Génesis 46:34 - Kashibo-Kakataibo Biblia

³⁴ mitsun kati ꞌain, nun ñu mëëti ka ovejakama ꞌarakati ꞌimainun vaca ꞌarakati ꞌikën nun, chaitiokë kaman ꞌasaribiokin. Usakinmi kakëxun ka Gosen kakë me ënë anumi ꞌinun mitsu ꞌinánti ꞌikën, egipcio unikamax ka an oveja bërúankë uni ꞌimainun an vaca bërúankë unikamabë timë́ax ꞌiti kuëënma unibu ꞌikën.

Nukën 'Ibu Diosan ain unikama 'inan ain bana

³⁴ mitsun kati 'ain, nun ñu mëëti ka ovejakama 'arakati 'imainun vaca 'arakati 'ikën nun, chaitiokë kaman 'asaribiokin. Usakinmi kakëxun ka Gosen kakë me ënë anumi 'inun mitsu 'inánti 'ikën, egipcio unikamax ka an oveja bërúankë uni 'imainun an vaca bërúankë unikamabë timë́ax 'iti kuëënma unibu 'ikën.

Génesis 46:34 ပူးပေါင်းရင်းမြစ်များ

Génesis 13:7

an Abramnën vacakama bërúankë unikamabë Lotnën vaca an bërúankë unikama nishanani ubionankëxa. Usa ꞌain ka a nëtëkaman, cananeo ꞌimainun ferezeo unikamax pain anu tsókë ꞌiakëxa.

Génesis 13:8

Usa ꞌain ka Abramnën achúshi nëtën aín xukë́nan bëchikë Lot ësokin kakëxa: Mix kamina ꞌën ꞌaintsi ꞌibu ꞌain, usa ꞌain kananuna nu rabë́ upiti nuibananti ꞌain, usaribiti ka an nun ñuina bërúankë unikama nishananima nuibananti ꞌikën.

Génesis 26:20

Usakin ꞌumpax atun pain mërakë ꞌaínbi ka filisteo unikaman ꞌarakakë ñuina an bërúankë unikama, Guerar kakë me sapan anuax ainan isa ꞌumpax ꞌikë kiax Isaacnën ñuina an bërúankë unikamabë a ꞌumpaxan rabanan mëanani abë nishanankëxa. Usaia anun rabanan mëëanankë ka Isaacnën a ꞌumpax. “Anuax mëëanankë kakin anëakëxa.”

Génesis 30:35

Usokin katankëxun ka Labánën a nëtënbi aín ñuinakama amo sëtë́nakin chibu aín bënë shióshio ꞌimainun tsákatsaka, ꞌimainun kamabi cabra tsákatsaka ꞌaish uxun pukukësa akama këñunbi, kamabi oveja tunan akamabi amo sëtënaxun aín, bëchikëkaman bërúanun kixun ꞌinánkëxa.

Génesis 34:5

Usokian ꞌakë ka Jacobnën aín bëchikë Dina Siquemnën nënën mëëkë ꞌikë ꞌunánkëxa, ꞌaínbi ka aín bëchikë nukëbënëkama aín ñuina bërúaia kuankëkama ax pain rikuatsintanun kixun kaíankëxa, kainkin ka uisokinbi kamapan ꞌikën.

Génesis 37:12

Achúshi nëtën ka Josénën xukë́nkama Siquem kakë menu kuankëxa, aín papan ꞌarakakë ovejakama ꞌimainun cabrakama pimiti pasto bari.

Génesis 37:2

Ënëx ka usaía Jacobnën ꞌaintsikama ꞌia ñuikë bana ꞌikën. Usa ꞌain ka José ax bëná ꞌaish diecisiete baritiañu ꞌixun, ꞌain papan ꞌarakakë ovejakama ain xukë́antu, Bilhá ꞌimainun Zilpá an ñu ꞌaxunkë xanumia aín papan bëchia akamabëtan bërúankëxa. Usa ꞌain ka Josénën ami nishkian aín xukë́nkama ꞌatima okëxun ꞌunáni aín papami manankëxa.

Génesis 43:32

Usa ꞌain ka an kakësabiokin an ñu ꞌaxunkë unikaman José axa ꞌapu ꞌikë abiribi mesanu aín piti nanxuanan aín xukë́nkama aribi bëtsi mesanu nanxuankëxa, nanxuanan ka an ñu ꞌaxunkë egipcio unikama aribi bëtsi mesanu nanxuankëxa atun ka hebreo unikamabëtan mëskuxun piama ꞌikën.

Génesis 45:10

Usa ꞌain kamina min bakë bëchikëkama ꞌimainun min babakamaribi bëanan min ñuinakama bëti ꞌain, bëia kana anumi mikamax tsónun Gosen kakë me a mitsu ꞌinánti ꞌain. Usa ꞌaish kamina ꞌë ꞌurama ꞌiti ꞌain.

Génesis 45:18

anu kuantakëxun ka aín papa ꞌimainun aín aintsi ꞌibukama ꞌë bëxúnti ꞌikën. Bëxunkëxun kana ꞌën anua ꞌinun Egipto me upíira anu ñu ꞌapákëa upiti ꞌirukë a ꞌinánti ꞌain, usa ꞌain ka ënë me ꞌën kaísun ꞌinánkë ënu ꞌirukë ꞌupíira a pi tsóti ꞌikën.

Génesis 46:32

ꞌimainun ka bëaxa aín ovejakama aín vaca kamabi atun ꞌarakakë ñuinakama, usa ꞌain ka atux oveja bërúanan vaca ꞌarakai anun tëkë unibu ꞌikën.

Génesis 47:11

Usa ꞌain ka Josénën ꞌapu faraónëan kásabiokin aín papa ꞌimainun aín xukë́n apankama anua ꞌinun Gosen kakë ꞌikëbi Ramsés kakinribi anëkë me upíira a ꞌinánkëxa. Anua aín aintsikamabëbi tsónun ꞌinánkë Egiptonu ꞌikë me ax ka upíira ꞌiakëxa.

Génesis 47:3

Usa ꞌain ka ꞌapu faraónën Josénën xukë́nkama ñukákin kakëxa: —¿Añunën kaina mitsux tëin? Kixun ñukákëxun atun kakëxa: —An ꞌapu ꞌikë mi ñu mëëxunti nukaman kananuna nun chaitiokëkaman ꞌasaribiokin ovejakama bërúain.

Génesis 47:4

Nukamax kananuna ënë menu tsóti uan, anu nux ꞌikë Canaán me anu ka ꞌitsaira numi ꞌianan a piti ñu ꞌaíma ꞌimainun nun ñuinakama pimiti pasto ꞌaíma ꞌikën. Usa ꞌain kamina an mi ñu mëëxunti nukama ënë menu ꞌapu ꞌixun nukamaxnu anu tsónun Gosen kakë me a nu ꞌinánti ꞌain.

Génesis 47:6

Usa ꞌain ka Egipto me ënëx bërí atunan ꞌiti ꞌikën. Usa ꞌain kamina Gosen kakë me a atu ꞌinánti ꞌain, ax ka upíira me ënë menu ꞌikën, usa ꞌain ka anu tsóti atux bërúti ꞌikën. ꞌImainun kamina achúshi an ñuina ꞌarakati ꞌunánkë uni ꞌën vacakama bërúanun nanti ꞌain.

Éxodo 8:22

ꞌAínbi ka anua ꞌën uni Israelkama ꞌikë Gosen kakë me anu añu ñubi ꞌaíma ꞌiti ꞌikën. Usa ꞌain ka anu achúshi chipërabi ꞌaíma ꞌiti ꞌikën. Usaia ꞌikëbëtan kamina ꞌunánti ꞌain ꞌëx kana asérabi min ꞌIbu kushiira ënë menu ꞌai kixun.

Éxodo 8:26

Ësai kia kuakin ka Moisésnën kakëxa: —Usakin nun ꞌakëxbi ka upí ꞌitima ꞌikën, nun Dios rabikinu nun ꞌakë ñuinakama ax egipcio unikaman iskëx upíira ꞌiti ꞌikën. Usakinnu nun atun rabikë ñuina xaroia iskin ka egipcio unikaman, nukama ꞌën sinánkëxun maxaxan rëti ꞌikën.