Génesis 48:15 - Kashibo-Kakataibo Biblia

¹⁵ Usa ꞌain ka ain bëchikë José a ësokin upíokin sinánxunkin kakëxa: “Nukën ꞌIbu Dios an kakësabi okían ꞌën xuta Abraham ꞌimainun ꞌën papa Isaacnën Dios an ka a nëtë́an ꞌën titan tuaia ꞌë bërúan ꞌixun bëríbi uinu karana kuani anuabi ꞌë bërúaia,

Nukën 'Ibu Diosan ain unikama 'inan ain bana

¹⁵ Usa 'ain ka ain bëchikë José a ësokin upíokin sinánxunkin kakëxa: “Nukën 'Ibu Dios an kakësabi okían 'ën xuta Abraham 'imainun 'ën papa Isaacnën Dios an ka a nëtë́an 'ën titan tuaia 'ë bërúan 'ixun bëríbi uinu karana kuani anuabi 'ë bërúaia,

Génesis 48:15 ပူးပေါင်းရင်းမြစ်များ

Génesis 17:1

Usa ꞌain ka Abram axa noventa ꞌimainun nueve baritiañu ꞌikë, Nukën ꞌIbun amiribishi ami mëratëkënkin ësokin kakëxa: —ꞌËx kana min ꞌIbu Dios kamabi kushiñuira a ꞌain, usa ꞌain kamina ꞌëx kuëënkësabi ꞌoíshi tsóanan ꞌëx kikësabiokin kamabi ñu ꞌati ꞌain,

Génesis 24:20

Katankëxun ka bënë́kinshi aín me ñutë ꞌakënu ꞌikë ꞌumpax a pain anua ꞌumpax ꞌarutia nuntisokin ꞌakë anu maniakëxa, usakin manitankëxun ka ꞌitsai kuankin ꞌumpax camellokaman xëanun bixuankëxa.

Génesis 24:40

Kakëxun ka ësokin ꞌë kaxa: ꞌËx kana Nukën ꞌIbu kikësoi abë nitsin, usa ꞌain ka aín ángel xuti ꞌikën, mia kuania bërúanun bërúankëx kuanxun kamina achúshi xanu ꞌën aintsin bëchikë xanu ꞌën bëchikë bixunti ꞌain, ax ka ꞌiti ꞌikën, ꞌën papan aintsin ꞌibun bëchikëbi.

Génesis 27:27

Ësokin kakëx bëtsuku kanux a ꞌurama oi tsóbutia ka Jacobnën chupa Isaacnën xëakëxa. Xëkin ka ësokin kakin upíokin sinánxuankëxa: “Ënë chupan ꞌishax ka ꞌën bëchikënan ꞌaish. Abë ninu nikë ꞌishasa ꞌikëa, Nukën ꞌIbu upíokin sinánxunkë ꞌiti ꞌikën.

Génesis 27:4

ꞌAbëtsinxun kamina nëishokin ꞌarubëtsinkin, uisakin ꞌarukë karana písa tani usakin ꞌabëtsinkin ꞌë bëxúnti ꞌain. Usokin ꞌabëtsinkin bëkë pitankëxun ñukëmapain ꞌixun kana mi upíokin sinánxunti ꞌain.

Génesis 28:20

Anuax ka Jacob ësai kiakëxa: Nukën ꞌIbu Diosan ka ꞌë kuania bërúanan, ꞌën piti ñu ꞌinánan ꞌën pañuti chuparibi ꞌë ꞌinánti ꞌikën,

Génesis 28:22

ꞌËn kana uinu karana ënë maxax nankë anubi Nukën ꞌIbu Dios anuxun rabiti ꞌati ꞌain; ꞌimainun kana mi asérabi manukima uisa ñukama kaina ꞌë ꞌinani a mësú mi ꞌinánti ꞌain.

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 35:3

Ësokin katankëxun ka kakëxa bëríbi kananuna Betel menu kuanti ꞌain, kuantankëxun kananuna achúshi maxá maburukin ꞌatankëxun anuxun Nukën ꞌIbu Dios rabiti ꞌati ꞌain, an ka ꞌë ꞌatimakin sinaniabi ꞌakiankëxa, ꞌimainun ka ꞌë ꞌakinia uinu karana kuani anuabi.

Génesis 48:16

usa ꞌixun ka Dios an uisai kara ꞌiti ꞌikëbi an ꞌë bërúankë anribi ënë tuákamaribi bëruánti ꞌikën. Usa ꞌain ka ënë tuákama kupín ꞌën anë sinanan ꞌën xuta Abraham ꞌimainun Isaac aín anë sinánti ꞌikën. Usa ꞌain ka atux ꞌaisamaira bakë bëchipati ꞌuakamë ꞌëoanan kamabi menu kuani aín ëmaitsi ëmaitsi ꞌai tsókanti ꞌikën.”

Génesis 49:22

José min rëbúnki kamaxribi ka achúshi i baka kuëbí nikë, axa ꞌitsaira ꞌinun bimikësa usaribi ꞌianan, pëñanakëkin anun xubu bëarakë me mapubuinkë usarabi ꞌiti ꞌikën. Usaribiti ka min rëbúnki kamax mekama tsitsirui bukunuxun ꞌaia.

Génesis 49:24

ꞌaínbi ka Josénën rëbúnki kaman aín pëñan kushi uni ꞌixun ainra an ꞌakatsikixun ꞌakëxunbi aín pëñan bërëkinma ꞌati ꞌikën; usa ꞌain kana mi asabika kixun kain. ꞌËn ꞌIbu Dios a ꞌën rabikë kushiira kushi, ¡An ka an ñuina bërúankë unisa ꞌixun Israel unibu bërúanti ꞌikë!,

Génesis 49:28

Ënëkamax ka mapai rabë́ ꞌimainun rabë́ ñaká Jacobnën bakë bëchikëkama ꞌiakëxa, usa ꞌikë ka aín papan achúshi achúshi upíokin sinánxunkin kakëxa.

Génesis 6:9

Ënëx ka uisai kara Noé ꞌiakëxa, kixun ñuikë bana ꞌikën. Noé ax ka achúshi uni upí ꞌiakëxa, usa ꞌixun ka Diosan kakësabiokin ꞌakëxa. A uníxëshi ka raíri unikama ꞌikësama anúan tsóa nëtëkaman Diosan kuëënkësabi oi tsóakëxa.

1 Reyes 3:6

Usakian kakëxun ka Salomónnën kakëxa: “Min kamina ꞌën papa David min uni ꞌikë, ꞌitsaira nuibakin ꞌakiankën, an ka minmi ꞌakinkëxun upíokin ñu ꞌanan, aín nuitunënbi sinani mimi katamëkin upíokin ñu ꞌakëxa. Usakin ꞌaia ꞌën papa ꞌitsaira nuiba ꞌixun kamina aín bakë bëchikë ꞌikë, ax ꞌiásaribiti ꞌapu ꞌinun bërí ꞌë ꞌimian.

Salmos 16:8

ꞌëx kana uínsaranbi ami manutima Diosmi sinanin; usa ꞌain kana axa ꞌë rapasu ꞌikëbëtan, uisa ñu kara ꞌikëbëbi ami katamëti tsóti ëniman.

Salmos 23:1

Diosan ka an ñuina ꞌarakakë unin aín ñuina bërúankësa; usaribi okin ꞌë bërúaia, usa ꞌixun ka uisa ñu kara inutiabi ꞌë ꞌakinia,

Salmos 37:3

Nukën ꞌIbumi katamëkin kamina upí ñuishi ꞌati ꞌain, usai ꞌi kamina ënë menu tsóti Dios kuëënkësabi oi ꞌiti ꞌain.

Éxodo 3:16

Usa ꞌain kamina bënë́kiani kuantankëxun, Israel uni apankama timëtankëxun kai kuanti ꞌain: Nukën ꞌIbu min chaitiokëkaman Dios, ꞌimainun Abraham, Isaac Jacob akaman Dios an ka ꞌëmi chikirakëkin ësokin ꞌë kaxa, ꞌënbi kana Egiptonu ꞌikë unikaman mitsu ꞌatimaira oia isan kixun ka ꞌë kaxa.

Éxodo 4:5

—Ënëx ka a iskian asérabi ka Nukën ꞌIbu mimi chikirakëaxa kixun ꞌunánti ꞌikën, mitsun chaitiokë Abraham, Isaac ꞌimainun Jacob aín Dios ax ka mimi mëraxa kixun ka atun sinánti ꞌikën

Isaías 33:16

akamax ka upitax rakuë́tima tsóti ꞌikën, usai ꞌika ami katamëti achúshi xubu mapara ꞌakë ami katamëanan, aín piti ꞌitsaira ñu ꞌianan, a xëati ꞌumpax ꞌitsairañu ꞌaish ñuñumama ꞌitima ꞌikën.

Lucas 1:6

Zacarías ꞌimainun Elisabet a rabëtax ca Nucën Papa Diosan iscëx aín nuitu upí ꞌiacëxa. Upí ꞌixun ca Nucën ꞌIbu Diosan banacama cuaquin an cacësabi oquin upí oquin ꞌacëxa. Usa ꞌain ca uinu ꞌicë uníxbi a ꞌatimaquin ñui ami manánma ꞌicën.

1 Corintios 10:31

Ënëx ca ësa ꞌicën. Ñu piquin, ñu xëaquin, añu ñu caramina ꞌai, usa ñu ꞌaquin camina Nucën Papa Dios cuëënun a sinánquin ꞌati ꞌain.

2 Corintios 1:12

Cananuna asérabi ꞌunanin, Nucën Papa Diosan ꞌimicëx nun nuitu upí ꞌixun cananuna unicama paránquinma ñu upíshi ꞌa quixun. Unicaman ca usaínu ꞌia nu isaxa. Uni itsían nu iscësamaira oquin camina usaínu ꞌia mitsun nu isacën. Usaquin sinani cananuna cuëëinra cuëënin. Nunbi unin sináncësa oquin sinani cananuna usai ꞌicëma ꞌain. Nucën Papa Diosan nu nuibaquin ꞌaquincëxëshi cananuna usai ꞌian.

Deuteronomio 33:1

Anúan ñuti nëtë ꞌurama ꞌain ka aín uni ꞌiti Diosan kaískë ꞌixun Moisésnën upíokin sinánxunkin Israel unikama

Colosenses 2:6

Usa ꞌain camina ainan ꞌiisa tania Nucën ꞌIbu Jesucristonën mitsu ainan ꞌimicë cupí axa mitsun ꞌibuira ꞌain, upitiira ami catamëti abë ꞌi ax cuëëncësabi oíshi ꞌiti ꞌain.

1 Tesalonicenses 2:12

Mitsúxmi Nucën Papa Dios, axa upíira, ax mitsubë ꞌain, aín nëtë upí anu abë ꞌiti sinani, an sinánmicësabi oíshi aín uni ꞌaish ꞌinun quixun cananuna mitsu upí oquin ꞌësëquin ꞌunánmian.

Hebreos 11:21

Jacobnënribi, —Nucën Papa Diosan ca aín quicësabi oquin ꞌati ꞌicë —quixun ꞌunánquin ca aín bamati sënë́ncëbëtan, xëni ꞌaish, aín tsatimi cëpíxun aín xuta Josénën bëchicë rabë́, —Nucën Papa Diosan ca an ꞌë cacësabi oquin mitsu ꞌaquinti ꞌicë —quixun caquin atu Nucën Papa Dios ñucáxuancëxa.