Habacuc 3:6 - Kashibo-Kakataibo Biblia

⁶ Usa ꞌain ka axa nirakëkëbë me shaíkiti ꞌikën, ꞌimainun ka kamabi menu ꞌikë uni an iskëx ꞌitsaira rakuë́ti ꞌikën, an ka nikama ꞌimainun bashi xënikama rurukubunun ꞌimianan, bërámaira an painra ënënsarama unia nikama këñuti ꞌikën, usaía ñukama ꞌimainun ka Dios ax uínsaranbi uisaibi ꞌikëma ax ꞌiásabi ꞌiti ꞌikën.

Habacuc 3:6 ပူးပေါင်းရင်းမြစ်များ

Génesis 49:26

Min papan ka upiokin mi sinánxunkin aín papan ꞌasaribiokin mi upíokin sinánxuanxa. Ax ka bashikama këñúkëbëbi këñutima ꞌikën, upíokin sinánxunkë ax ka Josénën maxkánubi ꞌiti ꞌikën, akana aín xukë́nkama ꞌakima ꞌën kaísan.

Salmos 103:17

ꞌAínbi ka Diosan unikama nuibakë ax usabi nëtë́tima oi ꞌia, uikaman kara ax kikësabiokin ꞌaia a unikama; ꞌianan ka uin kara an kakësabiokin ꞌaia a nuibanan aín rëbúnkikamaribi aín chaitikama ꞌasaribiokin bëríbi nuibatia,

Salmos 104:32

An iskëx ka mekama bërëi shaíkia; ꞌimainun ka aín bashikamanuax an mëëkëx ꞌikësa ꞌinun kuin niruia.

Salmos 90:2

Anun bashikama ꞌimainun me ꞌianan ënë, nëtëkama unitisama ꞌaínbi ꞌiá ꞌaish, kamina ënë nëtëkamanbi bëríbi mix Dios aira ꞌain.

Éxodo 15:14

Usai nux kuania kuati ka bëtsi bëtsi menu ꞌikë unikama rakuëtan bamai bërëti ꞌikën, usai ꞌikëbë ka filisteo unikamaxribi aín sinan bëtsi sinani rakuë́ti ꞌikën,

Éxodo 15:15

usaía ꞌimainun ka Edomnën suntárunën kushikamaxribi ain ratúkënainshi uinkasmakësa tani ꞌiti ꞌikën, ꞌimainun ka Moabnën ꞌapukamaxribi aín ratúkënëinshi bërëti ꞌikën, usai ꞌimainun ka cananeo unikamaxribi bëráma ꞌiásai kushima aín sinan nëtë́ti rakuë́ti ꞌikën.

Éxodo 15:17

Mix kamina Nun ꞌIbu ꞌain, minbi kamina upíira me anu nux ꞌitimi kaískë anu nu buánti ꞌain, anu xënibua ꞌaínbi nux tsónun kamina kaisakën, minbi kamina anuxun mi rabiti xubu ꞌati sinánxuankën.

Éxodo 19:18

Usakëbë ka kamabi aín bashi Sinaí anua Nukën ꞌIbu ubúkë ain meuküax tsi rëkirukë kuinsa ꞌinun tëxëkiruakëxa. Usaia ꞌikëbë ka aín bashikamaxribi munuma shaíkiakëxa.

Miqueas 5:8

Usa ꞌain ka bëtsi ëmakama nëbë́tsia bërúkë, Jacobnën rëbúnkikama ax achúshi paru ꞌinúansa ꞌaish raëkë ñuinakama nëbëtsi ꞌianan, paru ꞌinúan achúshi anua ovejakama ꞌarakakë anu ꞌikësa ꞌiti ꞌikën, usa ꞌain ka inúkinshi bixun aín ꞌuntsisan tukapakë usaribi ꞌiti ꞌikën, usakin ꞌakin ka achúshinëxi abati ꞌiakëtanun ëntima ꞌikën.

Habacuc 1:12

Ësai kia ka Habacucnën kakëxa: ¿Nukën ꞌIbu Dios mix karamina bërámabi ꞌia ꞌaish, ꞌën Dios upíira ꞌianan ñutima oi tsókë a ꞌain? Usa ꞌikë kana ꞌën mi rabin min kamina ꞌë bërúankin ꞌakian, minbi kamina an kuëënkësa okían nu ꞌatimonun Babilonianu ꞌikë unikama kushiira ꞌinun ꞌimia.

Habacuc 3:10

Usa ꞌain ka nikamaribi mi isi ꞌikësai shaíkiti ꞌikën. Usai ꞌimainun ka naínuax ꞌuí ꞌitsaira nëtë́timaira ꞌibúti ꞌikën, ꞌimainun ka parúmpapa aín nëmin axribi xukirui aín bëchun chairui banati ꞌikën.

Mateo 24:35

Naí, me, acamax ca cëñúti ꞌicën, ꞌaínbi ca ꞌën banaxa nëtë́imoi usabi ꞌain camabi ñu ꞌëx quicësabi oi asérabi ꞌiti ꞌicën.

Lucas 1:50

Usabi oquin ca uicaman cara ami racuë́anan aín bana cuatia acama nuibaquin ꞌaquinia.

Hechos 17:26

An ca achúshi uni aín rëbúnquicamaxa mecamanu tsónun uniocëxa. Unioquin ca uiti barin cara aín rëbúnquicamax camabi menu tsóti ꞌicë quixun mëníonan, anua aín me sënë́ncëcamaribi mëníoxuancëxa.

Deuteronomio 32:8

Achúshi okin ka Diosan ax kushiira ꞌixun unikama amanu amanu kuani bëtsi bëtsi menu tsóti kuanun ꞌimiakëxa, ꞌimianan ka uinu kara atun me sënë́nti ꞌikë aribi kamabi menu ꞌikë unikama ꞌunánmiakëxa. ꞌAínbi ka usakin atu ꞌanan Israel unibu aín uni ꞌiti kaisakëxa,

Deuteronomio 33:15

ꞌimainun kana ꞌën me sapan aín bashi bërámabi këñutima oi unia, anu ꞌapákëxa ꞌaisamaira ꞌinun tuaia atun biti kuëënin,

Hebreos 13:8

Jesucristo ax ca usabi ꞌiá ꞌaish bëríribi usabi ꞌaish, usabi ꞌiti ꞌicën.

Jueces 5:5

Mix Nukën ꞌIbu ꞌianan israel unibunën Dios ꞌain ka aín bashi Sinaí ax shaíkiakëxa.