Génesis 46:26 - Kashibo-Kakataibo Biblia

²⁶ Ënë unikamax ka Jacobë Egipto menu kuankëxa, usa ꞌaish ka aín aintsi ꞌibukamaishi sesenta ꞌimainun seis uni ꞌiakëxa, usa ꞌain ka ꞌain bëchikënën xanukama ax tupunkëma ꞌiakëxa.

Nukën 'Ibu Diosan ain unikama 'inan ain bana

²⁶ Ënë unikamax ka Jacobë Egipto menu kuankëxa, usa 'aish ka aín aintsi 'ibukamaishi sesenta 'imainun seis uni 'iakëxa, usa 'ain ka 'ain bëchikënën xanukama ax tupunkëma 'iakëxa.

Génesis 46:26 ပူးပေါင်းရင်းမြစ်များ

Génesis 34:30

Usokin ꞌabiani kuania ka aín papa Jacobnën Simeón ꞌimainun Leví kakëxa: —Mitsun mi usa ñu ꞌakë kupín kana ꞌëx ꞌaisama bërútin. Bërí ka ënë menu tsókë unikamax ꞌëmi nishti ꞌikën, ax ka cananeo ꞌimainun ferezeos unikamax timë́ax kananxun nu ꞌakánti ꞌikën, nux kananuna ꞌitsamashi nun aintsikamabëbi ꞌain.

Génesis 35:11

anëkin ka ësokin kakëxa: ꞌËx kana Dios kamabi kushiñuira a ꞌain; usa ꞌain kamina bëchipati mebi tsitsirui ꞌuakamë ꞌëoi bukuti ꞌain, min rëbúnkikamaribi ka bëtsi bëtsi ëma ꞌai aín ꞌapuñu ꞌapuñu bukuti ꞌikën.

Éxodo 1:1

Ënëx ka Israel unibunën anë axa Jacobë Egipto menu bëba akama ꞌikën, a unikamax ka achúshi achúshinëx aín aintsikama ꞌimainun aín xanu, aín bëchikë kamabëbi kuankëxa:

Éxodo 1:5

Usa ꞌain ka Jacobnën rëbúnkikamax tupúnkëx setenta uni ꞌiakëxa. Ax pain kuan ꞌaish Josénëx Egipto menu tsótan.

Hechos 7:14

Atubë banaquin ca Josénën aín xucë́antu cacëxa, aín aintsi ꞌibucamacëñuan aín papa Egiptonu bënun quixun. Aín aintsi ꞌibucamax ca setenta y cinco ꞌiacëxa.

Deuteronomio 10:22

Usa ꞌain ka mitsun chaitiokëkama Egipto menu bëbakë atux setenta unishi ꞌiakëxa, ꞌaínbi ka bërí Nukën ꞌIbu Diosan atúxa ꞌuakamë ꞌëonun ꞌimikin ꞌispa naínua imë́ iskësaira ꞌinun ꞌimiakëxa kixun ka Moisésnën kakëxa.