Hebreos 1:10 - Kashibo-Kakataibo Biblia

¹⁰ Usaquin canan ca Nucën Papa Diosan ësaquinribi aín Bëchicë caia: Mix camina camabi ñu aín ꞌibu ꞌain. Min camina bëráma mecama ꞌimainun naí ꞌimainun anu ꞌicë ñucamaribi uniocën.

Nukën 'Ibu Diosan ain unikama 'inan ain bana

¹⁰ Usaquin canan ca Nucën Papa Diosan ësaquinribi aín Bëchicë caia: Mix camina camabi ñu aín 'ibu 'ain. Min camina bëráma mecama 'imainun naí 'imainun anu 'icë ñucamaribi uniocën.

Hebreos 1:10 ပူးပေါင်းရင်းမြစ်များ

Génesis 1:1

Uniotabakin ka Nukën ꞌIbu Diosan uniokëxa, naíkamë ꞌëo ꞌimainun me.

Salmos 19:1

Naíkamë ꞌëo an ka Dios ax ka chaiira ꞌikë kixun unin ꞌakësa okin ñuia; ꞌimainun ka an unio naíkamë ꞌëo kuman batsisa anribi a ñukama ñuikin nu ꞌunánmia.

Proverbios 8:29

anubia rakanun parúmpapa baka kanan, meribi anuaxa shaíkitinuma ꞌimia,

Isaías 40:12

¿Uin kara parúmpapa kamakëñun ꞌumpax aín mëkënan tupúanan, aín mëkën rëbukaman uiti chaiira kara naíkamë ꞌëo ꞌikë kixun tupuax? ¿Uin kara me putu kamabi uiti kara kixun tupúnti ꞌikë, ꞌianan kara anun ñu ꞌië tupúnti ꞌakë anun matákama ꞌimainun bashikama tupúnti ꞌik?

Isaías 42:5

Dios Nukën ꞌIbu an naíkamë ꞌëo uniokin chaiira ꞌinun pënían, an ka me ꞌimainun anua kookë ñukama ꞌakëxa, ꞌanan ka unikamaribi anúan tsóti uin ꞌinan, ax aín uni kai ësai kia:

Isaías 64:8

Usa ꞌaínbi kamina mix Nun ꞌIbu ꞌaish nun papa ꞌain; nukamax kananuna me uniokë ꞌain, usa ꞌain kamina mix an me bëtsi bëtsi ñu tankin ꞌakë usaribi ꞌain; ¡usa ꞌain kananuna kamabi nukamax minbi me unío ꞌain!

Deuteronomio 4:19

ꞌImainun kamina manámi bësukin naínua iskin bari, ꞌuxë ꞌispakama, ꞌimainun uisa ñukama kara anu ꞌikë akama iskin a ñukama rabiti sinántima ꞌain, Diosan ka uisa ñu kara anu ꞌikë abi kamabi uninan ꞌinun uniokëxa.

Hebreos 12:27

Nucën Papa Diosa “cana amiribishi ñucama shaícatëcëni” quiá ꞌain cananuna ꞌunanin, usoquin shaícacëx ca a ñucama cëñúcë ꞌaish ꞌaíma ꞌiti ꞌicën. Acama ꞌaíma ꞌaínbi ca uisai cara aín unicama abë ꞌiti ꞌicë quixun an mëníosabi oi ꞌiti ꞌicën.

Apocalipsis 3:14

Usaquin catancëxun ca ësaquinribi cuënëonun Jesusan ꞌë caxa: —Axa Laodiceanuax ꞌëmi catamëcë unicama an Nucën Papa Diosan bana ñuixuncë, a buánminuxun camina ësoquin cuënëoti ꞌain: Ax upíira upí ꞌixuan uisa cara Nucën Papa Dios ꞌicë quixun paránquinma uni ꞌunánmicë, an Nucën Papa Diosbëtan camabi ñu unio, an ca ësaquin mi caia: