Hebreos 10:5 - Kashibo-Kakataibo Biblia

⁵ Usa ꞌain ca Cristonën ënë nëtënu uquin aín Papa Dios ësaquin cacëxa: Ñuina unin rëxun xaroti cuëënquinma camina ꞌëx uni ꞌaish unicaman ꞌucha cupí bamati mëníon.

Nukën 'Ibu Diosan ain unikama 'inan ain bana

⁵ Usa 'ain ca Cristonën ënë nëtënu uquin aín Papa Dios ësaquin cacëxa: Ñuina unin rëxun xaroti cuëënquinma camina 'ëx uni 'aish unicaman 'ucha cupí bamati mëníon.

Hebreos 10:5 ပူးပေါင်းရင်းမြစ်များ

Génesis 3:15

ꞌËn kana mixmi xanubë nishananun ꞌimiti ꞌain, ꞌën ꞌimikëx ka min rëbúnki ꞌimainun xanun rëbúnki nishananti ꞌikën. Aín rëbúnkinën ka min maxkánu mi amánuxun ꞌaia, ꞌakëxun kamina aín taë tsipútunu ꞌanuxun ꞌain.

Isaías 1:11

Ësai ka Dios kiaxa: “¿Uisa kupín kaina mitsun ꞌaisamaira ñuina rëxun ꞌë xaroxunin? ꞌËx kana ꞌaisamaira carnero rëxun ꞌaímai këñutanun kixun xarokankë a isi anun atsan, ꞌimainun kana vaca bërí kanikëkama aín xëni abi kuëënima; ꞌianan kana vaca ꞌain bënëkama ꞌianan carnerokama ꞌimainun cabra bërí kanikëkama aín imi bikë akamabi kuëëniman.

Isaías 40:16

Kamabi Líbanu mekamanu ka ñuina ꞌitsairama ꞌikën usa ꞌaish ka bënë́kinshi ꞌatankëxun ꞌaímai këñutanun a xarotibi ꞌaíma ꞌikën, ꞌianan ka anua karu bënë́kinshi a tíkati bisamabi ꞌikën.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Jeremías 31:22

¿Uínsaran kaina ꞌën kakësabiokin ꞌaíma amami amami kuani, xanu tuá aín papan bana kuatima nikësaimi ꞌikankë a ënkanti ꞌain? ꞌËx mitsun ꞌIbu ꞌixun kana achúshi ñu ió okin ënë menu ꞌakën, xanúan ꞌain bënë ënxun bitëkënkë usaribi okin ka Israel unikaman ꞌëx kikësabiokin ꞌanuxun ꞌë mërati ꞌikën. Kiax ka kiakëxa.”

Jeremías 6:20

¿Uisoti kaina mitsun Sabá menu ꞌikë sanuira ñu a ꞌimainun ro ua sanuira ꞌura ꞌikë me kamanua ꞌikë a ꞌë bëxun kanin? ꞌËx kana kuëënima ꞌaímai këñutanun xarokë a ꞌianan, bëtsi ñukamaribi bëxun xarokëxbi ka ꞌën iskëx upíma ꞌikën:

Mateo 11:3

Xucëx cuanxun ca Juanën cacësabi oquin ñucáquin Jesús cacëxa: —¿Mix caramina asérabi axa uti nun caíncë a ꞌain? ¿Mixmi ama ꞌain caranuna bëtsi uníxa uti nun caínti ꞌain?

Lucas 1:35

Cacëxun ca ángelnën cacëxa: —Nucën Papa Diosan Bëru Ñunshin Upí ca minu uti ꞌicën. Manámi ꞌicë Nucën Papa Diosan sinanën camina tuñu ꞌiti ꞌain. Usaquian sinánxuncëxunmi tuacëx ca ax Nucën Papa Diosan iscëx upíira ꞌiti ꞌicën, —ax ca Nucën Papa Diosan Bëchicë ꞌicë —quiax ca unicamax a ñui quiti ꞌicën.

Lucas 7:19

Cacëxun ca Juanën aín uni rabë́ Jesúsnu cuantánun xuquin ësaquin ñucáquin catánun quixun cacëxa: ¿Mix caramina asérabi axa uti nun caíncë a ꞌain? ¿Ama mix ꞌain caranuna bëtsíxa uti caínti ꞌain?

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

Hebreos 1:6

Usa ꞌaish ca aín Bëchicë aratsushi ꞌicëbi ënë menu xuti ësai quiacëxa: ꞌËn ángelcaman ca a rabiti ꞌicën.

Hebreos 10:10

Jesucristo aín Papa Dios cuëëncësabi oi, bamatsianxmabi achúshitishi bama ꞌain cananuna nux Cristo bama cupí Nucën Papa Diosan iscëx nun ꞌucha tërë́ncë ꞌaish asérabi ainan ꞌain.

Hebreos 10:7

Usa ꞌain cana mi can: ꞌËn Papa Dios, mix cuëëncësabi oquinshi ꞌanux cana ënë nëtënu ain, min bana cuënëo quicësabi oi.

Hebreos 10:8

Moisésnën cuënëo bana, aín ꞌucha tërë́ncë ꞌinun ca unin ñuina rëxun xaroti ꞌicë quicë ꞌaínbi ca Cristonën aín Papa Dios cacëxa, “aín ꞌucha cupía unin ñuina rëxunmi xaroxuncë a camina cuëëniman”.

Hebreos 2:14

Achúshi unin bëchicëcamax ca aín xucë́nsaribi ꞌia. Usaribiti ca Nucën Papa Diosan bëchicëcamaxa uni ꞌain, axribi uni ꞌinux Jesús uacëxa. Uni ꞌaish ca, an ñu ꞌatima ꞌati sinánmicë ꞌaísha Nucën Papa Diosbë uni ꞌitima ꞌicëbi ñunshin ꞌatimanën ꞌapu a ñusmonux bamati cupí, Jesús uni ꞌiacëxa.

Hebreos 5:7

Jesusan ca ënë menu ꞌaish abë banaquin aín Papa ñu ñucácëxa. Ñucáquin ca axa bamatimoquin a ië́miti cushiñu ꞌicë ꞌunánquin, munuma banaquin cacëxa. Usaquian ax cuëëncësabi oquin ꞌaquinun quixun ñucácë cupí ca Nucën Papa Diosan Jesucristo ꞌaquiancëxa.

Hebreos 8:3

An unicaman ꞌucha Nucën Papa Diosan tërë́nun ñuina rëcë xaronux ca sacerdotenën cushicaman ꞌapu an Nucën Papa Dios aín unicama ñucáxuncë ꞌia. Usaribiti ca Jesús unicaman ꞌucha tërë́ncë ꞌinun ñuina rëtíma, a cupía unicaman ꞌucha tërë́ncë ꞌinun bamatsianxmabi bamacëxa.

1 Pedro 2:24

Nun ꞌuchacama cëñucë ꞌaíshnu amiribishi ñu ꞌatima ꞌatëcënima, ñu upíshi ꞌai tsónun ca Cristo nun ꞌuchacama bicë cupí i curúsocënu bamacëxa. Mitsúxmi ñu ꞌatima ꞌai ꞌinsíncësa ꞌaíshbi upí ꞌinun ca ax ꞌaisamaira oquin paë tënëi bamacëxa.

2 Juan 1:7

ꞌItsa unin ca camabi menu cuanquin uni paránquin —Nucën Papa Diosan Bëchicë ca uni ꞌinux uacëxa —quixun caquinma, bëtsi bana ñuiquin uni parania. Usa unix ca an uni paráncë ꞌianan an ꞌatimaquinra Cristo ñuicë uni a ꞌicën.