Habacuc 3:10 - Kashibo-Kakataibo Biblia

¹⁰ Usa ꞌain ka nikamaribi mi isi ꞌikësai shaíkiti ꞌikën. Usai ꞌimainun ka naínuax ꞌuí ꞌitsaira nëtë́timaira ꞌibúti ꞌikën, ꞌimainun ka parúmpapa aín nëmin axribi xukirui aín bëchun chairui banati ꞌikën.

Habacuc 3:10 ပူးပေါင်းရင်းမြစ်များ

Nehemías 9:11

ꞌImainun kamina atun ismainunbi parúmpapa panarabëtanun ꞌimiakën, usakin ꞌimikëbëa me rakati ëskikëbë ka a nëbë́tsinën atux sikarakëakëxa ꞌaínbi kamina axa atu nuibëtsini ukë unikama bakan këñunun ꞌimiakën, ꞌimikëx ka maxáx ꞌikësaishi nanëti bakami kikankëxa.

Salmos 104:32

An iskëx ka mekama bërëi shaíkia; ꞌimainun ka aín bashikamanuax an mëëkëx ꞌikësa ꞌinun kuin niruia.

Salmos 148:7

¡Nukën ꞌIbu Dios ka menuxun ꞌamainun, parúmpapanu ꞌikë ñuinakan ꞌëo, ꞌimainun parúmpapa nëminu ꞌikë akamanribi rabiti ꞌikën!

Salmos 65:13

usai ꞌimainun ka anu pasto ꞌaxunkë anu ꞌaisamaira oveja ꞌia, ꞌimainun ka me sapankama anuribi ꞌaisamaira trigo ꞌapákë ꞌia; ¡usai ꞌikëbë ka kamabi uni kuëëni kantai sharatia!

Salmos 66:6

an ka parúmpapa me ishi rakati ëskinun ꞌimiakëxa, usakin ꞌimikëbë ka anun nun chaiti okëkama nikiani sikarakëkankëxa; ¡usa ꞌain kananuna akama sinani Dios rabi kuëënkanti ꞌain!

Salmos 93:3

Nukën ꞌIbu Dios, bakakamax ka chaiirabu ꞌinun bëchuni tuki banaia;

Isaías 43:20

Usakin ꞌaia ka ñuina raëkëma, an ñuina bamakë ꞌain nami pikë ñuina chabu a ꞌimainun, ñuina pëchiñu avestrus kakë akamanribi ꞌë rabiti ꞌikën, usa ꞌain kana ꞌën anu uni ꞌikëma menu ꞌumpax kushiira chikiti manámi ki ꞌinun ꞌimin, ꞌimianan kana me anu ñu ꞌirukëmanu bakakama ꞌimin, ꞌimia ka ꞌën kaískë unikaman a ꞌumpax xëati ꞌikën,

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.

Miqueas 1:4

Aín taë shimuküax ka aín bashikamax unin xara tsinu ꞌarukëx charákësa usaribiti ꞌinun ꞌiti ꞌikën, ꞌimainun ka me sapankamaxribi bakan kushiira ꞌëkin panarabëtanun tukakësa usaribiti ꞌiti ꞌikën.

Habacuc 3:6

Usa ꞌain ka axa nirakëkëbë me shaíkiti ꞌikën, ꞌimainun ka kamabi menu ꞌikë uni an iskëx ꞌitsaira rakuë́ti ꞌikën, an ka nikama ꞌimainun bashi xënikama rurukubunun ꞌimianan, bërámaira an painra ënënsarama unia nikama këñuti ꞌikën, usaía ñukama ꞌimainun ka Dios ax uínsaranbi uisaibi ꞌikëma ax ꞌiásabi ꞌiti ꞌikën.

Mateo 27:51

Jesús bamacëbë ca Nucën Papa Diosan ꞌimicëx anuxun a rabiti xubu mëu anun bëpáncë chupa aín manámiucüaxbi shimúqui amo rabë́ ꞌinun tuquiacëxa. Usai ꞌicëbëa me shaíquicëbë ca maparacamaxribi tuquibuacëxa.

Mateo 8:24

ꞌIruquiani cuanía Jesús ꞌuxánbi suñúan ꞌicuatsíncëbë parúmpapa bëchuni ca ꞌumpax aín nuntinu ꞌiruacëxa.

Hebreos 11:29

Egipto menuax cuani ca judíos unicama —Nucën Papa Diosan ca ax quicësabi oquin nu ꞌaquinia —quixun sinani parúnpapa Xonsa cacë, a nëbë́tsi me racácëbë sicaracëacëxa, me ësquicënu cuancësabiquiani. Atúxa usai cuancëbë ca axa atu catícabiani cuancë Egiptonu ꞌicë suntárucamax —nuxribi cananuna usai sicaracëti ꞌai —quixun sinanx cuanibi, ꞌunpax anu racátëcëncëbë bacamiquiacëxa.

Josué 4:18

kakëxa bënëtishi Jordán kakë baka anua atux sëtë́kë anuax kuaini këñurukin me amákëbëishi baka chitë́kë ax anubi rakarakëtëkënkin kamabi maputëkëankëxa.

Apocalipsis 16:12

Usai ꞌicëbëtan ca bëtsi ángelnënribi aín xanpanu ꞌicë ñu Eufrates bacanu tutucaxa. Tutucacëbë ca aín ꞌunpax ësquiaxa, aucüaxa bari urucë menu ꞌicë ꞌapucamaxa anun unun.

Apocalipsis 20:11

Usaquin istancëxun cana anua ꞌapu tsóti uxua chaira isan, anu tsócë aribi cana isan. Iscëxbi ca ax anu ꞌain, me ꞌimainun naícama ꞌimainun anu ꞌicë ñucama nëtë́axa, nëtëti ca anua ax ꞌiti ꞌaíma ꞌiaxa.

Apocalipsis 6:14

Quirica taráncësa ꞌinun taramëti ca naicamëꞌëo nëtë́axa. ꞌImainun ca aín bashicama ꞌimainun nasícama anua ꞌicënuax tacúaxa.