Génesis 49:21 - Kashibo-Kakataibo Biblia

²¹ Neftalí, ax ka achúshi chaxu uínbi ubíokëma nikë, aín tuakëxa upíira ꞌikë usaribi ꞌiti ꞌikën.

Nukën 'Ibu Diosan ain unikama 'inan ain bana

²¹ Neftalí, ax ka achúshi chaxu uínbi ubíokëma nikë, aín tuakëxa upíira 'ikë usaribi 'iti 'ikën.

Génesis 49:21 ပူးပေါင်းရင်းမြစ်များ

Génesis 30:8

usakian ami bëchitëkëan ka Raquel kiakëxa: Ënë tuá ka Neftalí kakin anëkë ꞌiti ꞌikën, ꞌëx kana ꞌën xukë́n apan ami ꞌitsaira nishan usa ꞌain kana bërí ꞌëxribi tuáñu ꞌain, usa ꞌain kana ami nishíbi kana bërí tuáñu ꞌain.

Génesis 46:24

Ënë kamaxribi ka Neftalí aín bëchikë ꞌiakëxa: Jahzeel, Guní, Jezer ꞌimainun Silem.

Jeremías 14:5

Usai ꞌikëbëtan ka chaxu aín xanu kamanribi aín tuá bërí bakënkërakama a piti, xubikama ꞌaíma ꞌain rakania,

Deuteronomio 33:23

Ësairibi ka Neftalí ñui kiakëxa: Nukën ꞌIbun ka Neftalí kakë uni aín aintsikama upíokin ꞌakinti ꞌikën; usa ꞌikë ka Diosan ꞌaisamaira ꞌinun upíokin sinánxunkin, ¡aín rëbumi ꞌianan amiaxa bari urukë amiokin me këñunbi anua ꞌikë baka atunan ꞌinun ꞌinánti ꞌikën!

Jueces 4:10

Anuxun ka Baracnën Zabulón ꞌimainun Neftalínën unikama anua ax ꞌikë anu kuanun kixun kamiakëxa, kamikëx aia ka Baracnën aín kushi ꞌixun diez mil suntáru timëakëxa. Timëbiani kuankëbë ka Débora abë kuankëxa.

Jueces 4:6

Achúshi nëtën ka Déboranën Barac kakë uni Abinóamnën, Quedes kakë ëma achúshi anua Neftalí ñaká unikama bukukë anua katánun xukin ësokin kakëxa: Israelkaman ꞌIbu ꞌimainun ain Dios ax ka ësokinmi ꞌanun kiaxa: Aín bashi Tabor kakë anu kamina diez mil Neftalí ꞌimainun Zabulón unikaman suntáru anu timëti ꞌain.

Jueces 5:18

ꞌaínbi ka ain bashi matán me anuax Zabulón ꞌimainun Neftalí ain suntárukamabë bamati tana ꞌakananxa.