Génesis 5:32 - Kashibo-Kakataibo Biblia

³² Noé ax quinientos baritiañu ꞌain ka aín bëchikë bëbukama bakë́ankëxa, aín anë ka ꞌiakëxa Sem, Cam ꞌimainun Jafet, akamax ka Noénën bëchikë ꞌiakëxa.

Nukën 'Ibu Diosan ain unikama 'inan ain bana

³² Noé ax quinientos baritiañu 'ain ka aín bëchikë bëbukama bakë́ankëxa, aín anë ka 'iakëxa Sem, Cam 'imainun Jafet, akamax ka Noénën bëchikë 'iakëxa.

Génesis 5:32 ပူးပေါင်းရင်းမြစ်များ

Génesis 10:1

Ënë kamax ka Noénën bëchikë Sem, Cam ꞌimainun Jafet, akaman rëbúnki ꞌikën, atux ka bakan tita chaiira ꞌikuatsian ꞌain, atunbi bëchipati tsóa a kama ꞌiakëxa.

Génesis 10:21

Sem, ax ka Jafetnën xukë́n aín apan ꞌiakëxa, anribi ka bëchipakëxa. Kamabi Ébernën bëchikëkamax ka Semnën rëbúnki ꞌiakëxa.

Génesis 10:32

Ënëkamax ka Noénën bëchikënën aintsikama ꞌiakëxa, usa ꞌain ka aín rëbúnkinëx anubia aín rara tsóa menubi ꞌiakëxa. Baka chaiira ꞌikuatsian ꞌain ka abisi amanu amanu kuani atun ëmabi ꞌai anu tsókankëxa.

Génesis 10:6

Camnën bëchikëkama aín anë ka ꞌiakëxa Cus, Misraim, Fut ꞌimainun Canaán.

Génesis 5:31

usa ꞌain ka setecientos setenta ꞌimainun siete baritia sënë́mi tsóakëxa. Tsótankëx a bari sënënkëbë ñuakëxa.

Génesis 6:1

Uni ꞌaisamaira ꞌuakamë ꞌëoi ka me tsitsirui buküakëxa, usai ꞌikin ka unin xanu upíirabu ꞌinun bëchiakëxa,

Génesis 6:10

Noé ax ka rabë́ ꞌimainun achúshi bëchikëñu ꞌiakëxa, aín anë ka Sem, Cam ꞌimainun Jafet, kakin anëkë ꞌiakëxa.

Génesis 7:13

A nëtënbi ka Noé nunti chaiira anu aín bëchikëkama, Sem, Cam ꞌimainun Jafet, ꞌimainun aín xanu aín piaka rabë́ ꞌimainun achúshi aín bëchikënën xanu akamabë ꞌiruakëxa.

Génesis 7:6

A nëtën bakan tita ꞌikuatsinkin me mapurukë anun ka Noé seiscientos baritiañu ꞌiakëxa.

Lucas 3:36

Sala ax ca Cainanën bëchicë ꞌiacëxa. Cainán ax ca Arfaxadnën bëchicë ꞌiacëxa. Arfaxad ax ca Semnën bëchicë ꞌiacëxa. Sem ax ca Noénën bëchicë ꞌiacëxa. Noé ax ca Lamecnën bëchicë ꞌiacëxa.