Hebreos 1:8 - Kashibo-Kakataibo Biblia

⁸ Usai quiquinbi ca aín Bëchicë aira ësaquin caia: Mixribi Dios ꞌaish camina usabi ꞌitioi ꞌën nëtënu ꞌApu ꞌain. Mix ꞌApu upíira ꞌaían min banaribi upí ꞌain ca min ꞌati ñucamaribi upí ꞌicën.

Nukën 'Ibu Diosan ain unikama 'inan ain bana

⁸ Usai quiquinbi ca aín Bëchicë aira ësaquin caia: Mixribi Dios 'aish camina usabi 'itioi 'ën nëtënu 'Apu 'ain. Mix 'Apu upíira 'aían min banaribi upí 'ain ca min 'ati ñucamaribi upí 'icën.

Hebreos 1:8 ပူးပေါင်းရင်းမြစ်များ

2 Samuel 23:3

Israel kaman Dios ax ka ësai kiaxa: An Israel kama ꞌakinkë Dios an ka ꞌë ësokin kakëxa: An unikama aín ꞌapu ꞌixun ꞌakinti ax ka uisa ñu ꞌatimabi ꞌakëma ꞌiti ꞌikën, usa ꞌixun ka Diosan kuëënkësabi okin unikama ꞌakinti ꞌikën,

Salmos 145:13

Mix ꞌapu ꞌia ax ka xënibua ꞌainbi mix ꞌapu ꞌiti ꞌikën, usa ꞌain ka kamabi unin rëbúnki ax mix kuëënkësabi oi ꞌiti ꞌikën.

Salmos 72:7

¡Usakin ꞌanan ka ax ꞌapu ꞌixun ñu upíokin ꞌakëbë, a nëtëkaman uni upitax bukuti ꞌikën, anúan ꞌuxë nëtë́ti nëtë ꞌitámainun!

Isaías 45:25

Asábi ka ꞌën ꞌakë ñukama kupín ka kamabi Israel unikama ami nishkë unikama kanankin ꞌatankëx, ꞌën ꞌakë ñukama ñui anun rabikanti ꞌikën.”

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Jeremías 38:15

Kakëxun ka an bana ñuikë uni Jeremíasnën ꞌapu kakëxa: —ꞌËn min ñukákëxun mix, ꞌapu ꞌikë kakëxun kamina min ꞌë ꞌanun ꞌamiti ꞌain; ꞌimainun kamina ꞌën usokin kamina ñu ꞌatima ꞌai kixun kakëxunbi kuatima ꞌain.

Oseas 1:7

ꞌAínbi kana Judánu ꞌikë unikaman ꞌapu atumi ꞌatimakin sinanima ꞌikima nuibati ꞌain: usakin nuibakin kana ꞌëxbi ꞌain Dios ꞌixun ië́miti ꞌain. ꞌAínbi kana ꞌakanankë ꞌianan, kantiñu ꞌianan, manë xëtokëñu ꞌianan, caballo an nikinkë uniñu ꞌikëbi a kupín ꞌimikima ꞌënbi ië́miti ꞌain.”

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Mateo 1:23

Xanu achúshi unibë ꞌicëma pain ꞌaish ca tuñu ꞌitancëx bacë́nti ꞌicën. Aín tuá ax ca Emanuel caquin anëcë ꞌiti ꞌicën. Emanuel quicë ax ca “Nucën Papa Dios ca nubë ꞌicë” qui quicë ꞌicen.

Lucas 1:75

Usaquian ië́micëxun cananuna an iscë nun nuitu upí ꞌixun, ax cuëëncësabi oquin ꞌaquin, camabi nëtë nun bamati nëtë utámainun a rabiti ꞌain.

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 10:33

Ësoquian cacëxun ca judíos unicaman cacëxa: —Minmi upí ñu ꞌacë cupí cananuna mi maxaxan ꞌaiman. Mixmi Nucën Papa Dios ñui ꞌatimati banacë cupí cananuna mi ꞌain. Mix camina unishi ꞌaíshbi mix isamina Dios ꞌai quiax quin. A cupí cananuna mi ꞌain.

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Romanos 9:5

Israel unicamax ca Abraham ꞌimainun Isaac ꞌimainun Jacob, Israelribi cacë, acaman rëbúnqui ꞌicën. Uni ꞌaish ca Cristonën ꞌunánpaparibi Israelnën rëbúnqui ꞌiacëxa. Ax Diosribi ꞌaish ca camabi uni, camabi ñun ꞌibu ꞌianan ángelcaman ꞌiburibi ꞌicën. A ca camabi unin xënibua ꞌaínbi rabiti ꞌicën. Usai ca ꞌiti ꞌicën.

1 Corintios 15:25

Nucën Papa Diosan ꞌimicëxun ca Cristonën ꞌApu ꞌixun axa ami nishcë unicama ꞌibuaquin ax quicësabi oquian ꞌanun ꞌimiti ꞌicën.

Deuteronomio 7:14

Mitsux kamina bëtsi unikama akësamaira okin Diosan ꞌakinkë ꞌiti ꞌain; usa ꞌain ka mitsun xanu achúshirabi tuañuma xanu ꞌimainun bëbu uníxribi achúshirabi bëchikëma uni ꞌitima ꞌikën, ꞌimainun ka mitsun ꞌarakakë ñuinakamaxribi ain xanu tuaima ꞌimainun ain bënëribi bëchima ꞌitima ꞌikën.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.

2 Pedro 1:11

Usai ꞌitancëx camina Nucën ꞌIbu Jesucristo, an nun ꞌucha tërë́nquin Nucën Papa Diosnan ꞌinun nu ië́micë, an mëníosabi oi asérabi aín nëtënu abë cëñútimoi ꞌiti ꞌain.

1 Juan 5:20

ꞌUnánan cananuna ësaquinribi ꞌunanin, aín Bëchicënën ca ënë menu ax uá ꞌaínu ami catamëtia uisa cara Nucën Papa Dios, axëshia asérabi Dios, ax ꞌicë quixun nu ꞌunánmia. Aín Bëchicë, Jesucristo, ax nubë ꞌain cananuna an ꞌaquincëx ax cuëëncësabi oi tsotin. Ax ca axëshi asérabi Dios ꞌaínu nux ainan ꞌaish abë xënibua ꞌaínbi ꞌiti a ꞌicën.