Génesis 50:5 - Kashibo-Kakataibo Biblia

⁵ ꞌËn papan ka ñutisamapan rakáxun, ësokin ꞌë kaxa sinántëkëntima okin anu ñuia maintia anbi ꞌá Canaán kakë me anubi maínun kixun ꞌë kaxa, usa ꞌain kana ꞌënbi anu maintia ꞌa me anu mainikuanti ꞌain, usa ꞌain kana ꞌën mi ñukatin ꞌë karamina ꞌën papa maíntanun ꞌë xutima ꞌain, maínbëtsini kana utëkënti ꞌain.

Nukën 'Ibu Diosan ain unikama 'inan ain bana

⁵ 'Ën papan ka ñutisamapan rakáxun, ësokin 'ë kaxa sinántëkëntima okin anu ñuia maintia anbi 'á Canaán kakë me anubi maínun kixun 'ë kaxa, usa 'ain kana 'ënbi anu maintia 'a me anu mainikuanti 'ain, usa 'ain kana 'ën mi ñukatin 'ë karamina 'ën papa maíntanun 'ë xutima 'ain, maínbëtsini kana utëkënti 'ain.

Génesis 50:5 ပူးပေါင်းရင်းမြစ်များ

Génesis 3:19

Min nichakin ꞌitsaira ñu mëëtankëxun kamina pinuxun ꞌain, me ꞌakë kamina ꞌain, usa ꞌain kamina anúnmi me ꞌitëkënti ꞌitámainun ñu menuxun ꞌain, me ꞌakë kamina ꞌain, usa ꞌaish kamina me ꞌitëkënuxun ꞌain.

Génesis 48:21

Usakin katankëx sënë́nkin ka José kakëxa: —Ka kuat, ꞌëx kana ñuti ꞌurama ꞌain; usa ꞌaínbi ka Nukën ꞌIbu Dios ax mitsubë ꞌixun ka amiribishi min chaitiokëkama anu tsóa me anubi mi buántëkënti ꞌikën.

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Génesis 50:4

usai ati nëtëkaman aín papa sinani nitë́xëtankëxun ka Josénën ꞌapu faraón aín xubunu ꞌikë aín kushi kamabë pain banakëxa, banakin ka ësokin kakëxa: —Mitsux upí sinanñu ꞌixun ꞌë ꞌakinsa tankin karamina ꞌapu faraón ësokin ꞌë kaxuni kuanti ꞌain.

Génesis 50:6

Kixuan kamikëxun ka faraónën kakëxa: —Min papa kamina usakin anua mi kakë usakinbi maini kuanti ꞌain.

Eclesiastés 12:5

ꞌianan ka matá mapërakëti rakuë́ti ꞌianan, bairibi anun nisama ꞌiti ꞌikën. ꞌImainun ka amukutanën uábukin taëoti ꞌikën, ꞌimainun ka champu ꞌimainun muxañu i ax ñu achúshi tsamankësa ꞌiti ꞌikën. Usa ꞌain ka unikaman ñuia uanxun anu bamaia maínti anu xënibua ꞌaínbi anu ꞌinun uni maínti ꞌikën, usa ꞌain ka ñukë uni a bënini inia anun ëmanu niti bainuxunbi kuakë ꞌiti ꞌikën.

Eclesiastés 12:7

Usa ꞌain ka a nëtë ꞌikëbë uni me putu unio ꞌaish mebi ꞌitëkënti ꞌikën, ꞌimainun ka aín bëru ñunshin ax Diosnubi kuantëkënti ꞌikën.

Mateo 27:60

anua aín aintsi mëníotia bërí naëcë matá tëmú anu Jesús mëníonuxun buáncëxa. Buánxun anu Jesús mëníotancëxun ca taránbianxun maxax cha anun naëcë quini xëpuacëxa. Usobiani ca cuancëxa.

Deuteronomio 4:22

Usa ꞌain kana ënë me Moab kakë ënuaxbi ñui Jordán kakë baka a mitsubë sikarakëkiani kuantima ꞌain, usa ꞌain kamina mitsuxëshi kuantankëxun me upíirakama a bitsi kuanti ꞌain.

1 Samuel 14:43

mëran ka a ñuikin Saúlnën Jonatán kakëxa: —ꞌËmi kamina min ꞌakë ñu a chikínati ꞌain. Kixuan kakëxun ka Jonatánnën aín ꞌuchakë a ñuixunkin kakëxa: —ꞌAtsínxumabi kana buna rëpa chamara ꞌën tuinbiankë tsati rëbun aín ba pëánkakin bixun ꞌan. Usa ꞌain kana ꞌëx, ꞌakë ꞌiti ꞌain.