Génesis 49:24 - Kashibo-Kakataibo Biblia

²⁴ ꞌaínbi ka Josénën rëbúnki kaman aín pëñan kushi uni ꞌixun ainra an ꞌakatsikixun ꞌakëxunbi aín pëñan bërëkinma ꞌati ꞌikën; usa ꞌain kana mi asabika kixun kain. ꞌËn ꞌIbu Dios a ꞌën rabikë kushiira kushi, ¡An ka an ñuina bërúankë unisa ꞌixun Israel unibu bërúanti ꞌikë!,

Nukën 'Ibu Diosan ain unikama 'inan ain bana

²⁴ 'aínbi ka Josénën rëbúnki kaman aín pëñan kushi uni 'ixun ainra an 'akatsikixun 'akëxunbi aín pëñan bërëkinma 'ati 'ikën; usa 'ain kana mi asabika kixun kain. 'Ën 'Ibu Dios a 'ën rabikë kushiira kushi, ¡An ka an ñuina bërúankë unisa 'ixun Israel unibu bërúanti 'ikë!,

Génesis 49:24 ပူးပေါင်းရင်းမြစ်များ

Génesis 45:11

Ënumi ukëkana min aintsi ꞌibukama këñunbi mitsun piti ꞌinánan, kamabi mibëa ꞌikë akamaribi añu ñubi pishintisamokin ꞌakinti ꞌain; ënuax mapai achúshi bari pain ka anun ñu ꞌapákëbi koima ꞌianan numi ax ꞌiti ꞌikën.

Génesis 45:5

usa ꞌain kamina ꞌatimakin kana ꞌa kixun sinani ubikantima ꞌain, mitsun kamina ꞌë maruakën usa ꞌaínbi ka Nukën ꞌIbu Diosan ꞌë pain mitsúxmi tëmëraia ꞌakinun ënë menu ꞌë bëakëxa.

Génesis 45:7

ꞌAínbi ka Nukën ꞌIbu Diosan mitsux uisama pain ꞌain ënë menu ꞌë pain bëakëxa nun rëbúnki kamaxa ënë menu ꞌinun, ꞌimainun ënë unikama upíokin manukima ax kushiira ꞌixun ënë menu ꞌakinun ꞌë bëakëxa.

Génesis 47:12

Usakin, a ꞌinántankëxun ka Josénën aín aintsi ꞌibukama aín piti akamaribi ꞌinánkëxa, ꞌinánkin ka uiti ꞌitsa kara kuëënia a istankëxun an kuëënkë a cha ꞌinánan an ꞌitsama kuëënkë a chukúmashi ꞌinánkëxa.

Génesis 48:15

Usa ꞌain ka ain bëchikë José a ësokin upíokin sinánxunkin kakëxa: “Nukën ꞌIbu Dios an kakësabi okían ꞌën xuta Abraham ꞌimainun ꞌën papa Isaacnën Dios an ka a nëtë́an ꞌën titan tuaia ꞌë bërúan ꞌixun bëríbi uinu karana kuani anuabi ꞌë bërúaia,

Génesis 49:23

Usa ꞌikë ka axa pian ꞌakanankë unikaman istisama tankin timakin, aín pia ami pukin ënkinma ubionuxun ꞌaia;

Génesis 50:21

Usa ꞌain kamina mitsux rakuë́tima ꞌain. ꞌËn kana mikama ꞌimainun mitsun bëchikëkamaribi aín piti ñu ꞌinánti ꞌain. Ësokin kakin ka Josénën aín xukë́nkama upíokin sinánmiakëxa.

2 Samuel 5:2

Bërámabi ka Saúlnën ax ꞌapu ꞌixun minmi asérabi Israel kama ꞌakanani kuania buánun ꞌamiakëxa. Usa ꞌikë ka Nukën Ibun mi Israel kaman ꞌapu ꞌixunmi upiokin ꞌakinun ꞌimiaxa.”

2 Reyes 13:16

Bitsia ka Eliseonën kakëxa: —Anun bëëkakin pia ninun kamina min kanti kanuti ꞌain kakëxa. Kakëxuan ꞌapun kanti bëëkamainun ka Eliseonën, aín mëkënribi anua ꞌapun kanti bëëkakin tuinkë anubi aín mëkën nankin,

Salmos 118:22

An xubu ꞌakë unikaman timakin rakan maxá ax ka bërí maxá upí ami xubu ꞌakin uarukin nankë a ꞌikën.

Salmos 23:1

Diosan ka an ñuina ꞌarakakë unin aín ñuina bërúankësa; usaribi okin ꞌë bërúaia, usa ꞌixun ka uisa ñu kara inutiabi ꞌë ꞌakinia,

Salmos 27:14

¡Nukën ꞌIbumishi ka uni katamëti ꞌikën! ¡Katamëkin kamina kushikin ꞌatimakin sinántima ꞌain! ¡ꞌImainun kamina Nukën ꞌIbumishi katamëkanti ꞌain!

Salmos 73:23

Usa ꞌaínbi kana ꞌëx mi ënima mibëbi ꞌiakën. Usai ꞌia kamina min kushínbi ꞌë ꞌakiankën,

Salmos 80:1

An Israel unikama bërúankë; an ka Israelnën rëbúnkikama achúshi ñuina aín ꞌibun bërúankësa okin bërúanti ꞌikën, mix anu ꞌikë anu ka querubinkama ax ꞌikën, ¡usa ꞌain kamina bërí nukaman ñukákëxun kuati ꞌain!

Salmos 89:1

ꞌËn ꞌIbu Dios, ꞌëx mimi kantai kana mix kamina nuibanankë ꞌai kiax kianan; xënibua ꞌaínbi kana mix kamina ñu ꞌatima ꞌati kuëënkëma a ꞌai kiax mi ñui kiti ꞌain.

Éxodo 3:6

Kakin ka ësokinribi kakëxa: —ꞌËx kana min chaitiokë aín Dios ꞌain ꞌimainun kana Abraham, Isaac Jacob akaman rabia Dios a ꞌain. Usakian kakëxun kuati ka Moisés aín chupan Dios istisamatani rakuë́ti bëmápuakëxa,

Isaías 1:24

Usa ꞌain, ka kamabi kushiñu, Israel unikaman Dios ax asérabi kiakëxa: “¡Asá ka anuishi ka ꞌiti ꞌikën! ꞌËn kana axa ꞌëmi nishkë unikama aín ꞌakë ñukama iskin uisakin karana ꞌati ꞌai usakin ꞌati ꞌain. ꞌËn kana atun ꞌakë ñukama ꞌunánkin uisa karana oti ꞌai usakin ꞌati ꞌain.

Isaías 28:16

Usa ꞌain ka ësai Nun ꞌIbu kiaxa: ꞌËn kana Sión kakë ëmanu achúi maxax nanti ꞌain, ax ka achúshi maxax kupíirakë ꞌikën, ax ka achúshi maxax ami birukin xubu ꞌati nankë usaribi ꞌiti ꞌikën. Usa ꞌain ka uix kara ami katamëtia ax chuámarua tsóti ꞌikën.

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 49:26

ꞌËn kana an mi ꞌatima okë unikama aín namibia pinun ꞌamiti ꞌain, usakin ꞌamianan kana aín imibi xëatankëxa paë bata vino ꞌakë xëatankëx ꞌikësai paënun ꞌimiti ꞌain. Usakin ꞌaia ka unikaman ꞌëx aín ꞌIbu ꞌixun atu ië́mia kixun ꞌunánti ꞌikën, ꞌëx kana kushiira ꞌixun an Jacobnën rëbúnkikama ꞌakianan, tëmëraiabi chikian a ꞌai kiax ka Dios kiakëxa.”

Isaías 60:16

Bëtsi bëtsi menu tsókë unikaman atun piti upíira a bëxun ꞌinámainun, ka ꞌapukamanribi ñu upíbu akama mitsu bëxúnti ꞌikën; bëxunkëxun kamina mitsun ꞌëx kana Nukën ꞌIbu a ꞌai kixun ꞌunánkanti ꞌain, ꞌunánan ka ꞌëx kushiira ꞌixun kana Israel unikama ië́mikin bitëkëa kixun ꞌunánkanti ꞌikën.

Mateo 21:42

Cacëxun ca Jesusan cacëxa: —¿Nucën Papa Diosan bana cuënëo ësai quicë a caramina mitsun iscëma ꞌain?: An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti. Usaía ꞌinun ca Nucën Papa Diosan ꞌimiaxa. An usoquin mëníocëx ca nun iscëx asábiira ꞌicën”. ¿Usaquian maxax ñuiquinbi ꞌë ñuiquin cuënëo bana a caramina mitsun iscëma ꞌain?

Marcos 12:10

¿Nucën Papa Diosan bana cuënëo ësai quicë, a caramina mitsun iscëma ꞌain?, An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Lucas 20:17

Quia ca Jesusan atumi bësuquin isquin cacëxa: —¿Usai ꞌitima ꞌain cara uisai quicë ënë cuënëo bana ꞌic?, ësai quicë: An maxax xubuacë unían biquinma racáncë ꞌaíshbi ca a maxax bërí amia xubu cushicë ꞌicën, itá upímia xubu cushicë usaribiti.

Hechos 4:11

Cuënëo bana axa ësai quicë a camina ꞌunan, an maxax xubu ꞌacë unían a cuëënquinma raírishi caísun biquin racáncë maxax ꞌaíshbi ca a maxax bërí ami a xubu cushicë ꞌicën, itá upímia xubucama cushicë usaribiti. A banaxa quicësaribiti ca Jesucristo ami aín unicama cushicë ꞌiti ꞌicë quixun ca Nucën Papa Diosan bërí mëníoxa.

Romanos 14:4

Mitsux camina bëtsi unin ñu mëëmicë uni a ñui —an ca ꞌatima ñu ꞌaia —quitima ꞌain. Aín ꞌibúinshi ca ꞌunánti ꞌicën, cara upí oquin ꞌaia, cara upí oquin ꞌaima quixun. Usaribi oi camina mitsux Nucën ꞌIbu Diosan uni itsi ñui, —ñu aisama ca ꞌaia —quitima ꞌain. Aín ꞌIbúinshi ca ꞌunánti ꞌicën. Nucën ꞌIbu Diosan ca aín unicama ax cuëëncësabi oíshia ꞌinun ꞌimiti ꞌicën.

Efesios 2:20

Mitsux camina an aín bana uni ñuixunun Jesusan caíscë unicama ꞌimainun an Nucën Papa Dios quicë bana uni ñuixuncë unicaman ñuiasabi oi, Jesucristomi catamëti ami cushicë ꞌain. Usa ꞌaish camina unin maxax xubu oquin ami cushiti pain nantancëxun raíriribi bucúnrucësaribi ꞌain, Cristo a pain nancë maxáxsa ꞌain.

Deuteronomio 32:4

Ax ka an nu bërúankë ꞌikën; an ꞌakë ñux ka upíira upí ꞌikën, an ꞌakë ñux ka asérabi upí ꞌikën. Ax ka Dios ꞌaish këmëima asérabi banaia, ¡an ka uínsaranbi an ñu ꞌatima ꞌakë uni abi ꞌatima oima ꞌaínbi ka ënkinma a unikama ꞌatima onuxun ꞌaia!

Deuteronomio 33:27

Nukën ꞌIbu Dios axa këñutima oi tsókë an ka mitsu ꞌakinti ꞌikën; an ka ax kushiira ꞌixun ënkinma nu ꞌakinia, usa ꞌixun ka an numi nishkë uni abámitankëxun, këñukin ꞌanun nu ꞌamiakëxa.

Deuteronomio 34:9

ꞌImainun ka Diosan Moisés kakësabi oi Nunnën bëchikë Josué a ain maxkánu aín mëkën nankin Moisésnën aín sinan ꞌinánkë ꞌiakëxa. Usa ꞌikë ka Israel unibunën aín bana kuakin Moisés Nukën ꞌIbun kásabiokin Israel unikaman Josuénën bana tankëxa.

Colosenses 1:11

ꞌAnan cananuna ax cushiira ꞌixúan, uisa ñu cara ꞌicëbëbi bënëtima cuëënquin tanshinuan mitsu ꞌaquinun quixun a mitsu ñucáxunin.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.