Génesis 47:23 - Kashibo-Kakataibo Biblia

²³ Usakin ꞌatankëxun ka Josénën anu ꞌikë unikama kakëxa: —Bërí kamina kamabi min me ꞌimainun mikamaxribi ꞌapu faraónan ꞌiti ꞌain, ꞌën kana kamabi a maruxuan usa ꞌain kamina ñu bëru ënë ꞌapáti ꞌain,

Nukën 'Ibu Diosan ain unikama 'inan ain bana

²³ Usakin 'atankëxun ka Josénën anu 'ikë unikama kakëxa: —Bërí kamina kamabi min me 'imainun mikamaxribi 'apu faraónan 'iti 'ain, 'ën kana kamabi a maruxuan usa 'ain kamina ñu bëru ënë 'apáti 'ain,

Génesis 47:23 ပူးပေါင်းရင်းမြစ်များ

Génesis 41:27

Mapai achúshi ꞌimainun rabë́ vaca chumínkë ꞌimainun ꞌatima axa bëtsi kaxú chikíkë ax ka mapai achúshi ꞌimainun rabë́ baritia ꞌikën; usaribi ka mapai achúshi ꞌimainun rabë́ trigo bimi chushikësa ꞌimainun mënukësa amiaxa bari urukë amiax bëkikian suñun xarokë ax ka mapai achúshi ꞌimainun rabë́ baritia a piti ꞌaíma ꞌain numi ꞌiti a ꞌikën.

Génesis 45:6

Bërí ka rabë́ baritia numi ënë menu ꞌinutia, usa ꞌaínbi ka mapai achúshi baritia pain pishianxa, usa ꞌain ka unin ꞌapákëxbi añu ñubi ꞌirutima ꞌikën.

Génesis 47:22

Usakin ꞌakin anu ꞌikë mekama marukinbi ka Josénën sacerdote kaman me a mëëkima ꞌapu faraónën atun piti trigo ꞌitsaira ꞌinánkëxa, ꞌinánkëxun ka a pikin numin ꞌikinma atun me maruti sinánma ꞌikën.

Génesis 47:24

ꞌaínbi kamina faraón ꞌapákëxa tuaia bitankëxun mapai achúshi pisha ꞌinánti ꞌain; ꞌinánkëbëa rabë́ ꞌimainun rabë́ pisha tikikë ax ka ꞌapánan mitsun bëchikëkama ꞌimainun kamabi axa mitsubë tsókë unikamabëtan piti ꞌikën.

Eclesiastés 11:6

Min ñu ënxë ꞌapákin kamina ñantámashi ꞌati ꞌain, ꞌapunkin kamina xupinbukëbëtanribi ꞌapáti ꞌain, ꞌaínbi ka uin kara bari kuabuti ñantabukëbëtan ꞌaia an ka aín ñu bëru ꞌapákin këñuima, usa ꞌaínbi ka uínbi ꞌunanima uinu ꞌikë ax pain kara upiti bimiti ꞌikë, a pain ꞌapákë ax ꞌima kara tsiankin ꞌapákë ax ꞌiti ꞌikën, a pain ꞌapákë an ꞌakëbëtanma kara tsiankin ꞌapákë an upíokin tuati ꞌikën, ꞌakima kara ꞌaisamaira ꞌitánun a rabë́xunbi tuati ꞌikë kixun ka ꞌunanima.

Isaías 55:10

ꞌUí ꞌimainun nibí ax ka naíkamë ꞌëonuax ꞌibútankëx, me chaboima kuarutëkënkima me chabóia, usakin chabókëxa ñu bërukama komainun, a ꞌapátëkënti aín bimi biti axribi koia, komainun ka ꞌapáxun aín bimi piti akamaribi tuaia,

Mateo 24:45

Anun ꞌëx utëcënti nëtë ca ësaribi ꞌiti ꞌicën. Achúshi unin ca aín xubunu ꞌicëcama upí oquin piminun quixun aín ñu mëëmicë unicama achúshi caísaxa. Caísquin ca —an ca asérabi ꞌën cacësabi oquin ꞌati ꞌicë —quixun sinánxa. Sinánquin usoquian ñu ꞌanun quixun catancëx ca bëtsi menu cuanxa.

2 Corintios 9:10

Nucën Papa Dios, an ꞌapáti ñu bëru uni ꞌináncë, an ca ꞌapáxuan aín bimi piti oquin uni ꞌinania. Usaribi oquin ca anun uni itsi ꞌaquinti ñu mitsuribi ꞌinánti ꞌicën, camabi nëtë́nmi anun upí oquin uni ꞌaquinun.