Hebreos 1:2 - Kashibo-Kakataibo Biblia

² Bëráma usaquin nucën raracama ꞌunánmia ꞌaínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa ꞌain ca an camabi ñu, naíu ꞌicë ángelcama ꞌimainun, ënë menu ꞌicë unicama ꞌimainun, camabi ñu unio ꞌicë aín Papan a ꞌibuamiacëxa.

Nukën 'Ibu Diosan ain unikama 'inan ain bana

² Bëráma usaquin nucën raracama 'unánmia 'aínbi ca an xucëxun aín Bëchicë anbi aín Papan bana unicama ñuixuancëxa. Nucën Papa Diosan ca aín Bëchicë camabi ñu uniomiacëxa. Usa 'ain ca an camabi ñu, naíu 'icë ángelcama 'imainun, ënë menu 'icë unicama 'imainun, camabi ñu unio 'icë aín Papan a 'ibuamiacëxa.

Hebreos 1:2 ပူးပေါင်းရင်းမြစ်များ

Génesis 49:1

Usa ꞌain ka Jacobnën kamabi aín bëchikëkama anua unun kixun kamiakëxa: “Kamikëxa anu rikuatsinkë ka ꞌë ꞌurama kamina ukanti ꞌain kixun kakëxa, bërí kana usaími ꞌëx ñukëbë ꞌikanti bana mitsu ñuixunti ꞌain:

Isaías 2:2

Nëtë xënibukëbë ka anúan ꞌiti nëtë ꞌikëbë anua Diosan xubu ꞌikë bashi ax bëtsi bashikamasamaira ꞌinuxun ꞌaia. Usa ꞌain ka a bashixa bëtsi bashikamasama ꞌain bëtsi menu ꞌikë kamabi unikamax anu uti ꞌikën;

Isaías 44:24

Ësai ka Nukën ꞌIbu an mi bitëkënkë ax kiaxa, an ka mitsu ënë menu min titan bakëntisa ꞌikëmabi ꞌakëxa: “ꞌËx kana an kamabi ñu unio Nukën ꞌIbu a ꞌain, ꞌanan kana ꞌën naíkamë ꞌëo chaiira ꞌinun pënimëtanun ꞌimiakën ꞌimianan kana meribi anubia rakati anu nankën usakin ꞌaia ka uínbi ꞌë ꞌakianma ꞌikën.

Isaías 45:12

ꞌËn kana mekama unionan anu ꞌikë unikama ꞌakën, ꞌanan kana naíkamë ꞌëo ꞌën mëkënan pëninkësa okin ꞌakën, ꞌanuxun kana anu ꞌikë ꞌispakama mëranun ꞌimiakën.

Isaías 45:18

Ësai ka an naíkamë ꞌëo unio, Nukën ꞌIbu Dios ax kia, an ka me ꞌatankëxun anubia ꞌitinu nankëxa, mex ka ñankáishi rakatima ꞌikë anu ka uni ꞌiti ꞌikën: ꞌËx kana Nukën ꞌIbu ꞌain, usa ꞌain ka bëtsi ꞌaíma ꞌikën.

Daniel 2:28

Usa ꞌaínbi ka naínu achúshi Dios an ꞌunántisama ꞌikëbi ñu ꞌunánkëira anu ꞌikën, an ka mi ꞌapu ꞌikë uisai karamina ꞌinuxun ꞌain mi ꞌunánmiaxa. Usa ꞌain kana ꞌën ꞌapu ꞌixunmi ꞌuxun namákë akama mi ñuixunti ꞌain:

Oseas 3:5

Usai pain ënë ñukama ꞌikë ꞌain ka Israelkaman ami sinanatëkënkin, Nukën ꞌIbu Dios rabiti sinántëkënti ꞌikën, ꞌimainun ka atun ꞌapu ꞌia David aín rëbúnki achúshi atun ꞌapu ꞌiti ꞌikën. Anuan ënë nëtëkama këñuti a nëtë ꞌikëbëtan ka ami rakuë́kin Dios upíokin a ꞌakinun kixun ñukáti ꞌikën.

Miqueas 4:1

ꞌItsa baritia inúkëbë ka anun usai ꞌiti nëtëkama ꞌikëbë, anuxun Nukën ꞌIbu rabiti xubu anu ꞌikë bashi ax uínbi uisabi oisama ꞌiti ꞌikën. Usa ꞌaish ka a bashi manan ꞌaish; bëtsi bashi kamasamaira manainra ꞌiti ꞌikën. Usa ꞌain ka kamabi ëmanu ꞌikë unikama anu ꞌuti ꞌikën;

Números 24:14

Asabi ka usa ꞌain kana ꞌën menubi kuanti ꞌain; ꞌaínbi kana kuanuxun pain ësokin mi kain, uisai kara a unikamabë min rëbúnkikama ꞌinuxun ꞌaia.

Mateo 13:39

An chucu ꞌapácë uni asaribi ca ñunshin ꞌatimanën ꞌapu ꞌicën. Anun bimi biti nëtë ñuiquinbi cana ꞌëx utëcënti nëtë ñui quian. An bimi bicë unicama asa ca ángelcama ꞌicën.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 21:38

Xucëx cuanxa bëbaia isi ca an naë bërúancë unicamax canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Mateo 26:63

Quixuan cacëxbi ca Jesús quiáma ꞌicën. Quiamoquin ca judíos sacerdotenën cushicaman ꞌapun amiribishi catëcëancëxa: —Nucën Papa Dios axa bamatimoi tsócë, an cuamainun ca nu ñuixun, ¿mix caramina asérabi aín Bëchicë, Cristo, axa utinu nun caíncë, a ꞌain?

Mateo 28:18

Usoquian rabicëxun ca Jesusan a rapasu cuanquin atu cacëxa: —ꞌËn Papa Diosan ca naínuxun ꞌanan menuxunribi añu ñu carana ꞌaisa tani a ꞌëx cuëëncësa oquin ꞌanun aín cushi ꞌë ꞌinánxa.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Marcos 1:1

Ënëx ca upí bana, Nucën Papa Diosan Bëchicë, Jesucristo, a ñui uisai cara axa uti ꞌiacëxa quiax quicë ꞌicën.

Marcos 12:6

Usoquin aín unicama xuquinbi ca aira nuibacë aín bëchicë a xucëma ꞌicën. Xuxunmabi ca —ꞌën bëchicë ënë ca usaribi oquin ꞌaquinma upí oquin biquin aín bana cuati ꞌicë —quixun sinánquin aira xuaxa.

Marcos 12:7

Usoquin sinánquin xucëx cuanxa bëbacëbë ca an naë bërúancë unicama canani quiaxa: Aín papáxa bamacëbë ca aín bëchicë ënëx naë ꞌibu ꞌiti ꞌicën. Usa ꞌain cananuna nux naë ꞌibu ꞌinuxun ënë ꞌati ꞌain.

Juan 1:10

An aín sinan upíira ꞌixun uni upí ꞌimiti ax ca ënë menu ꞌiacëxa. Usa ꞌixun an Nucën Papa Diosbëtan camabi me ꞌimainun camabi ñucama unio ꞌicëbi ca unicaman, ui cara ax ꞌicë quixun ꞌunánma ꞌicën.

Juan 1:14

Nucën Papa Diosan Bana a ca bëtsi tuásaribi ꞌinun xanun bacë́ancëxa, uni ꞌinun. Nucën Papa Diosan sinánsaribi ꞌixun ca ënë menu ꞌicë unicama abë ꞌixun nuibacëxa. Ax aín Bëchicë Achúshi ꞌaish aín Papa Diossaribi ꞌaish aín sinan upíira upí cananuna isacën.

Juan 1:3

Aín Banáinshi ca camabi ñu uniacëxa. Nucën Papa Diosan Bana ꞌaíma ꞌia ꞌain ca ñu ꞌaíma ꞌianan ñancáishi ꞌitsíanxa.

Juan 13:3

Piquin ca —ꞌën Papan camabi ñu ꞌibuamianan ënë nëtënu xuá ꞌaish cana anuribi cuantëcënti ꞌai —quixun sináncëxa.

Juan 13:32

Uisaira cushiñu cara ax ꞌicë quixun ꞌunánquian unin a rabinun ca Nucën Papa Diosan uni ꞌinux anuax uá ꞌicë, ꞌë baísquimiti ꞌicën. Usocëbëtan ca ꞌëx cana asérabi aín Bëchicë ꞌai quixun ꞌunánquin unin ꞌëribi rabiti ꞌicën. Bëríbi ca usai ꞌiti ꞌicën.

Juan 15:15

Usa ꞌain cana ꞌën ñu mëëmicë uni camina ꞌai quixun mitsu caiman. An ñu mëëxuncë unin ca uisoquin ñu ꞌati cara an ñu mëëmicë unin sinania quixun ꞌunanima. ꞌËbë nuibanancë unicama camina ꞌai quixun cana mitsu cain. Usa ꞌicë cana ꞌën Papan ꞌë cacë ñucama mitsu ꞌunánmian.

Juan 16:15

ꞌËn Papan ñu ax ca ꞌënanribi ꞌicën. Aín sinánsaribi ca ꞌën sinan ꞌicën, ꞌën cushix ca aín cushisaribi ꞌicën. Usa ꞌain cana mitsu can, aín Bëru Ñunshin Upí an ca ꞌën sináncë ñucama ꞌunánquin usaribi oquin mitsu ꞌunánmiti ꞌicën.

Juan 17:2

Min camina ui unicama caramina min Bëchicë ꞌëmi sinánmi, acamaxa xënibua ꞌaínbi minan ꞌaish mibë ꞌinun ꞌiminun ꞌë can.

Juan 3:16

Camabi uni asérabi nuibaquin ca Nucën Papa Diosan aín Bëchicë achúshi ënë menu xuacëxa, uicamax cara ami catamëtia axa nëtë́timoi abë ꞌinun.

Juan 3:25

Usa ꞌain ca judío uni achúshinëx Juanëan ꞌunánmicë unicamabë, aín raraxa quiásabi oquin Nucën Papa Diosa cuëënun ñu ꞌati ñui cuëbicanancëxa.

Juan 5:26

Usa ꞌinun ca Nucën Papa Diosan, ënë nëtënu tsónan ainan ꞌaish aín nëtënuribi abë ꞌinun uni ꞌimia. An ca aín Bëchicë ꞌënribi usaribi oquin uni ꞌiminun ꞌë ꞌimiaxa.

Juan 5:27

Uni ꞌinux anuax uá cupí ca uicamax cara aín ꞌucha tërë́ncë ꞌicë isanan uicamax cara ꞌuchañu ꞌicë isnun, Nucën Papa Diosan ꞌë ꞌimiacëxa.

Juan 9:29

Nun cananuna ꞌunan, Moisésbë ca Nucën Papa Dios banacëxa. Usa ꞌixunbi cananuna uinuax cara a uni uaxa quixun ꞌunaniman.

Hechos 10:36

Nucën Papa Diosan ca Israel unicama aín bana ñuixunquian Jesucristo ax ca camabi unin ꞌibu ꞌixun an nu chuámarua ꞌimiti a ꞌicë quixun ñuixunun aín unicama xuaxa.

Hechos 2:17

Nucën ꞌIbu Diosan ca caia: Mecama cëñúcëma pain ꞌain cana unicamanu ꞌën Bëru Ñumshin Upí atubë ꞌinun xuti ꞌain. Xucëxun ca Israel unicama, xanu ꞌimainun bëbu, anbi ꞌëx quia bana uni ñuixunuxun ꞌaia. ꞌImainun ca bënábu unicamanribi ꞌën ismicëxun ñu isnuxun ꞌaia. Caniacëcë unicamanribi ca ꞌën ꞌamicëxun namánuxun ꞌaia.

Romanos 1:4

Usa ꞌicëbi ca bamatancëx baísquicë cupía, Nucën Papa Diosan Bëru Ñunshin Upitan ꞌamicëxun unin ꞌunánti ꞌicën, Nucën ꞌIbu Jesucristo ax ca Nucën Papa Diosan Bëchicë ꞌianan asaribi upí ꞌaish cushiira ꞌicë quixun.

Romanos 8:17

Aín bëchicë ꞌicë ca Nucën Papa Diosan ax quicësabi oquin nu ꞌaquianan aín nëtënu abë ꞌinun nu ꞌimiti ꞌicën. Ainan ꞌicë ca Nucën Papa Diosan Cristosaribi nu ꞌimiti ꞌicën. Cristonan ꞌixúnu tëmëraquinbi ax cuëëncësabi oquin ꞌati ëncëma ꞌicë ca Nucën Papa Diosan nuribi aín quicësabi oquin aín nëtënu Cristobë ꞌinun nu ꞌimiti ꞌicën.

1 Corintios 2:7

Usa bana ñuixunquinma cananuna Nucën Papa Diosan ënë me uniocëma pan ꞌixunbi sinan bana a ñuixunin. A bana quicësabi oi ca Jesucristo cupí uni aín ꞌuchacama tërë́ncë ꞌaish xënibua ꞌaínbi Nucën Papa Diosnan ꞌiti ꞌicën. Usa ꞌicëbi ca bëráma Nucën Papa Diosan, unicaman a bana ꞌunánun sinánmiama ꞌicën. Bërí cananuna an nu cacësabi oquin unicaman ꞌunánun a bana ñuixunin.

1 Corintios 8:6

Usaquian sináncëbëtanbi cananuna nun ꞌunanin, achúshi ca Nucën Papa Dios ꞌicën. An ca camabi ñu uniocëxa. Ainan ꞌinun ca nuribi uniocëxa. ꞌImainun ca Nucën ꞌIbu achúshi, Jesucristo, ashi ꞌicën. An ca aín Papabëtan camabi ñu unionan nuribi uniocëxa.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.

Efesios 1:10

Ësaquin ca nu ꞌunánmiaxa: An ca anúan ax utëcënti nëtëa sënë́ncëbëtan Cristo xuti ꞌicën, an unio ñucama, naínu ꞌicë ꞌimainun menu ꞌicë aín ꞌibua ꞌinun.

Efesios 3:9

Nucën Papa Dios, an camabi ñu unio, an ca —Cristo ca uti ꞌicë —quixun bëráma mënío ꞌixunbi Cristo ucëmapan ꞌain, a ñui quicë bana uisai quicë cara quixuan unin cuanun ꞌunánmiama ꞌicën. ꞌUnánmiama ꞌixunbi ca bërí a bana unicama ꞌunánminun Nucën Papa Diosan ꞌë caxa.

Deuteronomio 18:15

Usa ꞌaínbi ka Nukën ꞌIbu Diosan mitsunuaxa achúshi uni an Dios kikë bana ñuikë ꞌën mitsu ñuixunkësaribi okían ñuixunun ꞌimiti ꞌikën, aka mitsun rëbúnki kaman aín bana tanti ꞌikën.

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

Deuteronomio 4:30

Uínsaran kaina mitsux bëtsi ñu rabi tëmëratankëxbi amiribishi a ëni Nukën ꞌIbumi sinanatëkënkani anun ka

Hebreos 1:5

Nucën Papa Diosan ca uinu ꞌicë ángelbi cáma ꞌicën: Mix camina ꞌën Bëchicë ꞌaish xënibua ꞌaínbi ꞌëbë ꞌiti ꞌai quixun. ꞌImainun ca uinu ꞌicë ángelbi ñuima, Jesúsëshi ñui, Nucën Papa Dios ësairibi quiacëxa: ꞌËx cana aín Papa ꞌiti ꞌain. Ax ca ꞌën Bëchicë ꞌiti ꞌicën.

Hebreos 1:8

Usai quiquinbi ca aín Bëchicë aira ësaquin caia: Mixribi Dios ꞌaish camina usabi ꞌitioi ꞌën nëtënu ꞌApu ꞌain. Mix ꞌApu upíira ꞌaían min banaribi upí ꞌain ca min ꞌati ñucamaribi upí ꞌicën.

Hebreos 11:3

Ënë nëtëcamax ca Nucën Papa Dios quicëbëshi an sináncësabi oi uniacëxa. Uisa ñu ꞌaíma ꞌaínbi ca an unin iscë ñucama uniocëxa. Usoquin unioia isáma ꞌixunbi cananuna a bana acama ñuiquin cuënëo a isquin, usai ca ꞌiacëxa quixun ꞌunanin.

Hebreos 2:3

¿Asérabi usa ꞌain caranuna nux —Jesucristomi catamëtia uni Nucën Papa Diosnan ꞌinun ië́ti bana a cuatíbi, a bana quicësabi oi ꞌicëma ꞌaish uisa tancëx ië́ti ꞌain? A bana anun nun ꞌucha tërë́ncë ꞌaish Nucën Papa Diosnan ꞌinux ië́ti, a ca Nucën ꞌIbu Jesucristonën pain unicama ñuixuancëxa. Usa ꞌain ca an cuacë uni raírinën, a bana ca asérabi ꞌicë quixun ꞌunánquin, nuribi ꞌunánmiacëxa.

Hebreos 3:6

Usa ꞌaínbi ca Nucën Papa Diosan unicaman cushi ax aín Bëchicë, Cristo, an aín Papa Dios cuëëncësabi oquin ꞌacë, a ꞌicën. Usa ꞌaish ca Cristo ax nun cushiribi ꞌicën, nun nu ami catamëti ënquinma cuëënquin abë aín nëtënu ꞌiti sináncë ꞌain.

Hebreos 4:14

Jesús ax ca Nucën Papa Diosan Bëchicë ꞌianan, an nu Nucën Papa Dios ñucáxuncë ꞌaish aín Papa Diosan nëtënu abëbi ꞌicën. Usa ꞌicë cananuna ami catamëquin aín bana cuati ëntima ꞌain.

Hebreos 5:8

Usa ꞌain ca Cristonën, ax aín Bëchicë ꞌaíshbi tëmëracë ꞌixun, Nucën Papa Dios cuëëncësabi oquinshi ꞌati ꞌunáncëxa.

Hebreos 7:28

Usa ꞌain ca Moisésnën cuënëo bana quicësabi oi Levitan rëbúnqui, ꞌuchañu ꞌaíshbi an judíos unicama Nucën Papa Dios ñucáxunti ꞌia. Usa ꞌaínbi ca an Moisés ꞌinan bana xënibucëbëtan, Nucën Papa Diosan sinanatëcëntimoquin caquin, aín Bëchicë Jesús, axa asérabi ꞌuchañuma ꞌiá ꞌaish usabi ꞌuchañuma ꞌia, an aín unicama a ñucáxunun ꞌimiacëxa.

Hebreos 7:3

Melquisedec a ca uix cara aín papa ꞌiacëxa, uix cara aín tita ꞌiacëxa, añu nëtën cara bacë́ancëxa, añu nëtën cara bamacëxa, uicamax cara aín rara ꞌiacëxa, abi unin ꞌunánma ꞌicën. Usa ꞌain ca judíos unibunëx —Melquisedec ax ca bamama ꞌicë —quia. Nucën Papa Diosan Bëchicënëx ca nëtë́timoi xënibua ꞌaínbi sacerdote, an unicama Nucën Papa Dios ñucáxuncë ꞌicën, uni Melquisedec ñui quiásaribiti.

Hebreos 9:26

ꞌItsai atsínux ca ꞌitsai bama ꞌitsíanxa. Usa ꞌaínbi ca Cristo aín uti nëtë sënë́ncëbë uni ꞌinux uá ꞌaish bamatsianxmabi achúshitishi unin ꞌucha cupí bamacëxa.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.

2 Pedro 3:3

Ësoquin camina ꞌunánti ꞌain, anúan Jesucristo utëcënti nëtëa ꞌurama ꞌain ca ꞌitsa uni aín cuëëncë ñuishi ꞌai, anun Jesucristonan ꞌiti bana ꞌatimaquin ñui, ami cuaiti ꞌicën.

Judas 1:18

ësaquian mitsu cacë: Jesucristo utëcënti nëtëa ꞌurama ꞌain ca ꞌitsa unin Nucën Papa Diosan banami cuaiquin, aín sináncësa oquinshi ñu ꞌatima ꞌati ꞌicën.