Habacuc 2:16 - Kashibo-Kakataibo Biblia

¹⁶ Usa ꞌaish kamina usa ka kixun bëtsin rabikëxma katë́kanti ꞌain, Diosan ka mitsu bëtsi unikamami ꞌakësa usakinbi ꞌati ꞌikën, usakin ꞌakin ñu muka xëax ꞌikësai chupañuma ꞌikë ka mitsun, nëtokë ñu rëbu tëakëma a iskanti ꞌikën, usakin ꞌakëx kamina mitsux rabinkëma ꞌaish bëtsi unikamasashi ꞌiti ꞌain.

Habacuc 2:16 ပူးပေါင်းရင်းမြစ်များ

Isaías 49:26

ꞌËn kana an mi ꞌatima okë unikama aín namibia pinun ꞌamiti ꞌain, usakin ꞌamianan kana aín imibi xëatankëxa paë bata vino ꞌakë xëatankëx ꞌikësai paënun ꞌimiti ꞌain. Usakin ꞌaia ka unikaman ꞌëx aín ꞌIbu ꞌixun atu ië́mia kixun ꞌunánti ꞌikën, ꞌëx kana kushiira ꞌixun an Jacobnën rëbúnkikama ꞌakianan, tëmëraiabi chikian a ꞌai kiax ka Dios kiakëxa.”

Oseas 4:7

Sacerdotekama ꞌitsakëbë ka uníxribi ꞌitsaira ꞌëmi ꞌuchakëxa; usa ꞌain kana atúan biti ñu ꞌinankima ñuumasara ꞌinun ꞌimiti ꞌain.

Habacuc 2:10

Usakin bëtsi menu ꞌikë unikama ꞌakin kamina mitsun ꞌaintsi ꞌibukama rabinnun ꞌimikan, mitsúxbi kamina ꞌatima orakan, usakin ñu ꞌakin kamina mitsúnbi anun ꞌatima orakati barikan.

Habacuc 2:15

¡Mitsun kamina mi ꞌurama ꞌikë ëmakamanu ꞌikë unikama ñu muka xëamin, anun usakin ꞌati kamina uvas baka ꞌakë këñun mëskuxun bëtsi ro xëamin! Usakin xëamixun kamina ñu muka xëax sinanima chupañuma rakákë usa ka kixun ain nami iskanin.

Filipenses 3:19

Atúan ñunshínquin aín cuëëncësabi oquinshi ñu ꞌaia isquian unin —ñu ꞌaisama ca ꞌaia —quixun ñuicëxbi rabínquinma an ꞌacësabi oquin ꞌai ca rabitia. Jesucristomi sinánquinma ca ënë menu ꞌicë ñuishi sinania. Usaía ꞌicë cupí ca ainanma ꞌaish xënibua ꞌaínbi Nucën Papa Diosbë ꞌitima ꞌicën.

Apocalipsis 18:6

Anu ꞌicë unicaman uni raíri tëmëramicësaribi oquin camina mitsun atu tëmëramiti ꞌain. Atúan uni raíri tëmëramicësamaira oquin camina aturibi tëmëramiti ꞌain.