Génesis 48:17 - Kashibo-Kakataibo Biblia

¹⁷ Usakian aín papan ꞌakë Josénën iskëxbi ka ꞌatimakian aín mëkën mëkeu Efraínën maxkánu nankë ꞌiakëxa, usakian ꞌakëbi ka aín papan mëkën Efraínën maxkánua bikin Manasésnën maxkánu nankëxa,

Nukën 'Ibu Diosan ain unikama 'inan ain bana

¹⁷ Usakian aín papan 'akë Josénën iskëxbi ka 'atimakian aín mëkën mëkeu Efraínën maxkánu nankë 'iakëxa, usakian 'akëbi ka aín papan mëkën Efraínën maxkánua bikin Manasésnën maxkánu nankëxa,

Génesis 48:17 ပူးပေါင်းရင်းမြစ်များ

Génesis 28:8

Usa ꞌain ka Esaúnën aín papan Canaán kakë me anua xanukama bikë a kuëëniama ꞌunánkëxa;

Génesis 38:10

Usai ꞌia Nukën ꞌIbun iskëxbi ka Onán an ꞌakë ñukama upíma ꞌiakëxa, usa ꞌain ka aribi ñutanun sinánxuankëxa.

Génesis 48:14

ꞌAínbi ka Jacobnën ami mëshpakin aín mëkën rabë́ mëkeu ꞌikë a Efraínën maxkánu nankin upíokin sinánxunkin axa ꞌanáka ꞌaínbi, nankinshi ka Manasésnën maxkánuribi aín mëkën mëmiu axa aín apan aín nankëxa.

Génesis 48:18

usakin ꞌakin ka ësokin kakëxa: —¡Usakin ꞌaxuma ka ꞌa papan! Ënëx ka aín apan ꞌikën. Usa ꞌain kamina min mëkën mëkeu ꞌikë aín maxkánu nanti ꞌain.

Proverbios 24:18

usakin ꞌaia ka Diosan a upí istima ꞌikën, usa ꞌain ka Diosan nishkinbi uisabi otima ꞌikën.

Números 11:1

Achúshi nëtën ka Israel unibu tëmërai Nukën ꞌIbumi ꞌatimai banai kiakëxa. Usai kikania kuati nishkin ka Nukën ꞌIbun atux anu ꞌikë a bëararati tsi rëkirunun ꞌimiakëxa.

Números 22:34

Ësakin kakëxun ka Balaamnën Nukën ꞌIbun ángel kakëxa: —ꞌËx kana ꞌuchan, ꞌën kana ꞌunánkëma ꞌain mix kamina anun ꞌëx kuanti bai bëarati anu nitsa kixun. Mix kuëënkëbëma kana ënuaxëshi kuantëkënti ꞌain.

Romanos 9:11

A tuá rabë́ bacë́ncëma pain ꞌixun ñu ꞌatima ꞌati ꞌunáncëma ꞌianan ñu upí ꞌati ꞌunáncëma pain ꞌain, ca Nucën Papa Diosan Rebeca cacëxa: “A paínmi bacë́ncë tuá an ca canitancëxun aín ꞌanáca ñu ꞌaxunuxun ꞌaia” quixun. A tuá rabë́ aín rëbúnqui ñui ca Nucën Papa Diosan bana cuënëo ësairibi quia: “Esaúnën rëbúnqui ꞌacësamaira oquin cana Jacobnën rëbúnqui nuibatin”. Usaquin sinánquin cananuna ꞌunanin, Nucën Papa Diosan ca aín cuëëncësabi oquinshi uni ainan ꞌinun caisia, aín ñu upí ꞌacë cupíma.

1 Samuel 16:7

ꞌAínbi ka Nukën ꞌIbun kakëxa: “Uisa kara kixun ñachanan kamina uiti chaxkë́ kara kixun istima ꞌain, ꞌëx kana ax ꞌiti kuëëniman. ꞌËx kana unin iskë ñu ñui kikëma ꞌain; unin ka uisa kara bëtsi uni ꞌikë kixun isia, usa ꞌaínbi kana ꞌën uisakin kara unin sinania a ꞌunanin.”