananuna Jesús, axa ëma ꞌuracëox ꞌuchañuira uni ꞌicësari bama, a nuxnu ainan ꞌicëa uni itsin tëmëramianan ꞌusáncëxunbi, ainan ꞌiti ëntima ꞌain.

Hebreos 5:9

Ax tëmëraibi aín Papa Dios cuëëncësabi oi ꞌiá ꞌixun ca an aín bana cuaquin ax quicësabi oquin ꞌacë unicama a aín ꞌucha tërë́nquin Nucën Papa Diosnan ꞌaish xënibua ꞌaínbi abë ꞌinun ië́mia.

Hebreos 8:1

Ënë banaxa bëtsi banasama ꞌicëmi mitsun ꞌunánun cananuna ënë ñuiquin mitsu cain, an Nucën Papa Dios aín unicama ñucáxunti, Jesús, ax ca usa ꞌaish bërí aín nëtënu abë ꞌaish, Nucën Papa Diosbë ꞌApu ꞌicën.

Hebreos 9:28

Usaribiti ca Cristo ënë menuax achúshitishi bamacëxa. Ax ꞌuchañuma ꞌaíshbi ca camabi unin ꞌucha ainansa ꞌaish tërë́ncë ꞌinun bamacëxa. Bamatancëx baísquitancëx ca aín Papa Diosnu cuan ꞌaish amiribishi ënë nëtënu utëcënti ꞌicën. Camabi unin ꞌucha cupí bamatëcëni aima ca an aín uti caíncë unicama abëa ꞌinun bitsi utëcënuxun ꞌaia.

Santiago 2:1

ꞌËn xucë́antu, mitsux Nucën ꞌIbu Jesucristo, ax Diossaribi upí, ami catamëcë ꞌixun camina raíri unibëishi nuibananquin raíri uni timatima ꞌain.

1 Pedro 1:11

Cristo ënë menu ucëma ꞌaínbi ca aín Bëru Ñunshin Upitan sinánmicë ꞌixun, an Nucën Papa Dios quicë bana uni ñuixuncë unicaman ꞌunáncëxa, tëmërax bamatancëx baísquitancëx ca Cristo aín Papasaribi ꞌApu ꞌaish abë tsóti ꞌicë quixun. Usaquin ꞌunánquin ca uisa uni cara Cristo ꞌiti ꞌicë quixun ꞌunántisa tanan uínsaran cara uti ꞌicë quixun ꞌunántisa tancëxa.

1 Pedro 3:18

Ax upí ꞌaíshbi ca Cristo camabi unin ꞌucha cupí achúshitishi bamacëxa, unicama ami catamëti Nucën Papa Diosnan ꞌinun. Uni ꞌaish bamatancëxbi aín namibë aín bëru ñunshin ꞌitëcëni baísquiax ca bëtsi ꞌiacëxa.

1 Pedro 3:22

Baísquitancëx naínu cuan ꞌaish ca Jesucristo ax Nucën Papa Diosbë ꞌApu ꞌaish aín mëqueu ꞌicën. Usa ꞌicë ca ángelcama ꞌimainun uisa cushi cara anribi aín bana cuatia.

Judas 1:21

Nucën Papa Diosan mitsu nuibacëx camina ami manutima camabi nëtën ax cuëëncësabi oi ꞌiti ꞌain. ꞌIanan camina a nëtë anuan nuibaquin Nucën ꞌIbu Jesucristonën utëcënquin aín nëtënunu xënibua ꞌaínbi abë ꞌinun nu ꞌimiti, a caínti ꞌain.

Apocalipsis 1:11

Banai ësai quia cana cuan: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain. Ënuxunmi min iscë ñucama ñuiquin camina quiricanu cuënëoti ꞌain. Cuënëotancëxun camina axa ꞌëmi sinani ꞌëmi catamëcë unicama, mëcën achúshi ꞌimainun rabë́ ëmanu ꞌicë, acamami cuënëocë quirica buánmiti ꞌain, Efeso, Esmirna, Pérgamo, Tiatira, Sardis, Filadelfia, Laodicea, a ëmacamanu ꞌicë unicama a.

Apocalipsis 1:17

Usa isi cana racuëtan bamai a tanáin nipacëan. Nipacëtia ca aín mëcën mëqueunën ramëquin ꞌë caxa: —Racuëaxma ca ꞌit. ꞌËx cana ñu ꞌaíma pan ꞌain ꞌiacën. Usa ꞌaish cana camabi ñu cëñúcëbë usabi ꞌiti ꞌain.

Apocalipsis 1:8

Nucën ꞌIbu Dios, axa usabi ꞌiá ꞌaish usabi ꞌicë, ax ca cushiira ꞌaish, uisa cushi cara, aín cushibëtanbi sënë́nmaira ꞌicën. Usa ꞌaish ca ax ësai quia: —ꞌËx cana uisa ñubia ꞌaíma ꞌaínbi ꞌiacën, usa ꞌaish cana ënë menu ꞌicë ñucama cëñúcëbë usabi ꞌiti ꞌain. Usa ꞌaish cana a pain ꞌunánti bana “A” ꞌimainun tsiánquinribi ꞌunánti bana “Z” asaribi ꞌain.

Apocalipsis 2:8

Usaquin catancëxun ca ësaquinribi cuënëonun ꞌë caxa: —An axa Esmiranuax ꞌëmi catamëcë unicama ꞌë ñui quicë bana ñuixuncë uni, a buánminuxun camina ësoquin cuënëoti ꞌain: Axa ñu ꞌaíma pan ꞌain ꞌiá ꞌaish camabi ñu cëñúcëbë usabi ꞌiti, axa bamaxbi bamatëcëntimoi baísquicë, Jesús, an ca ësaquin mi caia: