Habacuc 2:5 - Kashibo-Kakataibo Biblia

⁵ An uvas baka xëakë unikaman ka bëtsi ꞌatimoia, usokëxun ka bëtsínribi a kupikin usakinribi ꞌaia, usakin ꞌai ka ꞌëx kana usaira ꞌai kiax anun rabitia, usakin ꞌakin ka tantikima, atuinra bëtsi ꞌatima okin ꞌatankëx kushin rabitia, usai ka an ꞌanuma bëtsi uni ꞌatankëx kia. Usa ꞌaish ka anu uni bamaia maínti me naëkë usaribi ꞌinun atun kuëbi bakai banakania, usakin ka an ñu ꞌatimashi ꞌakë unikaman bëtsi menu ꞌikë unikama ꞌatankëxun ꞌain ëma ꞌibuaia. Usakin ꞌai ka anua uni maínkë me naëkësa ꞌaish an ñu ꞌatimashi ꞌakë unikama tantima.

Habacuc 2:5 ပူးပေါင်းရင်းမြစ်များ

Proverbios 20:1

A xëati paëokin uvas baka ꞌakë an ka xëakëxun uni sinanimaishi bananun ꞌimia; usa ꞌixun ka a xëati paëokin ꞌakë a xëakinxun bëtsi unikamabë banakin sharákinia; usai ꞌika; uisai kara banati ꞌikë kixun sinanimaishi banaia.

Habacuc 1:15

Caldeo unikaman ka bëtsi menu ꞌikë unikama an tsatsa bikë unikaman, ꞌibuaxun tsatsa bikësa usakinshi ꞌaia. Usakin ꞌakin ka mishkitinën ꞌanan rikan bikësa usakinshi bitsia, bitankëx kana bia kixun sinani kuëënkë usairibi ꞌikania.

Habacuc 1:17

Usakin kara, ¿Babilonianu ꞌikë unikaman ꞌain rikan bikin ꞌakësokinshi ꞌakin nukama ꞌakin këñuti ꞌik? ¿Atun kara usokin kana ꞌatima ꞌai kixun sinánkimaishi unikama këñukin ꞌati ꞌik?

Habacuc 2:4

Ënë bana kamina kuënëoti ꞌain, an ñu ꞌatima ꞌakë unikamax ka ax isa usaira ꞌikë kiax kikanti ꞌikën, ꞌaínbi ka an ñu upí ꞌakë unikama atux ꞌëx kikësokin ꞌai tsóti ꞌikën.

1 Tesalonicenses 4:11

Camina upítaxëshi bucuquin uni raíri ubíoquinma mitsun ñu mëëtishi mitsúnbi ꞌai bucuti ꞌain, nun mitsu cacësabi oi.

Santiago 4:6

An nu sinánmicë ñuishi nun ꞌanun ca Nucën Papa Diosan nu ꞌaquintancëxun nuibaquin nua ꞌaquincë usamaira oquin ꞌaquintëcënia. Usa ꞌain ca aín bana ësai quia: “Nucën Papa Diosan ca axa rabícë unicama a timanan axa —ꞌëx cana usa ꞌai —quiax rabícëma unicama nuibaquin ꞌaquinia”.