Génesis 49:25 - Kashibo-Kakataibo Biblia

²⁵ ¡asábi ka Nukën ꞌIbu Dios a ꞌën rabikë, an ka mi ꞌakinuxun ꞌaia; Nukën ꞌIbu Dios kamabi kushiñuira an ka mi upiokin ꞌakinti ꞌikën! ¡Naíkamë ꞌëo manámixunbi ka ꞌuí ꞌibútanun mi upíokin sinánxunti ꞌikën! ¡An ka parúmpapa ꞌukëmëu ꞌikë me anuaxbia ꞌumpax utanun mi upíokin sinánxunti ꞌikën! ¡An ka min ñuinakama tuaia ꞌanan xanu bakënti aribi upíokin sinánxunti ꞌikën!

Nukën 'Ibu Diosan ain unikama 'inan ain bana

²⁵ ¡asábi ka Nukën 'Ibu Dios a 'ën rabikë, an ka mi 'akinuxun 'aia; Nukën 'Ibu Dios kamabi kushiñuira an ka mi upiokin 'akinti 'ikën! ¡Naíkamë 'ëo manámixunbi ka 'uí 'ibútanun mi upíokin sinánxunti 'ikën! ¡An ka parúmpapa 'ukëmëu 'ikë me anuaxbia 'umpax utanun mi upíokin sinánxunti 'ikën! ¡An ka min ñuinakama tuaia 'anan xanu bakënti aribi upíokin sinánxunti 'ikën!

Génesis 49:25 ပူးပေါင်းရင်းမြစ်များ

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 27:28

Usa ꞌikë ka Nukën ꞌIbu Diosan min ñu ꞌapákë chabónun naínua ꞌuí ꞌibúmiti ꞌikën, ꞌibúmikëxun ka min ñu ꞌapákëkama menua chabóti ꞌikën, usakin ꞌakëxun ka min trigo bëru ꞌitsaira ꞌimianan a mi xëati ñuribi ꞌaisamaira ꞌimiti ꞌikën.

Génesis 28:13

Usakin namákin isanan ka Nukën ꞌIbu a rapasu nixun ësokin kakëxun kuakëxa: ꞌËx kana min ꞌIbu ꞌain, ꞌianan kana min xuta Abraham aín Dios ꞌianan min papa Isaac ainanribi ꞌain. Usa ꞌixun kana mi ꞌimainun min rëbúnkikama anumi ꞌuxi rakákë me ënë ꞌinánti ꞌain.

Génesis 28:21

usa ꞌain ka ꞌëx ꞌën papan xubunu uisaibi ꞌikëma kuankëbë ax ꞌën ꞌIbu Dios ꞌiti ꞌikën.

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 32:9

Usokin ꞌatankëxun ka: “Nukën ꞌIbu abë banakin kakëxa, ꞌën xuta Abraham ꞌimainun ꞌën papa Isaacnën Dios, min kamina ꞌëx amiribishi ꞌën menu kuanan ꞌën aintsikamanu, kuantëkënia ismina upitax kuantanun ꞌë ꞌakinti ꞌai kixun kakën:

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Génesis 35:3

Ësokin katankëxun ka kakëxa bëríbi kananuna Betel menu kuanti ꞌain, kuantankëxun kananuna achúshi maxá maburukin ꞌatankëxun anuxun Nukën ꞌIbu Dios rabiti ꞌati ꞌain, an ka ꞌë ꞌatimakin sinaniabi ꞌakiankëxa, ꞌimainun ka ꞌë ꞌakinia uinu karana kuani anuabi.

Génesis 43:23

Kakëxun ka an ñu bërúankë unin atu kakëxa: —Kamina ꞌitsaira rakuë́kantima ꞌain. Mitsun Dios min papabëtan rabikë an sapi ka a kuríki mitsun pishanu ꞌarukë ꞌiti ꞌikën, ꞌën kana anúnmi trigo kupíokë kuríki a bian usa ꞌain kamina ꞌitsaira rakuë́tima ꞌain. Kamina ꞌitsaira masá nuituti rakuë́tima ꞌain. Ësokin katankëxun ka an ñu bërúankë unin Simeón sipunua chikínbëtsinkin aín xukë́n kamanu bëakëxa;

Génesis 48:3

Usai ꞌikin ka aín bëchikë José anu bëbakë kakëxa: —Nukën ꞌIbu Dios kushiira kushi axa tirí kakë ëma Canaán me anuax ꞌëmi mërakin upíokin sinánxunkin,

Salmos 84:11

Nukën ꞌIbu Dios an ka ꞌakianan nu bërúaia; Diosan ka uni an ñu upí ꞌai tsókë akama nuibanan ꞌakinia, ꞌakianan kana ꞌinanima kixun ñu upí ñonkinma ꞌinania.

Mateo 6:33

Usa ꞌain camina ainan ꞌianan ax cuëëncësabi oquin pain ꞌati ꞌain. Usaquin ꞌacëbëtan ca an anúnmi mitsux upitax bucuti ñucama aribi mitsu ꞌinánti ꞌicën.

Efesios 1:3

Nucën Papa Dios ax ca Nucën ꞌIbu Jesucristo aín Dios ꞌianan aín Papa ꞌicën. A rabinun ca ꞌacan. Aín nëtënuxun nu sinánxunquin ca nuxnu Cristonan cupí nuibaquin ꞌaisamaira ñu nu ꞌaquinquin upí oquin sinánmianan nu cuëënmia.

Deuteronomio 33:1

Anúan ñuti nëtë ꞌurama ꞌain ka aín uni ꞌiti Diosan kaískë ꞌixun Moisésnën upíokin sinánxunkin Israel unikama

Deuteronomio 8:17

Usa ꞌain kamina mitsun ësokin sinántima ꞌain: Nun kananuna ënë ñukama nun kushínbi bia kixun.

Filipenses 4:19

A ꞌën rabicë Nucën Papa Dios, an ca ami cuëëncë ñu mitsu ꞌinánti ꞌicën. Jesucristonëan mitsu ainan ꞌinun ꞌimicë ꞌicë ca Nucën Papa Dios ax camabi ñun ꞌIbu ꞌixun mitsúnmi cuëëncë ñu a ꞌinánan mitsu ꞌaquinti ꞌicën.

1 Timoteo 4:8

Ënëx ca ësa ꞌicën. Camabi nëtën cuai aín nami bachura ꞌianan cushi ꞌaish ca uni upiti cuai cuëënia. Usai cuëëncësamaira oi ca camabi nëtën upíira oquin sinánquin Nucën Papa Dios cuëëncësabi oquin ꞌai, uni ënë menuax upitax bucui cuëëanan usai ꞌitancëx Nucën Papa Diosan nëtënuaxribi abë ꞌaish cuëënti ꞌicën.