Génesis 50:10 - Kashibo-Kakataibo Biblia

¹⁰ Usakiani kuanx ka anua Goren-ha-atad, ꞌikë Jordán baka kuainakëkë anu bëbaxun ꞌaisamaira uni timëkamë ꞌëokë ax masánuituti ini rarumakëxa. ꞌImainun ka José mapai achúshi ꞌimainun rabë́ nëtë anuax ꞌitsaira iankëxa.

Nukën 'Ibu Diosan ain unikama 'inan ain bana

¹⁰ Usakiani kuanx ka anua Goren-ha-atad, 'ikë Jordán baka kuainakëkë anu bëbaxun 'aisamaira uni timëkamë 'ëokë ax masánuituti ini rarumakëxa. 'Imainun ka José mapai achúshi 'imainun rabë́ nëtë anuax 'itsaira iankëxa.

Génesis 50:10 ပူးပေါင်းရင်းမြစ်များ

Génesis 27:41

Usakian ꞌakë ꞌain ka Esaúnën ami xuamati nishkin Jacob istisama tankëxa aín papan upíokin sinánxunkin kakë kupín, ꞌimainun ka sinánkëxa: “Ënuax basiramashi kana ꞌën papa ñukëbë ꞌitsaira masá nuituti nitë́xëti ꞌain, usai ꞌikin kana ꞌën xukë́n Jacob rëti ꞌain.”

Génesis 50:11

Usai ꞌiaka anu tsókë cananeo unibunën ꞌaisamaira timëkamë ꞌëokë isakëxa, isí ka kikankëxa: egipcio unibu ka uni ñukë mainux timëkamë ꞌëoxa kiax kikankëxa. Usai anuax ꞌikë ka Abel-misraim kakin anëakëxa, ax ka Jordán baka amiaxa bari urukë au ꞌiakëxa.

Génesis 50:3

Usakin ꞌakin ka cuarenta nëtë ꞌimikin anun anëtima ron ꞌakëxa a nëtë kamax ka anun usokin ꞌati ꞌiakëxa. Usakin ꞌakë ꞌain ka egipcio unikamax ꞌitsaira masá nuitukin setenta nëtë ꞌimi ꞌitsaira rarumakëxa,

Génesis 50:4

usai ati nëtëkaman aín papa sinani nitë́xëtankëxun ka Josénën ꞌapu faraón aín xubunu ꞌikë aín kushi kamabë pain banakëxa, banakin ka ësokin kakëxa: —Mitsux upí sinanñu ꞌixun ꞌë ꞌakinsa tankin karamina ꞌapu faraón ësokin ꞌë kaxuni kuanti ꞌain.

Génesis 50:9

ꞌImainun ka uni aín carreta caballonëan nirinbiankin uankë anúnribi José kuania buani ꞌitsaira uni rikiankëxa, usa ꞌaish ka ꞌaisamaira uni aín caballonën tsótax kuankankëxa.

2 Samuel 1:17

Ësai ki ka David Saúl ꞌimainun ꞌain bëchikë Jonatán bamakë kuatankëx rabiti kantai kiakëxa,

2 Samuel 11:26

Usokian aín bënë Urías ꞌakankë ka aín xanun kuakëxa, kuatankëx ka ꞌitsaira aín bënë sinani masá nuituakëxa;

Job 2:13

Usai ꞌitankëx ka atúxribi menu tsóti mapai achúshi ꞌimainun rabë́ nëtë ꞌianan mapai achúshi ꞌimainun rabë́ imë́ribi uisa banabi abë kananima a ꞌurama abë ꞌiakëxa, usai ꞌia ꞌaisamaira paë tani tëmëraiabi ka atun Job uisa banabi káma ꞌikën.

Eclesiastés 12:5

ꞌianan ka matá mapërakëti rakuë́ti ꞌianan, bairibi anun nisama ꞌiti ꞌikën. ꞌImainun ka amukutanën uábukin taëoti ꞌikën, ꞌimainun ka champu ꞌimainun muxañu i ax ñu achúshi tsamankësa ꞌiti ꞌikën. Usa ꞌain ka unikaman ñuia uanxun anu bamaia maínti anu xënibua ꞌaínbi anu ꞌinun uni maínti ꞌikën, usa ꞌain ka ñukë uni a bënini inia anun ëmanu niti bainuxunbi kuakë ꞌiti ꞌikën.

Números 20:29

Ubukëbëtan Aarón abë aiama iskin ka ñuaxa kixun sinani ka israel unibu, nitë́xëti masá nuituti achúshi ꞌuxë ꞌimi inkankëxa.

Deuteronomio 1:1

Ënë banakama ka Moisésnën kamabi Israel kama anu uni ꞌikëma me amiaxa bari urukë Jordán kakë baka anuxun ñuixuankëxa, ax ka anua uni ꞌikëma me Arabá kakë Suf kakë a ꞌukëmanan anu ꞌiakëxa, ax ka Parán, Tófel, Haserot ꞌimainun Dizahab kakë anu ꞌiakëxa.

Deuteronomio 34:8

Usai ꞌian ka israel unikama Moisés bënini ini achúshi ꞌuxë ꞌimi anu uni ꞌikëma me Moab kakë anuax rarumakëxa, usai ꞌi ka a nëtëkama sënë́mi Moisés ñukë ꞌain masá nuituti nitë́xëti inkankëxa.

1 Samuel 31:13

Usokin ꞌaxun ka aín xokama ashi Jabés kakë ëma anua nikë i pëchiñu tëmú, anu maínkankëxa. Usokin ꞌatankëx ka mapai achúshi ꞌimainun rabë́ nëtë ꞌimikin ñu pima samákankëxa.