Génesis 49:29 - Kashibo-Kakataibo Biblia

²⁹ Achúshi nëtën ka Jacobnën aín bakë bëchikëkama ësokin kakëxa: “Ënuax ꞌitsama nëtë ꞌikëbë kana ñuti ꞌain. Usa ꞌain kamina ꞌë ñuia ënu mainkima anua ꞌën chaitiokëkama maían kini anubi ꞌë maínti ꞌain, ax ka Efrón kakë hitita uni aín me ꞌikën,

Nukën 'Ibu Diosan ain unikama 'inan ain bana

²⁹ Achúshi nëtën ka Jacobnën aín bakë bëchikëkama ësokin kakëxa: “Ënuax 'itsama nëtë 'ikëbë kana ñuti 'ain. Usa 'ain kamina 'ë ñuia ënu mainkima anua 'ën chaitiokëkama maían kini anubi 'ë maínti 'ain, ax ka Efrón kakë hitita uni aín me 'ikën,

Génesis 49:29 ပူးပေါင်းရင်းမြစ်များ

Génesis 15:15

Mix kamina ꞌitsa baritia tsóti kuëënnuxun ꞌain, usai ꞌitankëx kamina xënira ꞌaish ñuti ꞌain, ñutankëx kamina min rara kamabë timë́ti kuanti ꞌain.

Génesis 23:16

Usakian kakëxun ka Abrahamnën asábi ka kana mi uiti kara aín kupí ꞌikën atibi mi kupíoti ꞌai kixun ka Efrón aín aintsi hititakaman ismainunbi, aín kuríki abia tupunun kixun kupíokin banatanun rërëkaxuankëxa.

Génesis 23:17

Usokin ka Efrónnën me Macpelánu ꞌikë, au bari kuabúkë Mamré kakë anua ꞌikë kini, ꞌimainun kamabi ni a menua ꞌikë akama këñunbi Abraham maruakëxa,

Génesis 23:20

Usokin ꞌatankëx ka Abraham me ꞌimainun anua ꞌikë kini aín ꞌIbu ꞌiakëxa, ax ka Hititas kaman anua aín xanu maínti marukë me ꞌiakëxa.

Génesis 23:9

Macpelánu ꞌikë kini aín me sënë́nkënua ꞌikë a ꞌë marunun kixun kati ꞌain. ꞌËn kana uiti kara aín kupí ꞌikë atibi kupíoti ꞌain, usa ꞌain kana anu uni ñuia maínti kiniñu ënë menu ꞌiti ꞌain.

Génesis 35:27

Achúshi nëtën ka Jacob aín papa Isaac isi Mamré kakë ëma ꞌikëbia Arbá kakin anëanan Hebrón kakinribi anëkë anu kuankëxa. A menu ka Abraham ꞌimainun Isaac tsóakëxa.

Génesis 35:29

Usa ꞌaish ka Isaac uni ꞌikësabi kaniakëti xënira ꞌaish ñuakëxa, ñukiani ka aín chaitiokëkama ñua ꞌaísh anu bukukë abë ꞌi kuankëxa.

Génesis 47:30

Usa ꞌain kamina ꞌën aintsikama ꞌiásaribiti ñuia kamina Egipto me ënu maínti sinánkima anua ꞌën chaitikama maínkë anuribi uanxun maínti ꞌai kixun ka kakëxa. Kakëxun ka Josénën —Asabika min sinánkësa okin kana ꞌati ꞌain —kixun kakëxa.

Génesis 49:28

Ënëkamax ka mapai rabë́ ꞌimainun rabë́ ñaká Jacobnën bakë bëchikëkama ꞌiakëxa, usa ꞌikë ka aín papan achúshi achúshi upíokin sinánxunkin kakëxa.

Génesis 49:33

Ësokin pain aín banakamaira kama aín bakë bëchikë ñuixunkin sënë́ontankëx rakabutëkënibi ka Jacob aín bana ñomëtishi ñuakëxa.

Génesis 50:12

Usa ꞌain ka Jacobnën bëchikë kaman aín papan ñutisama ꞌixun kakësabiokin kamabi ꞌakëxa,

Génesis 50:13

usakin ꞌatankëxun ka Canaán kakë me anua ꞌikë Macpelá kakë me anua ꞌikë kini, Abrahamnën Efrón kakë uni hitita ainan ꞌikëbi anu aín aintsikama ñuia maínti marua anu maíankëxa. A me ꞌimainun a kinix ka Mamré kakë me amiaxa bari urukë au ꞌiakëxa.

2 Samuel 19:37

Usa ꞌain kana ꞌën mi kain, mix ꞌapu ꞌixun kamina ꞌën ëmanubi ñui kuantanun ꞌë xuti ꞌain, anuax ñuia ka ꞌën papakama anu maían anubi ꞌë mainkanti ꞌikën. ꞌAínbi ka ꞌapu ꞌikë an mi ñu mëëxunti bëtsi uni ënu ꞌikën: ax ka ꞌën bëchikë Quimham ꞌikën, usa ꞌain kamina mix ꞌapu ꞌixun uanxun ꞌë min ꞌaxuansaribi okin mix kuëënkësabi okin ñu min a ꞌaxúnun ꞌamiti ꞌain.

Hebreos 12:23

Anuribi uicamax cara ainan ꞌicë, aín anë ꞌacë, acamanribi ca a rabia. Anu ca ax ꞌApuira ꞌixuan an camabi unin ꞌacë ñu iscë, Nucën Papa Dios, ax ꞌicën. Anuribi ca Nucën Papa Diosan ainan ꞌicë upí ꞌimicë ꞌaísha bamacë unicama aín bëru ñunshin ꞌicën.