Habacuc 3:3 - Kashibo-Kakataibo Biblia

³ Dios ka Temán kakë me amiax uanan, Parán kakë menu ꞌikë bashi anuax Dios upíira ax uti ꞌikën. Aín kushin ka naíkamë ꞌëo kamabi pëkaia, usa ꞌikë ka kamabi menu ꞌikë unikaman a rabiti ꞌikën.

Habacuc 3:3 ပူးပေါင်းရင်းမြစ်များ

Génesis 36:11

Ënë kamax ka Elifaznën bëchikëkama ꞌiakëxa, Temán, Omar, Sefó, Gatam ꞌimainun Quenaz.

Salmos 148:13

¡Kamaxunbi ka Nukën ꞌIbu Diosan anë rabiti ꞌikën, an ka aín anë ñuikin usakin rabiti kuëënia! ¡Ax ka chaiira ꞌaish naíkamë ꞌëo ꞌimainun mekama manámi ꞌikën!

Éxodo 20:18

Kamabi israel unikaman ka kaná banakë a kuanan manë banañu bana okë aribi bana oia kuakëxa, kuanan ka mëríru mëriruia ꞌikë a isanan aín bashinua kuin këxtuira ꞌibúkin mapuruia isakëxa; isi rakuë́ti ka aín bashi ꞌura atux ꞌiakëxa.

Isaías 31:1

¡Uisai kara an Egiptonu ꞌikë unikama ꞌakinun kixun bari kuankë unikama ꞌiti ꞌikën, ꞌimainun kara axa atuinsa aín caballo ꞌitsañu ꞌixun ꞌakinun kixun sinanan, anuaxa ꞌakanankë caballonën nirinkë ꞌitsaira anun, ꞌakianan isa caballonu ꞌiruax kuanti unainrabu suntáru ꞌitsaira an isa ꞌakinti ꞌikë kixun Israel unikaman Dios upíira an ꞌakinun kixun ñukátima!

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Isaías 64:3

Uisaran kaina min ñu ꞌatimaira ka inuti ꞌikë kixun nun sinánkë ꞌaínmabi anun mix ubúkëbë aín bashikama shaíkiakëxa.

Amós 1:12

Usa ꞌain kana Temán kakë ëma tsin bimiti ꞌain, usakin ꞌakëxun a tsinbi Bosrá kakë ëmanu ꞌikë ꞌapun xubukama aribi mënukin xaroti ꞌikën.”

Habacuc 2:14

Usa ꞌain ka bakakaman a mi saëkin aín ꞌumpaxan parúmpapa buákarukë usaribi okin kamabi menu ꞌikë unikaman Diosan aín kushin ñu ꞌakë ꞌunánti ꞌikën.

Números 10:12

Usai ꞌikëbë ka israel unibu tsuákirukiani anu uni ꞌikëma me aín bashi Sinaí kakë anuax kuankëxa. Kuantankëx ka anu uni ꞌikëma me itsi Parán kakë anua kuin ax nirakëkëbë anuribi israel unikama nirakëaxa.

Deuteronomio 33:2

ënë banakama ësokin kakëxa: Nukën ꞌIbun ka aín bashi Sinaí kakë anuxunbi Seír kakë me anu bukukëbi nu pë́kakëxa. Pë́kaquin ka aín kushin barin urukin pë́kabëtsinkësokin aín bashi Parán kakë anuxunbia aín kushin pëkakë ax Meribá-Cadés anubi sënë́ankëxa; usai ukin ka unían aín mëkënan tuínxun ñu bëkësa obëtsinkin ax kushiira ꞌixun a tanti aín bana bëakëxa.

1 Samuel 25:1

Usa ꞌain ka Samuel ñukë ꞌain kamabi israel unikama timëkamë ꞌëox masá nuituti inkankëxa. Usai pain ꞌitankëxun ka anua aín xubu ꞌikë Ramá kakë me anubi maínkankëxa. Usokin ꞌan ka anu uni ꞌikëma me Parán kakë anu David kuankëxa.