Génesis 47:30 - Kashibo-Kakataibo Biblia

³⁰ Usa ꞌain kamina ꞌën aintsikama ꞌiásaribiti ñuia kamina Egipto me ënu maínti sinánkima anua ꞌën chaitikama maínkë anuribi uanxun maínti ꞌai kixun ka kakëxa. Kakëxun ka Josénën —Asabika min sinánkësa okin kana ꞌati ꞌain —kixun kakëxa.

Nukën 'Ibu Diosan ain unikama 'inan ain bana

³⁰ Usa 'ain kamina 'ën aintsikama 'iásaribiti ñuia kamina Egipto me ënu maínti sinánkima anua 'ën chaitikama maínkë anuribi uanxun maínti 'ai kixun ka kakëxa. Kakëxun ka Josénën —Asabika min sinánkësa okin kana 'ati 'ain —kixun kakëxa.

Génesis 47:30 ပူးပေါင်းရင်းမြစ်များ

Génesis 15:15

Mix kamina ꞌitsa baritia tsóti kuëënnuxun ꞌain, usai ꞌitankëx kamina xënira ꞌaish ñuti ꞌain, ñutankëx kamina min rara kamabë timë́ti kuanti ꞌain.

Génesis 23:17

Usokin ka Efrónnën me Macpelánu ꞌikë, au bari kuabúkë Mamré kakë anua ꞌikë kini, ꞌimainun kamabi ni a menua ꞌikë akama këñunbi Abraham maruakëxa,

Génesis 23:19

Usokin marutankëxun ka Abrahamnën aín xanu Sara ñukë a Macpelá menu ꞌikë kini anu maíankëxa, au bari urukë Mamré kakë me anu, aín anë itsi ka Hebrón ꞌikëbia, Canaán kakë me anubi ꞌiakëxa.

Génesis 25:10

A mex ka Abrahamnën hitita unikamanan ꞌikëbia marua ꞌiakëxa. A menu ka Abraham ñukë aín xanu Sara rapasubi maíankëxa.

Génesis 25:9

Usa ꞌain ka aín bëchikë Isaac ꞌimainun Ismaelnën Macpelá kakë kini anu maíankëxa, ax ka Mamré kakë me ꞌukëmanan, Sóhar hitita uni aín bëchikë Efrón aín me ꞌiakëxa.

Génesis 35:29

Usa ꞌaish ka Isaac uni ꞌikësabi kaniakëti xënira ꞌaish ñuakëxa, ñukiani ka aín chaitiokëkama ñua ꞌaísh anu bukukë abë ꞌi kuankëxa.

Génesis 50:25

Ësakin kakin ka José aín xukë́n kaman a sinanatëkëntima okin atun kanun kakëxa: Asérabi ka Nukën ꞌIbu Diosan mitsu ꞌakinti ꞌikën. Usa ꞌain kamina mitsun ꞌëx ñuia ënu maínkinma ënua ꞌë buánti ꞌain.

2 Samuel 19:37

Usa ꞌain kana ꞌën mi kain, mix ꞌapu ꞌixun kamina ꞌën ëmanubi ñui kuantanun ꞌë xuti ꞌain, anuax ñuia ka ꞌën papakama anu maían anubi ꞌë mainkanti ꞌikën. ꞌAínbi ka ꞌapu ꞌikë an mi ñu mëëxunti bëtsi uni ënu ꞌikën: ax ka ꞌën bëchikë Quimham ꞌikën, usa ꞌain kamina mix ꞌapu ꞌixun uanxun ꞌë min ꞌaxuansaribi okin mix kuëënkësabi okin ñu min a ꞌaxúnun ꞌamiti ꞌain.

Nehemías 2:3

usai ꞌikin kana ꞌapu ësokin kakën: —¡Mix ꞌapu ꞌaish kamina ꞌitsa baritia buini tsóti ꞌain! ¿Uisa ꞌaish karana ꞌëx ꞌën aintsikama anu maían ëma axa rurupakë ꞌimainun aín xëpútikama axribi në́nkëxa rurukubua ꞌain nitë́xëtima ꞌiti ꞌain?

Nehemías 2:5

ꞌapu kakën: —Mix ꞌapu ꞌikë ꞌën ñu ꞌaxúnkëxun ꞌë upí uni ꞌikë ñu ꞌaxúntisa tankin kamina Judá menu kuantankëxun anua ꞌën aintsikama maínkan ëma ꞌikëbia rurupakin masókan a mëníotëkënuxun istánun ꞌë xuti ꞌain.

Deuteronomio 31:16

Usai nirakëan ka anuxun Nukën ꞌIbun Moisés kakëxa: Ënuax ꞌitsama nëtë ꞌikëbë kamina mix ñuti ꞌain, usaími ꞌikëbëtan ka ënë unikaman ꞌën bana kikësabiokin ꞌakima atúan biti me anu ꞌikë unikaman rabikë dios a rabikin ꞌë rabiti ënkin achúshi ñu ꞌën manutima okin atu ꞌaxunkëkama manukin bëtsi ñu ꞌati ꞌikën.