Génesis 8:20 - Kashibo-Kakataibo Biblia

²⁰ Usai chikítankëxun ka Noénën anuxun Nukën ꞌIbu, rabikin asábi ka kakin kati maxáx maburukin ꞌatankëxun anuxun ñuina upíbushi ꞌimainun ñuina pëchiñu upíira, akama achúshi achúshi bitankëxun Nukën ꞌIbu asábi ka kakin ꞌaímai këñutanun xaroxuankëxa.

Nukën 'Ibu Diosan ain unikama 'inan ain bana

²⁰ Usai chikítankëxun ka Noénën anuxun Nukën 'Ibu, rabikin asábi ka kakin kati maxáx maburukin 'atankëxun anuxun ñuina upíbushi 'imainun ñuina pëchiñu upíira, akama achúshi achúshi bitankëxun Nukën 'Ibu asábi ka kakin 'aímai këñutanun xaroxuankëxa.

Génesis 8:20 ပူးပေါင်းရင်းမြစ်များ

Génesis 13:18

Usa ꞌain ka Abram anua ꞌikë anuax aín ñukama mëniobiani niñu me Mamré kakë uni ainan ꞌain Hebrón kakë ëma ꞌurama ꞌikë anu ꞌi kuankëxa. Anuxun maxax bukunrukin ꞌatankëxun Nukën ꞌIbu rabiakëxa.

Génesis 13:4

A mex ka anu paian anuxun Nukën ꞌIbu Dios rabiti maxá bukunrukin ꞌakë a ꞌiakëxa, anuxun ka Nukën ꞌIbu rabiakëxa.

Génesis 22:2

Ësokian kakëxun ka Nukën ꞌIbu Diosan kakëxa: —Min bëchikë Isaac, ami asérabi nuibairakë, a buani kamina kuanti ꞌain matán me Moria kakë anu. Buánxun kamina anu bëbakin, min bëchikë ꞌatankëxun ꞌë rabikin ñuina ꞌakësaribi okin xaroti ꞌain, ꞌën mi uinu ꞌikë matánuxun kaina ꞌati ꞌai kixun ismimainun.

Génesis 22:9

Anu kuanuan Nukën ꞌIbu Diosan kakë matá me anu bëbaxun, ka Abrahamnën anuxun ñuina xaroti maxax bukunruakëxa; usakin bukunrutankëxun ka karuribishi tíkati mabukuntankëxun aín bëchikë Isaac aribi nëakëxa, nëaxun ka anu ñuina xarotinu nankë karu kamanan;

Génesis 26:25

Ësokian kakëxun ka Isaacnën anuxun rabiti maxax maburukin ꞌatankëxun, asábi ka kakin Nukën ꞌIbu rabiakëxa. Usokin ꞌatankëx ka a menubi ꞌi bërúakëxa, bërúkin ka anu achúshi kini anua ꞌumpax biti an ñu mëëmikë unikama ꞌamiakëxa.

Génesis 33:20

Usa ꞌain ka anu ꞌixun basikëbëtan anuxun Dios rabiti achúshi ñu ꞌakëxa, ꞌatankëxun ka El-elohé-Israel kakin anëakëxa, (ax ka Israelnën a rabikë Dios ki kikë ꞌikën).

Génesis 35:1

Nukën ꞌIbu Diosan ka Jacob kakëxa: “Ënuax kuantankëx kamina Betel kakë me anu tsóti kuanti ꞌain. Anuxun kamina min xukë́n Esaúmi rakuë́ti abákëbëa mimi mërá Dios a achúshi maxá maburukin anuxun ñuina xaroti ꞌaxuni kuanti ꞌain.”

Génesis 35:7

Anu bëbatankëxun ka maxá bukurukin, ꞌatankëxun a me El-Betel kakin anëakëxa (Betel kikë ax ka Diosan xubu ki kikë ꞌikën) ax ka anuaxa aín xukënan ꞌakatsikiax ami sinánkëbë abákëbëa anuax Jacobmi Nukën ꞌIbu Dios mërá a me ꞌiakëxa.

Génesis 4:4

Usakian ꞌaia iskin ka Abelnënribi aín ꞌarakakë ñuina aín rëkuën tuá upíira kaístankëxun ꞌën ꞌIbu kana ꞌinánti ꞌain kixun sinánxun buánxuankëxa. Usakin ꞌaia ka Nukën ꞌIbun Abelnën ꞌinánkë ñuina upíira ꞌikë isakëxa,

Génesis 7:2

Kamina biti ꞌain mapai achúshi ꞌimainun rabë́ aín bënëkama ꞌianan mapai achúshi ꞌimainun rabë́ aín xanu kamabi ñuina upíbu, ꞌaínbi kamina a pitima ñuina achúshi aín bënë ꞌimainun achúshi aín xanuishi biti ꞌain.

Génesis 7:3

Kamina timë́ti ꞌain mapai achúshi ꞌimainun rabë́ kamabi ñuina pëchiñu, usokin ꞌakëx ka ñuina pëchiñukama ax menuax këñutima ꞌikën,

Génesis 8:19

Usai chikíkëbë ka ñuinakamaxribi a ꞌarakati ꞌimainun a ꞌarakatima, men niríkë ꞌimainun axa manan nuánkë ñuina pëchiñu akamaxribi chikíakëxa.

Job 1:5

Usakin ꞌakian anun timë́xun piti nëtë inuti sënëni sënë́nkëbëtan ka Jobnën aín bakë bëchikë bëbukama kuënxun, uinuxun kara ꞌati ꞌikë anu kuëënxun pë́karakëma ꞌaínshi nirutankëxun ñuina xarokin aín bëchikë achúshi achúshinëxa aín ꞌucha mëníokanun ꞌaxuankëxa. Ësokin ka Jobnën ꞌakëxa, ꞌën bëchikë bëbukamax sapika, ꞌatimakin Diosmi sinani ꞌuchaxa kixun sinánkin ꞌakëxa.

Éxodo 10:25

ꞌAínbi ka Moisésnën kakëxa: —Min kamina usai kikínma min ñuina ꞌarakakë, Nukën ꞌIbu Dios rabikinu rëtankëxun xaraoi kuanun nu ꞌinánti aín, mixmi nun ñuina buánti kuëënkëbëma ka Dios rabikin a ꞌati ñuina ꞌaíma ꞌiti ꞌikën.

Romanos 12:1

Usa ꞌain cana ësaquin mitsu cain, ꞌën xucë́antu. Nucën Papa Diosan mitsu nuibaquin ainan ꞌinun caíscë ꞌixun camina ꞌatima ñu ꞌaquinma asérabi ax cuëëncësabi oquinshi ꞌanan, ainanshi ꞌiti ꞌain. Mitsúxmi usa ꞌiti ca Nucën Papa Dios cuëënia.

Hebreos 13:10

Nun nu —Jesucristo bama cupí ca nun ꞌuchacama tërë́ncë ꞌicë —quixun ꞌunáncë ꞌaínbi ca judíos sacerdotecaman ꞌaracacë ñuina rëcë aín nami picë ꞌaíshbi, ami catamëcëma ꞌixun, —Jesucristo bama cupí cana ꞌën ꞌuchacama tërë́ncë ꞌai —quixun ꞌunanima.

1 Pedro 2:5

Usa ꞌain camina mitsux a xubumi bucúnrucë maxáxsa ꞌain. Jesucristomi catamëcë ꞌaíshmi asaribi upí ꞌinun ca Nucën Papa Diosan ainan ꞌinun mitsu ꞌimiaxa. Usa ꞌain camina Nucën Papa Diosan Bëru Ñunshin Upía mitsubë cupí bëtsibë bëtsibë nuibanani, bëtsin sináncësaribi oquin sinani achúshisa ꞌain. Usa ꞌixun camina Jesucristo cupí ainan ꞌixun Nucën Papa Dios cuëëncësabi oquin ñu ꞌanan a rabianan unicama a ñucáxunti ꞌain.

1 Pedro 2:9

A unicama usa ꞌaínbi camina mitsux Nucën Papa Diosan ainan ꞌinun caísa ꞌain. Usa ꞌixun camina ax cuëëncësabi oquin ꞌanan aín unicama a ñucáxunin. Camina an ꞌimicëx upí ꞌaish aín uni ꞌain. Usa ꞌixunmi a rabiquin an ꞌacë ñucama camabi uni ñuixunun ca Nucën Papa Diosan mitsu ainan ꞌinun caísacëxa. Mitsux bëráma bëánquibucënu nicësa ꞌiá ꞌaíshbi camina bërí an ꞌimicëx xabánu nicësa ꞌain, axa mitsubë ꞌain.