Génesis 5:24 - Kashibo-Kakataibo Biblia

²⁴ Henoc ax ka Nukën ꞌIbu Dios kuëënkësabi oi tsókë uni ꞌiakëxa, usa ꞌikë ka achúshi nëtë ꞌikëbëtan Nukën ꞌIbu Diosan bikëx nëtë́akëxa.

Nukën 'Ibu Diosan ain unikama 'inan ain bana

²⁴ Henoc ax ka Nukën 'Ibu Dios kuëënkësabi oi tsókë uni 'iakëxa, usa 'ikë ka achúshi nëtë 'ikëbëtan Nukën 'Ibu Diosan bikëx nëtë́akëxa.

Génesis 5:24 ပူးပေါင်းရင်းမြစ်များ

Génesis 24:40

Kakëxun ka ësokin ꞌë kaxa: ꞌËx kana Nukën ꞌIbu kikësoi abë nitsin, usa ꞌain ka aín ángel xuti ꞌikën, mia kuania bërúanun bërúankëx kuanxun kamina achúshi xanu ꞌën aintsin bëchikë xanu ꞌën bëchikë bixunti ꞌain, ax ka ꞌiti ꞌikën, ꞌën papan aintsin ꞌibun bëchikëbi.

Génesis 37:30

Masá nuitubakëxa anua aín xukë́nkama ꞌikë anu kuankin ka kakëxa: —Uinu kara tuá ax ꞌikë. ¿Añu karana ꞌën bërí ꞌati ꞌain?

Génesis 42:36

Usa ꞌain ka Jacobnën kakëxa: —Mitsun kamina bëchikëñuma ꞌë ꞌimin. José ka nubëma ꞌikën, ꞌianan ka Simeónëxribi ka nubëma ꞌikën, ¡ꞌimainun kamina Benjamínribi ꞌë bërí ëmibiankasin kin! ¡Ësakin ꞌakin kamina ꞌë bëchikëñuma ënkanin!

Génesis 5:22

Henoc ax ka Nukën ꞌIbu Dios kuëënkësabi oi tsóakëxa. Usa ꞌain ka aín rëkuën bëchikë Matusalén bëchitankëx, Henoc ax tsóakëxa trescientos baritia, ꞌimikin ka bëbu ꞌimainun xanuribiokin bakë bëchipatëkëankëxa;

Génesis 5:23

usa ꞌaish ka Henoc kamabi aín baritia tsókë ꞌiakëxa trescientos sesenta ꞌimainun cinco baritia tsóakëxa.

Génesis 5:25

Matusalén axa ciento ochenta ꞌimainun siete baritia ꞌain ka aín bëchikë bakë́ankëxa.

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

2 Reyes 2:1

Achúshi nëtën ka an Diosan bana ñuikë Elías ꞌimainun Eliseo kakë uni rabë́ ax Guilgal kakë ëmanuax chikiakëxa, a nëtën kaisa suñu kushiira mañati bëkikë anúan kuanun Diosan Elías naínu buántisa tankë nëtë ꞌiakëxa.

2 Reyes 2:10

—Kakëxunbi ka Elíasnën kakëxa: —Minmi ꞌë ñukákë ax ka chamarama chaiira ñu ꞌikën. Usa ꞌaínbi kamina Diosan mikëñun ꞌë ënanamia iskin minmi ꞌë ñukákë a biti ꞌain. ꞌAínbi kamina Diosan ꞌëkëñun mi ënanamikëx ꞌëx kuania iskima minmi ꞌë ñukákë ñu a bitima ꞌain.

2 Reyes 2:11

Ësai kia a rabëtax kanankiani kuankëbëbi ka Diosanbi ꞌimikëx, bënëtishi achúshi caballonan nirinkë anu tsi rëkirukësa ꞌimainun caballonuribi tsi rëkirukësa ax mërakëxa, mërakëbëa Elías abë ënanani anu ꞌiruia ka suñúan kushiira mañákë anbi birubiankin naíkamë ꞌëonu buánkëxa.

2 Reyes 2:12

Usai ꞌia isi ka Eliseo munuma kuënkëni kiakëxa: “¡Mix kamina ꞌën papasa ꞌianan Israelnën suntárukama kushiira usarabi ꞌian!” Usai kuania nëtëtia ka amiribishi Eliseonën Elías istëkëanma ꞌikën. Usa ꞌain ka aín pañukë tari a bikin masá nuitukin Eliseonën rabë́okin tukakëxa.

Salmos 73:24

ꞌanan kamina min bana kikësabiokin ꞌanun ꞌë ꞌunánmiakën, usa ꞌain kamina anun ñuti nëtë ꞌikëbëtan minan ꞌikë, upiokin kamina ꞌë ñu ꞌaxuan kakin biti ꞌain.

Jeremías 31:15

Ësai ka Nukën ꞌIbu kiaxa: “Ramá kakë ëma anua ka ꞌitsaira rarumati masá nuituti inia uni kuakanxa. Ax ka Raquel axa aín tuákama rabanan inkë ꞌiaxa, usai ꞌika uínbi kuëënmisamai aín tuákama bamakë ꞌain ianxa.” (Usai ka kiaxa.)

Mateo 2:18

Ramá cacë ëmanuxun ca rarumatía inia cuacanxa. Ax ca Jacob ꞌimainun aín xanu Raquelnën rëbúnqui a xanucamaxa aín tuacën rabanan incë ꞌiaxa. Aín tuá ꞌaíma cupí a sinani upí ꞌiisama tani ca uínbi nëtë́misamai ianxa.

Lucas 23:43

Cacëxun ca Jesusan cacëxa: —Asérabi cana ꞌën mi cain, ënë nëtë́nbi camina anu ꞌëx ꞌicë anu ꞌëbë ꞌiti ꞌain.

1 Juan 1:7

Usa ꞌaínbi cananuna axa ꞌicësaribiti ñu ꞌatima ꞌati sináncëma ꞌianan Nucën Papa Diosbë upí ꞌaish, axa ami catamëcë unicamabëribi upiti nuibananin. Usaínu ꞌia ca an, aín Bëchicë Jesucristo aín imi ꞌapati bama cupí, uisa ñu ꞌai caranuna ꞌuchai, abi nu tërë́nxunia.

Judas 1:14

Ax pain unia nucën rara Adán aín rëbúnqui nucën rara Enoc, ax ca Nucën Papa Diosan sinánmicëx usa uni ñui ësai quiacëxa: “ꞌËn iscëx ca Nucën ꞌIbu Dios camabi ꞌaisamaira aín uni upícaman nëpúamainun uaxa.