Habacuc 2:8 - Kashibo-Kakataibo Biblia

⁸ Usakin mitsu ꞌai ka ain memi bikan bëtsi menu ꞌikë unikama mitsu ꞌanux timë́ti ꞌikën, usai ꞌikin ka mitsumi ꞌasaribiokin mitsu ꞌatima oti ꞌikën, usai ka ꞌiti ꞌikën, mitsun kamina usakin ꞌakin uitishi uni kara atu ꞌatima ñuira ꞌakin a tanti bana kikësokin ꞌakinma rëtëanan ꞌatimaira okën, usakin kamina bëtsi menu ꞌikë unikama ain mekëñun atun ëmakamaribi ꞌakën.

Habacuc 2:8 ပူးပေါင်းရင်းမြစ်များ

Salmos 137:8

¡Babilonianu ꞌikë unikama mitsúxribi kamina këñúkë ꞌinuxun ꞌain! ¡Chuámarua ka an nu ꞌasaribiokin nunun rabanan kupikin uisakara oisatania usokin mi ꞌakë ax ꞌiti ꞌikën!

Isaías 33:1

¡Mitsun bëtsi unikama masókin ꞌatimokë ꞌikëbi ka mitsu bëtsi unikaman masókin ꞌatimokëma ꞌikën; Mitsun kamina bëtsi unikama ꞌatimo ꞌaínbi ka bëtsi unikamanribi mitsu ꞌatima okëma ꞌikën! Uínsaran kaina bëtsi uni masókin ꞌakin këñuin, anun ka bëtsi unikamanribi mitsu masókin ꞌati ꞌikën; uínsaran kaina bëtsi unikama mi ꞌakësabi okin ꞌati sinánxun ꞌaima, anun ka bëtsi unikaman mi ꞌati ꞌikën.

Isaías 33:4

usa ꞌain ka axa ami nishkë unikamax champu ꞌitsa nuania nëtë kuin masá kuatsini ukësai ukin axa ami nishkë unikaman, atun ñu kupíkë akamabi bianan anúan ñuñuira ꞌikankë akamabi bikuanti ꞌikën.

Amós 3:10

Ësai ka Dios kia: “Atun ka upíokin ñu ꞌati ꞌunanima; usa ꞌixun ka ꞌapun xubukamanu bënë́kinshia mëkamakin bikë ñukama bukunruaxa.”

Habacuc 2:10

Usakin bëtsi menu ꞌikë unikama ꞌakin kamina mitsun ꞌaintsi ꞌibukama rabinnun ꞌimikan, mitsúxbi kamina ꞌatima orakan, usakin ñu ꞌakin kamina mitsúnbi anun ꞌatima orakati barikan.

Habacuc 2:17

Usai ꞌimainun ka mitsun masókan Líbanonu ꞌikë nikama axribi kiti ꞌikën, kimainun ka ñuinakama abámikin ꞌakan usaribikin Diosan mitsu abámiti ꞌikën. Ësai ka mitsunmi ꞌaisama ñuira ꞌakin a tanti bana kikësokin ꞌakinma uni ꞌanan, bënë́kinshi bëtsi ñu ënë menuxun ꞌanan, ꞌain ëma ꞌimainun anu ꞌikë unikama ꞌakan a kupín ꞌiti ꞌikën.

Apocalipsis 6:10

A ñunshinax ca munuma banai quiaxa: —Nucën ꞌIbu Dios, upíira upí ꞌaish ꞌuchañumaira ꞌixun mix quicësabi oquin ꞌacë ꞌicë, ¿uínsarainra caramina menu ꞌicë unicama, an nu ꞌa, a cupiti ꞌain?