Génesis 47:22 - Kashibo-Kakataibo Biblia

²² Usakin ꞌakin anu ꞌikë mekama marukinbi ka Josénën sacerdote kaman me a mëëkima ꞌapu faraónën atun piti trigo ꞌitsaira ꞌinánkëxa, ꞌinánkëxun ka a pikin numin ꞌikinma atun me maruti sinánma ꞌikën.

Nukën 'Ibu Diosan ain unikama 'inan ain bana

²² Usakin 'akin anu 'ikë mekama marukinbi ka Josénën sacerdote kaman me a mëëkima 'apu faraónën atun piti trigo 'itsaira 'inánkëxa, 'inánkëxun ka a pikin numin 'ikinma atun me maruti sinánma 'ikën.

Génesis 47:22 ပူးပေါင်းရင်းမြစ်များ

Génesis 14:18

ꞌImainun ka bëtsi ꞌapu Melquisedec, kakë ꞌapu Salem ëmanu ꞌikë anribi biakëxa, ax ka sacerdote Nukën ꞌIbu Dios an kamabi ñu unio kushiira naí manámi ꞌikë aín uni ꞌiakëxa, an ka pán këñun vino ꞌinánkin.

Génesis 41:45

Usa ꞌain ka ꞌapu faraónën bëtsiokin anëkin José egipcionu ꞌikë anën anëakëxa Safenat-panéah kakin anëtankëxun, ka Asenat akëñun ꞌain xanu ꞌiti birakamiakëxa, ax ka Potifera kakë Sacerdotenën bëchikë xanu ꞌiakëxa, ax ka On kakë ëma anu tsókë uni ꞌiakëxa, usakian ꞌakëx ka José Egipto menu ꞌapu ꞌiakëxa.

Génesis 41:50

Usa ꞌain ka anúan ñu ꞌapákëxbi kootima baritia ꞌisamapain ꞌain Josénën aín xanu Asenat kakë ami rabë́okin bëchikë ꞌiakëxa.

Génesis 47:21

ꞌimainun ka Egiptonu ꞌikë unikamax Josénën tëmëramikin ñu mëmikë kamabi Egipto menu ꞌikë unikama ꞌiakëxa.

Génesis 47:23

Usakin ꞌatankëxun ka Josénën anu ꞌikë unikama kakëxa: —Bërí kamina kamabi min me ꞌimainun mikamaxribi ꞌapu faraónan ꞌiti ꞌain, ꞌën kana kamabi a maruxuan usa ꞌain kamina ñu bëru ënë ꞌapáti ꞌain,

Génesis 47:26

Usa ꞌain ka Josénën amiribishi a tanti bana Egipto menu ꞌatëkëankëxa, a banax ka ꞌapu faraón mapai achúshi pisha ꞌinánti kikë ꞌiakëxa. Ënë bana ka bëríbi anu ꞌikën; ꞌaínbi ka sacerdote unikama atun me kupín kupíotima ꞌiakëxa, atun me uínsaranbi ꞌapu faraónan biama ꞌikën.

Esdras 7:24

ꞌImainun ka ënëribi ꞌunánkanti ꞌikën, uisaxunbi ka sacerdote, Levitas ꞌimainun axa kantati ꞌunánkë unikama ꞌianan, an xëkuë bërúankë a ꞌimainun an anuxun Dios rabiti xubunuxun ñu mëëkë unikama atúxribi ka kupíonun kixun ꞌapun kakë ꞌitima ꞌikën.

Mateo 10:10

Camina burasa ió anun min ñu buánti bitima ꞌain. Camina rabë́ tari ꞌimainun bëtsi taxaca ꞌimainun min tsati buántima ꞌain. An unicama ꞌaquincë uni a ca a ꞌaquincë unin aín piti ꞌimainun aín cuëëncë ñu ꞌinánti ꞌicën. Usa ꞌain camina ñu buanima usashi cuanti ꞌain.

1 Corintios 9:13

Camina ꞌunanin, Nucën Papa Diosan mëníosabi oquin ca anuxun a rabiti xubunuxun an ñu ꞌacë unicama ꞌimainun sacerdotecamanribi Nucën Papa Dios rabiquin ꞌacë ñuina aín nami paná piia.

Gálatas 6:6

An Nucën Papa Diosan bana ꞌunánmicë uni a ca a ꞌunánmicë unin cupíoquin uisa ñuñu cara, a mësú ꞌinánti ꞌicën.

Deuteronomio 12:19

ꞌIanan kamina a menu tsókin mitsun aintsi levita unikama uínsaranbi manutima ꞌain.

2 Tesalonicenses 3:10

Mitsubë ꞌixun cananuna ësoquin mitsu can, an ñu mëëtisama tancë uni an ca pitima ꞌicë quixun.

1 Timoteo 5:17

Aín cushían upí oquin ꞌaquincëxun ca axa Jesucristomi catamëcë unicaman ami sinánquin nuibaquin aín bana cuati ꞌicën. Usa ꞌixun ca bëtsi ꞌacësamaira oquin an bana ñuixuanan upí oquin ꞌunánmicë, ami sinánquin nuibanan upíira oquin aín bana cuati ꞌicën.