Génesis 49:18 - Kashibo-Kakataibo Biblia

¹⁸ ¡Nukën ꞌIbu minmi ꞌë ië́miti kana kuëënin! ësokin ka Nukën ꞌIbu Dios ñukákin Jacobnën kakëxa.

Nukën 'Ibu Diosan ain unikama 'inan ain bana

¹⁸ ¡Nukën 'Ibu minmi 'ë ië́miti kana kuëënin! ësokin ka Nukën 'Ibu Dios ñukákin Jacobnën kakëxa.

Génesis 49:18 ပူးပေါင်းရင်းမြစ်များ

Génesis 49:17

Dannën rëbúnkinëx ka achúshi runu bai rapasu tsókësa ꞌiti ꞌikën, usa ꞌain ka aín taë tsiputunua aín caballo natëxkëbë anu ꞌikë uni pakëti ꞌikën, ësaribi okin kamina axa mitsumi nishkë unikaman ꞌakëxunbi mikaman ꞌamitima ꞌain, kixun ka Jacobnën aín bakë bëchikëkama kakëxa.

Salmos 130:5

ꞌËn bëru ñunshin bëtanbi kana Dios kainin, usakin ꞌai kana ain bana kuati ami katamëtin.

Salmos 14:7

¡Uisati kara Diosan ꞌain bashi Sión kakë anuxunbi an Israel unikama ꞌakinkin ië́minun xutima ꞌik! Uínsaran kara Diosan an kaískë unikama aín menubi utëkënun ꞌimia anun ka, Jacobnën rëbúnkikamax kamabi Israel ëmakamanuax kuëënti ꞌikën.

Salmos 40:1

Uisai karana Nukën ꞌIbumi katamëti ꞌai kixun kana ꞌën ꞌunánkën, usa ꞌain ka munuma banakin ꞌën kakëxun kuakëxa;

Éxodo 15:2

ꞌËx ami kantaia ka kuatia, an ka ꞌë kushionan ië́miaxa, ax ka Dios ꞌën a rabiti ꞌikën. Ax ka ꞌën papan Dios ꞌikën, usa ꞌikë kana asábi ka kakin rabiti ꞌain.

Isaías 30:18

ꞌAínbi ka Nukën ꞌIbu an upiokin ñu ꞌakë ꞌixun mitsumi sinania, usa ꞌixun ka an kamabi ñu upiokin mitsu nuibakin ꞌaia; an ka ax nuibanankëira ꞌikë kixun mitsun ꞌitsaira ꞌunánti kuëënia, Nukën ꞌIbu an ka ax xëshi Dios ꞌixun ñukama upiokin ꞌaia. ¡Usa ꞌain ka ami katamëtia ꞌakinti kuëënkë unikama kuëëinra kuëënti ꞌikën!

Isaías 33:2

Nukën ꞌIbu nu nuibakin kamina nukama ꞌakinti ꞌain, nun kananuna minmi nu ꞌakinun kainin. Nu kamina nëtë́tibi ꞌakinti ꞌain, ꞌimainun kamina uinsaran nëtën kara anun nux tëmërati nëtëkama ꞌia anunbi nu ië́miti ꞌain.

Isaías 8:17

Nukën ꞌIbu Dios an aín unikama Jacobnuaxa mërá, atu ꞌakinsama tankëbëbi kana ꞌëx ënima ami katamëtin. ꞌËn kana an ꞌakintishi kainin.

Mateo 1:21

Ax ca tuá achúshi bacë́nti ꞌicën. Bacënia camina min a tuá Jesús caquin anëti ꞌain. Ainshi ca uni aín ꞌucha tërë́nquin Nucën Papa Diosan iscë́xa upí ꞌinun ië́miti ꞌicën. Usa ꞌain camina a tuá Jesús caquin anëti ꞌain.

Marcos 15:43

Ñantabucëbë ca uacëxa Arimatea ëmanu ꞌicë uni, José. Ax ca judíos cushicaman ꞌapucama cushi achúshi ꞌianan —upí uni ca —quixuan camabi unin ꞌunáncë ꞌiacëxa. Usa ꞌaish ca anúan Nucën Papa Dios camabi unin ꞌapu ꞌiti nëtëa an caíncë ꞌiacëxa. Usa ꞌaish racuëtimaishi anua ꞌicënu atsínquin ca Pilato —Jesús ca bamaxa, cana buántisa tanin —quixun cacëxa.

Lucas 1:30

Usaquin sinaniabi ca ángelnën cacëxa: —Racuë́axma ca ꞌit, María. Mi ca Nucën Papa Diosan upí oquin sinánxunia.

Lucas 2:25

Jerusalénu ꞌicë uni achúshi ax ca Simeón caquin anëcë ꞌiacëxa. A unix ca upí nuituñu ꞌixun a rabianan Nucën ꞌIbu Dios quicësabi oquin ꞌacë ꞌiacëxa. Usa ꞌixun ca an Israel unibu chuámashirua ꞌimiti, axa uti caíancëxa. Usa ꞌain ca abë Nucën Papa Diosan Bëru Ñunshin Upí ꞌiacëxa.

Lucas 2:30

An camabi uni aín ꞌuchacama tërë́nquin minan ꞌinun ië́miti a cana ꞌën bërúnbi isin.

Lucas 23:51

Usa ꞌaíshbi ca José an anun Nucën Papa Dios camabi unin ꞌapu ꞌiti nëtë uti caíncë uni ꞌiacëxa. Usa ꞌixun ca raíri ꞌapucaman ꞌacësaribi oquin sinánquinma, atúxa Jesús ꞌacatsi quiax ꞌësë́nani —ꞌati ca —quiax quicëbëtanbi, an cáma ꞌicën.

Romanos 8:19

Cristo utëcëntamainun ca axbi ꞌiti ꞌaíshmabi, usai ꞌitioquian Nucën Papa Diosan mëníosabi oi camabi ñu tëmëranan cëñutia. Unin ꞌucha cupí usai tëmëranan chëquiti ꞌixunbi ca camabi ñu ꞌimainun camabi unínribi anúinra ꞌaímai tëmëranan chëquiti nëtë cainia.

Romanos 8:25

Usa ꞌaínbi cananuna usaquin nu ꞌimicëma pain ꞌixun usai ꞌiti cainin. Cananuna —bëtsi cana ꞌiti ꞌai —quixun sinánquinbi uisa caranuna ꞌiti ꞌai quixun ꞌunánquinmabi a isnuxun —asérabi ca usai ꞌiti ꞌicë —quixun cuëënquin cainin.

Gálatas 5:5

Usa ꞌaínbi cananuna nun, ami catamëti ënquinma aín Bëru Ñunshin Upitan ꞌimicëx cananuna Nucën Papa Diosan iscëx upí ꞌiti ꞌai quixun sinanin.

1 Tesalonicenses 1:10

Acama ñuianan ca mitsun camina Nucën Papa Diosan Bëchicë Jesús bamacëbia anbi baísquimia, axa naínuax uti caini quixunribi ñuia. Ax ca an Nucën Papa Diosan, uni aín ꞌucha cupí castícancëbëtanbi, ainan ꞌicë nu ië́miti a ꞌicën.