Génesis 50:24 - Kashibo-Kakataibo Biblia

²⁴ Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Nukën 'Ibu Diosan ain unikama 'inan ain bana

²⁴ Achúshi nëtën ka Josénën aín xukë́nkama kakëxa: 'Ëx anun ñuti nëtë ka 'urama 'ikën, usa 'ain ka Nukën 'Ibu Diosan mitsu 'akinti 'ikën, usa 'ixun ka ënë nëtënua anbi mitsu chikinbiakin a 'inánuxuan Abraham kanan Isaac 'imainun Jacob ka me anubi mitsu buánti 'ikën.

Génesis 50:24 ပူးပေါင်းရင်းမြစ်များ

Génesis 12:7

A menuax ami mërakin ka Nukën ꞌIbun Abram kakëxa: Ënë me kana min rëbúnkikama ꞌinánti ꞌain. Usakian kakëxun ka Abramnën achúshi anuxun Nukën ꞌIbu asábi ka kixun kati maxax bukunrukin ꞌakëxa, anuaxa ami mërakë kupí.

Génesis 13:15

ꞌën kana kamabi me min iskë ënëkama mi ꞌinánti ꞌain, ax ka minan ꞌianan xënibua ꞌaínbi min rëbúnki kamanan ꞌiti ꞌikën.

Génesis 13:17

¡Usa ꞌain kamina bërí nirukiani kuanxun ꞌën mi ꞌinánuxun kakë me a pain isi kuanti ꞌain, iskin kamina aín chaxkë́ ꞌimainun aín pampa, akama pain isikuanti ꞌain akama kana mi ꞌinánti ꞌain!

Génesis 15:18

Usa ꞌain ka a nëtënbi Nukën ꞌIbun Abrambëtan achúshi ñu ꞌakin kakëxa: —Ënë mekama kana min rëbúnkikama ꞌinánti ꞌain, Egipto bakamiaxa ukë me anuax ꞌimainun baka chaiira Éufrates kakë anu sënë́nbi kana ꞌinánti ꞌain.

Génesis 15:7

Ësakinribi ka kakëxa: —ꞌËx kana min ꞌIbu ꞌain; usa ꞌixun kana ꞌën mi Ur kakë me anua caldeo unibu tsókë anua chikiankën, ënë me xënibua ꞌaínbi minanbi ꞌinun ꞌinánuxun.

Génesis 15:8

—Kakëxunbi, ka Abramnën ësokin kakëxa, ꞌën ꞌIbu ꞌimainun ꞌën Dios ¿Uisakin karana asérabi ka ꞌënan ënë me ꞌikë kixun ꞌën ꞌunánti ꞌain? —kixun ka Abramnën kakëxa.

Génesis 17:8

Mi ꞌimainun min rëbúnkikama kana kamabi Canaán me anumi bërí tsókë ënë ꞌinánti ꞌain, ax ka min rëbúnki kamaxa xënibua ꞌaínbi anu tsóti ꞌikë ꞌimainun kana ꞌëx atun Dios ꞌiti ꞌain.

Génesis 21:1

Usa ꞌain ka ax kikësabi oia ꞌinun Sara Nukën ꞌIbun bërúankëxa, usokëx ka ax kikësabi oi ꞌiakëxa,

Génesis 26:3

usa ꞌain kamina ënë menu pain tsóti ꞌain. ꞌËx kana mibë ꞌiti ꞌain ꞌimainun kana mi upíokin sinánxukin mi ꞌimainun min rëbúnki kamaribi ënë mekama ꞌinánti ꞌain. Usakin kana ꞌën min papa Abraham kásabiokin ꞌati ꞌain.

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 3:19

Min nichakin ꞌitsaira ñu mëëtankëxun kamina pinuxun ꞌain, me ꞌakë kamina ꞌain, usa ꞌain kamina anúnmi me ꞌitëkënti ꞌitámainun ñu menuxun ꞌain, me ꞌakë kamina ꞌain, usa ꞌaish kamina me ꞌitëkënuxun ꞌain.

Génesis 35:12

ꞌËn kana kamabi me ënë min xuta Abraham ꞌimainun min papa Isaac ꞌinánkën, usa ꞌain kana mi ꞌinántankëxun min rëbúnki kamaribi ꞌinánti ꞌain.

Génesis 46:4

Usa ꞌain kana ꞌëx mibëbi Egipto menu kuanti ꞌain, anuxun kana amiribishi min rëbúnkikama ꞌënbi chikinuxun ꞌain. ꞌImainun ka mixmi ñukëbë José mi rapasu ꞌiti ꞌikën.

Génesis 47:29

Usai anu ꞌixun ka Jacobnën achúshi nëtën bërí kana kaniakëkë ꞌain kana ñuti ꞌain kixun sinánkëxa. Sinánkin ka José abë bananua unun kixun kamiakëxa: —Asérabi ꞌën mi kakësabiokin ꞌaisatankin kamina ꞌën kisinu min mëkën nanti ꞌain ꞌimainun kana sinanatëkëntima okinmi ꞌanun mi kain. Uisa ꞌixunbi kamina ñuia Egipto me ënu ꞌë maintima ꞌain.

Génesis 48:21

Usakin katankëx sënë́nkin ka José kakëxa: —Ka kuat, ꞌëx kana ñuti ꞌurama ꞌain; usa ꞌaínbi ka Nukën ꞌIbu Dios ax mitsubë ꞌixun ka amiribishi min chaitiokëkama anu tsóa me anubi mi buántëkënti ꞌikën.

Génesis 50:5

ꞌËn papan ka ñutisamapan rakáxun, ësokin ꞌë kaxa sinántëkëntima okin anu ñuia maintia anbi ꞌá Canaán kakë me anubi maínun kixun ꞌë kaxa, usa ꞌain kana ꞌënbi anu maintia ꞌa me anu mainikuanti ꞌain, usa ꞌain kana ꞌën mi ñukatin ꞌë karamina ꞌën papa maíntanun ꞌë xutima ꞌain, maínbëtsini kana utëkënti ꞌain.

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 13:19

Kuankin ka Moisésnën José ñua aín xo buanuxuan binun bimiakëxa, ñukëma pain ꞌixuan aín xukë́nkama Josénën kásabiokin ka Israelkaman usakin ꞌakëxa. Usakin katankëxun ka ësokinribi kakëxa: Asérabi ka Diosan usakiani kuania mitsu ꞌakinti ꞌikën; ꞌakinkëx kuankin kamina ꞌëx ñua ꞌaínbi ꞌën xo ënë menua bibiankin buánti ꞌain.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 33:1

Usotankëxun ka Nukën ꞌIbun Moisés anu kuantëkënkë kakëxa: —Ënuax kuankin kamina Egipto menuami chikínbëtsinkin bëkë unikama buánti ꞌain, ꞌën min chaitiokë Abraham, Isaac ꞌimainun Jacob akama aín rëbúnki ꞌinánuxun ká me anu kamina kuanti ꞌain.

Éxodo 4:31

ꞌAia iskin ka Israel unikaman asérabi ka kixun sinánkëxa. Sinánkin ka Nukën ꞌIbun ka nux ꞌaisamairai tëmëraia isaxa kixun sinánkankëxa, sinani ka aín bëmánanën memi bëtiki tsóbukin Dios rabikankëxa.

Eclesiastés 12:5

ꞌianan ka matá mapërakëti rakuë́ti ꞌianan, bairibi anun nisama ꞌiti ꞌikën. ꞌImainun ka amukutanën uábukin taëoti ꞌikën, ꞌimainun ka champu ꞌimainun muxañu i ax ñu achúshi tsamankësa ꞌiti ꞌikën. Usa ꞌain ka unikaman ñuia uanxun anu bamaia maínti anu xënibua ꞌaínbi anu ꞌinun uni maínti ꞌikën, usa ꞌain ka ñukë uni a bënini inia anun ëmanu niti bainuxunbi kuakë ꞌiti ꞌikën.

Eclesiastés 12:7

Usa ꞌain ka a nëtë ꞌikëbë uni me putu unio ꞌaish mebi ꞌitëkënti ꞌikën, ꞌimainun ka aín bëru ñunshin ax Diosnubi kuantëkënti ꞌikën.

Romanos 5:12

Usa ꞌain ca an pain ñu ꞌatima ꞌá achúshi uni a cupíshi camabi unin ñu ꞌatima ꞌati ꞌunánquin ꞌaia. Aín ꞌucha cupí ca a uni bamacëxa. A uníxa ꞌatima ñu ꞌatancëx bama ꞌain ca camabi uni atun ꞌucha cupí aín bamati nëtë ucëbë Nucën Papa Diosbë ꞌitimoi bamaia.

Deuteronomio 1:8

ꞌËn kana a mekama mitsu ꞌinánuxun sinánkën; usa ꞌain kamina kuantankëxun a mekama biti ꞌain bikëkana ꞌën mitsun bikë kuati ꞌain, ax ka mitsun chaitiokëkama sinanatëkëntima okin ꞌinánuxun ꞌën ka a ꞌikën, akamax ka Abraham Isaac ꞌimainun Jacob aín rëbúnkikama ꞌinánuxun ka me a ꞌikën.

Deuteronomio 6:10

Nukën ꞌIbu Dios an ka mitsu a me ꞌinánuxuan nukën chaitiokë Abraham, Isaac, Jacob akama sinanatëkëntima okin ka a asérabi mitsu ꞌinánti ꞌikën. A ëmakamax ka chaiirabu ꞌaish upíirabu ëma ꞌikën, usa ꞌaish ka mitsun ꞌama a ëmakama ꞌikën;

Hebreos 11:22

José, Egipto menu ꞌixun ca —ax quicësabi oquin ca Nucën Papa Diosan nun rëbúnqui Egipto menua nun nëtë, Canaán, anu ꞌitëcënun buánti ꞌicë —quixun sinánquin aín aintsi cacëxa: Ënë nëtënuax nun nëtënu cuanquin ca mitsun rëbúnquinën ꞌën xoribi buánxun anu maínti ꞌicë quixun.

Hebreos 9:27

Ënë nëtënu ꞌicë camabi unix ca achúshitishi bamati ꞌicën. Usa ꞌicë ca aín ñu ꞌacëcama ꞌunánquin Nucën Papa Diosan uicamax cara aín nëtënu abë ꞌiti ꞌicë quixun canan uicamax cara anu abë ꞌitima ꞌicë quixun cati ꞌicën.

Josué 24:32

Israel unibunën ka Josénën xo Egipto menua bitsínkin bëínëa ꞌixun, Siquem kakë me anu maíankëxa, a mex ka Jacobnën cien kuríki manë ꞌakë kupín Hamornën bakë bëchikë, Siquemnën papa aín me ꞌikëbi marua a ꞌiakëxa, a me ka Josénën rëbúnkikaman atunanbi ꞌinun biakëxa.