Habacuc 2:14 - Kashibo-Kakataibo Biblia

¹⁴ Usa ꞌain ka bakakaman a mi saëkin aín ꞌumpaxan parúmpapa buákarukë usaribi okin kamabi menu ꞌikë unikaman Diosan aín kushin ñu ꞌakë ꞌunánti ꞌikën.

Habacuc 2:14 ပူးပေါင်းရင်းမြစ်များ

Salmos 22:27

Kamabi ñakánu ꞌikë Israel unibu ꞌimainun, bëtsi nëtënu tsókë unikamanribi ka ami sinánkin Dios rabiti ꞌikën; ¡usakin ꞌai ka an ismainunbi rantinpuruni tsóbukanti ꞌikën!

Salmos 72:19

aín anë upíira ax ka xënibua ꞌaínbi sinánkë ꞌiti ꞌikën. ¡Usa ꞌain ka aín kushi ax xënibua ꞌaínbi kamabi menu ꞌikë unikaman ꞌunánkë ꞌiti ꞌikën! ¡Usa ka ꞌiti ꞌikën ashi!

Isaías 11:9

Kamabi ꞌën bashi upíira anu ka: an uinu ꞌikë unibi ꞌatima oti ꞌaíma ꞌiti ꞌikën, usa ꞌain ka parúmpapanua ꞌumpax buákirukësa usai ꞌia kamabi unin usakia Diosan ꞌa ñukama kuati ꞌikën, kiax ka kiakëxa.

Isaías 33:6

usa ꞌixun ka uisai kara xënibua ꞌaínbi an bërúankëx aín unikama bukuti ꞌikë kixun ꞌunánmiti ꞌikën. Ñu ꞌunánkë ꞌianan upiokinra ñu ꞌunánkëira an ka ñu achúshi kupíkësaira ꞌixun uni ië́mia; usa ꞌain ka Nukën ꞌIbumi rakuë́ti ax ñuñuira ꞌikë usamaira ꞌikën.

Isaías 40:5

Usa ꞌain ka Nukën ꞌIbun aín, kushia isnun ismiti ꞌikën. Ismikëxun ka kamabi unin timë́xun isti ꞌikën, usai ka Nukën ꞌIbu ax kiaxa.”

Isaías 6:3

Usai ꞌika bëtsibë bëtsibë kánani ësai kiaxa: “Nukën ꞌIbu kamabi kushiñu ax ka upíira upí, upíira upí ꞌikën; kamabi an menu unio ñukaman ka ax ka kushiira ꞌikë kixun ꞌunania.”

Jeremías 31:34

Usa ꞌain ka uínsaranbi uínbi bëtsi uni usa ka Nukën ꞌIbu ꞌikë kixun ꞌunámitima ꞌikën, an ꞌunánkë unikama ꞌimainun aín aintsikama ꞌëa ꞌunánun ꞌunánmitëkëinsama ꞌiti ꞌikën, atun ka kamaxunbi uni apanbu ꞌimainun tuáxura kamanbi ka Dios ꞌikë ꞌë ꞌunánkë ꞌiti ꞌikën. ꞌËn kana atun ñu ꞌatima ꞌakëkama mëníoxunkin, atun ꞌuchakëkama a amiribishi sinántëkëntima ꞌain. ꞌËx mitsun ꞌIbu ꞌaish kana asérabi ësai kiakën.

Miqueas 2:9

ꞌAnan kamina atun xubunuabi aín xanukama ëman chikinkan, chikíanan kamina atun bakë bëchikë ꞌimainun ꞌini bëchikëkamaribi, atu ꞌinanuxuma ꞌashikin bikan, ꞌanan kamina ꞌën ꞌinan ñukama aribi ëmian.

Habacuc 2:15

¡Mitsun kamina mi ꞌurama ꞌikë ëmakamanu ꞌikë unikama ñu muka xëamin, anun usakin ꞌati kamina uvas baka ꞌakë këñun mëskuxun bëtsi ro xëamin! Usakin xëamixun kamina ñu muka xëax sinanima chupañuma rakákë usa ka kixun ain nami iskanin.

Habacuc 3:3

Dios ka Temán kakë me amiax uanan, Parán kakë menu ꞌikë bashi anuax Dios upíira ax uti ꞌikën. Aín kushin ka naíkamë ꞌëo kamabi pëkaia, usa ꞌikë ka kamabi menu ꞌikë unikaman a rabiti ꞌikën.

Números 14:21

ꞌAínbi kana ax ka asérabi kamabi menu kushiñuira ꞌikë kixuan unin unánun unikama nuibatin,

Apocalipsis 11:15

Usa ꞌain ca a ángelnënbi aín manë banañu banoxa. Banocëbëtan cana naínuax sharati munuma banaia ësai quia cuan: Bërí ca Nucën ꞌIbu Dios ꞌimainun Cristo, Nucën Papa Dios an uni ië́minun caísa, axëshi ꞌApu ꞌia. Nëtë́timoi usabi ꞌinux ca ꞌia.

Apocalipsis 15:4

Nucën ꞌIbu Dios, ¿uix cara mimi racuë́tima ꞌic? ¿Uin cara mi rabitima ꞌic? Mixëshi camina upíira upí sinánñu ꞌain. Mix upí sinánñu ꞌixun ñu upíshi ꞌaia iscë ꞌixun ca camabi menu ꞌicë unicaman mimi sinánquin mi rabiti ꞌicën.