9 Nucën Papa Diosmi catamëcë ꞌaish ca Abraham a me, a Nucën Papa Diosan a ñuixuncë, anu bëbatancëx anu tsoócëxa. Anu ꞌaísh ca aín menumabia uni tsócësa ꞌiacëxa. Anu ꞌaíshbi ca upí oquin xubuoíma, chupa ꞌacë xubunuishi ꞌiacëxa. Usaribiti ca aín bëchicë Isaac ꞌimainun Isaacnën bëchicë Jacob, acamaxribi ꞌiacëxa. —Abraham, mix camina ꞌënan ꞌiti ꞌain, min rëbúnquicamaribi ca ꞌën uni ꞌiti ꞌicë —quixun ca Nucën Papa Diosan Abraham cacëxa. Usaribi oquin ca Nucën Papa Diosan Abrahamnën bëchicë, Isaac, ꞌimainun Isaacnën bëchicë, Jacob, cacëxa.
9 Nucën Papa Diosmi catamëcë 'aish ca Abraham a me, a Nucën Papa Diosan a ñuixuncë, anu bëbatancëx anu tsoócëxa. Anu 'aísh ca aín menumabia uni tsócësa 'iacëxa. Anu 'aíshbi ca upí oquin xubuoíma, chupa 'acë xubunuishi 'iacëxa. Usaribiti ca aín bëchicë Isaac 'imainun Isaacnën bëchicë Jacob, acamaxribi 'iacëxa. —Abraham, mix camina 'ënan 'iti 'ain, min rëbúnquicamaribi ca 'ën uni 'iti 'icë —quixun ca Nucën Papa Diosan Abraham cacëxa. Usaribi oquin ca Nucën Papa Diosan Abrahamnën bëchicë, Isaac, 'imainun Isaacnën bëchicë, Jacob, cacëxa.
Usai ꞌitankëx ka anuax chikíkiani kuanxun amiaxa bari urukë Betel kakë ëma au ꞌikë niñu me anu xubusa okin aín chupa këxtú pëniankëxa. Betel kakë ëma ax ka amia bari kuabúkë au ꞌikë ꞌiakëxa, ꞌimainun ka achúshi ëma. Ai kakë axribi amiaxa bari urukë au ꞌikë ꞌiakëxa. A menuxunribi ka Abramnën anuxun Nukën ꞌIbu rabiti ꞌatankëxun rabiakëxa.
Mi ꞌimainun min rëbúnkikama kana kamabi Canaán me anumi bërí tsókë ënë ꞌinánti ꞌain, ax ka min rëbúnki kamaxa xënibua ꞌaínbi anu tsóti ꞌikë ꞌimainun kana ꞌëx atun Dios ꞌiti ꞌain.
Usakian kakëx ka Abraham aín chupa këxtú xubusa okían ꞌakë anu atsíankëxa atsínkin ka Sara kakëxa: —¡Bënë́kinshi! Kamina trigo putuakë upíira veinte kilo bitankëxun pán ꞌati ꞌain.
Usakin pitankëx sënë́nkin ka a isia kuankë unikama achúshinën Abraham ñukákëxa: —¿Uinu kara min xanu Sara ꞌik? Kakëxun ka kakëxa ka —anu ꞌëx ꞌikë chupa këxtú xubusa okin ꞌakë anu ꞌikën —kixun ka kakëxa.
—Banakin ka ësokin kakëxa, ꞌëx kana bëtsi menu ꞌikë uni ꞌaíshbi mitsunu tsókë uni ꞌain, usa ꞌikëbi kamina anu uni ñuia maínti ꞌakë achúshi anu ꞌën xanu mëníonun ꞌë maruti ꞌain.
Usa ꞌain ka a tuá rabë́ kaniakëxa. Usai kanitankëx ka aín rëkuë́n bëchikë Esaú ax ninua ñuira okë uni ꞌiakëxa; ꞌimainun ka aín ꞌanáka Jacob mënin sinaínshi uni ꞌiakëxa, usa ꞌain ka aín xubunuashi ñu mëi tsóti kuëëni ꞌiakëxa.
ꞌImianan ka mi ꞌinánan, min rëbúnkikamaribi upíokin sinánxunkin Abraham kásabiokin, ënë me ꞌibuanun anu nu bërí bëtsi menu ꞌikë uni ꞌikësai tsókë ënë mi ꞌinánti ꞌikën, Nukën ꞌIbu Diosan Abraham ꞌinánuxun kásabiokin.
Ësokian kakëx kuanxun ka Labánën Jacob Galaad kakë menu ꞌikë bashikama anua nuküakëxa, aín xanu aín bëchikë a kamabë anu ꞌikë. Usokin a nukutankëx ka abë kuankë unikamabë axribi a ꞌurama ꞌiakëxa,
Achúshi nëtën ka Jacob aín papa Isaac isi Mamré kakë ëma ꞌikëbia Arbá kakin anëanan Hebrón kakinribi anëkë anu kuankëxa. A menu ka Abraham ꞌimainun Isaac tsóakëxa.
Kixuan ñukákëxun ka Jacobnën kakëxa: —ꞌËx kana bërí ꞌain ciento treinta baritiañu usa ꞌain kana achúshi menushi ꞌima kuaínbëkini tsóti niakën. Usa ꞌain kana a baritiakaman upiti tsóti ꞌianan tëmërai ꞌiakën, usa ꞌaínbi kana ꞌën chaitiokëkama ꞌiásarabiti kaniakëti tsóti.
Usaribiti ca Nucën Papa Dios axribi, axa ami catamëti ainan ꞌiti unicaman —aín quicësabi oi ca asérabi ꞌiti ꞌicë —quixun ꞌunánun, —xënibua ꞌaínbia sinanatëcëntimoi usabi ꞌiti ca ënë bana ꞌicë —quiax quiacëxa.