Génesis 45:20 - Kashibo-Kakataibo Biblia

²⁰ ꞌianan ka añu ñuñu kara bërí ꞌikë ami sinanimaishi uti ꞌikën, Egipto me ënua ꞌikë ñu upíirabu ax ka atunan ꞌiti ꞌikën.

Nukën 'Ibu Diosan ain unikama 'inan ain bana

²⁰ 'ianan ka añu ñuñu kara bërí 'ikë ami sinanimaishi uti 'ikën, Egipto me ënua 'ikë ñu upíirabu ax ka atunan 'iti 'ikën.

Génesis 45:20 ပူးပေါင်းရင်းမြစ်များ

Génesis 20:15

ꞌinánkin ka kakëxa: —Kamina isti ꞌain, ënëx ka ꞌën me ꞌikën; usa ꞌain kamina uinu kaina ꞌisatanin me baritankëx anu tsóti ꞌain.

Génesis 45:18

anu kuantakëxun ka aín papa ꞌimainun aín aintsi ꞌibukama ꞌë bëxúnti ꞌikën. Bëxunkëxun kana ꞌën anua ꞌinun Egipto me upíira anu ñu ꞌapákëa upiti ꞌirukë a ꞌinánti ꞌain, usa ꞌain ka ënë me ꞌën kaísun ꞌinánkë ënu ꞌirukë ꞌupíira a pi tsóti ꞌikën.

Génesis 45:19

ꞌImainun kamina kati ꞌain, Egipto me ënua, ka carretakama buánti ꞌikën, anúan aín xanu ꞌimainun atun bëchikëkama, ꞌimainun anun min paparibi bëti. Atux ka uti ꞌikën,

Génesis 45:21

Usakian faraónën kakëxun ka Jacobnën bëchikë. Josénën faraónën kakësabiokin aín unikaman carretakama ꞌinánun kanan, kuankian bainuxun pibianti aribi ꞌinánun kakëxa;

Génesis 47:6

Usa ꞌain ka Egipto me ënëx bërí atunan ꞌiti ꞌikën. Usa ꞌain kamina Gosen kakë me a atu ꞌinánti ꞌain, ax ka upíira me ënë menu ꞌikën, usa ꞌain ka anu tsóti atux bërúti ꞌikën. ꞌImainun kamina achúshi an ñuina ꞌarakati ꞌunánkë uni ꞌën vacakama bërúanun nanti ꞌain.

Isaías 1:19

Mitsun ꞌën bana kikësabiokin ꞌati kuëënkin ꞌën bana tankin, kamina menu ꞌapákëxua upíokin tuaia ꞌain bimi bixun piti ꞌain;

Mateo 24:17

Aín xubu ëman ꞌicë unicamaxribi ca abánuxun, aín ñu pain bitsi aín xubunu atsíntëcënima ashiti cuanti ꞌicën.

Lucas 17:31

A nëtë ꞌicëbë ca axa aín xubu ëman tsócë unicamax aín ñucama aín xubunu ꞌaínbi a bitsi cuantëcëntima ꞌicën. Aín naënuxuan ñu mëëcë unicamaxribi ca aín xubunu cuantëcëntima ꞌicën.

Deuteronomio 19:21

Usa ꞌain kamina uin kara bëtsi uni ꞌaia a nuibakinma ꞌaxun rankanti ꞌain, uin kara bëtsi unin bëru ꞌatima oia ax ka usaribi okin ain bëru ꞌatima okë ꞌiti ꞌikën. ꞌImainun ka uin kara bëtsi unin xëta ꞌatima oia aín xëtaribi ꞌatima okë ꞌiti ꞌikën, ꞌanan ka uin kara bëtsi unin mëkën ꞌatima onan aín taëribi ꞌatima oia a uninanribi ka bëtsi unin aribi ꞌakë ꞌiti ꞌikën kixun ka Moisésnën kakëxa.

Deuteronomio 7:16

Usa ꞌain kamina mitsun bëtsi menu ꞌikë unikama Diosan ꞌanun ꞌamikëxun ꞌakin; nuibakinma këñuanan atún diosmabi rabikë a rabitima ꞌain, usakin ꞌakin a rabi kamina mitsúxbi këñuti ꞌain.

1 Samuel 10:22

mëraima ka atux amiribishi Nukën ꞌIbubë banatëkëánkëxa, anu kara Saúl ꞌikë ꞌunánkatsi kiax. Ñukákëxunbi ka Nukën ꞌIbun kakëxa Saúl ka ënu ꞌiaxa, ꞌaínbi ka anu chupa ꞌarukë ñu bukunkëmi unëaxa kixun ka kakëxa.