Génesis 45:16 - Kashibo-Kakataibo Biblia

¹⁶ Usai ꞌikë ka faraón ꞌimainun aín unikaman aín xubunu ꞌixunbi ñuikania kuakëxa, kuati ka Josénën xukë́nkama kara ënë menu bëbaxa kixun sinani kuëënkankëxa.

Nukën 'Ibu Diosan ain unikama 'inan ain bana

¹⁶ Usai 'ikë ka faraón 'imainun aín unikaman aín xubunu 'ixunbi ñuikania kuakëxa, kuati ka Josénën xukë́nkama kara ënë menu bëbaxa kixun sinani kuëënkankëxa.

Génesis 45:16 ပူးပေါင်းရင်းမြစ်များ

Génesis 16:6

Kia ka Abramnën kakëxa: —Ka kuat, an mi ñu ꞌaxunkë xanu ax ka min mëkënu ꞌikën; usa ꞌain kamina uisakin karamina ꞌaisatani usokin min ꞌati ꞌain. Usakian kakëxun ka Sarainën amixuamati nishkin an ñu ꞌaxunkë xanu Agar ꞌitsaira ꞌatimokëxa, ꞌatimokëx ka Agar abákëxa.

Génesis 20:15

ꞌinánkin ka kakëxa: —Kamina isti ꞌain, ënëx ka ꞌën me ꞌikën; usa ꞌain kamina uinu kaina ꞌisatanin me baritankëx anu tsóti ꞌain.

Génesis 34:18

Usokian kakëxun ka Hamor ꞌimainun aín bëchikë Siquemnën asabika kixun kakëxa.

Génesis 41:33

Usa ꞌain sapi kamina ꞌën sinánkëxun basikinmaishi uni achúshi sinánñuira ꞌimainun an ñu ꞌunánkë, an ënë Egipto menu ꞌikë unikama an bërúankin isti anëti ꞌain.

Génesis 41:37

Usakian Josénën kakë ax ka ꞌapu faraón ꞌimainun aín unikamanan upí bana ꞌiakëxa,

Génesis 45:15

Usai Benjamínbë ꞌitankëx sënë́nkin ka Josénën aín xukë́n apankamaribi bëtsukukakin bitsi intëkëankëxa, ësai pain ꞌitankëxun ka aín xukë́nkama abë rakuë́timaishi banakëxa.

Génesis 45:17

Usaia ꞌikë kuaxun ka faraónën José kakëxa: —Min xukë́nkama kamina aín, ñuinanu purubianti trigokama ꞌinánti ꞌain, ꞌinántankëxun kamina anuaxa ukë Canaán menu kuantëkëntanun xuti ꞌain,

Hechos 6:5

Ësoquian cacëx ca camáxbi cuëëni —cananuna caísti ꞌai —quiax canancëxa. Canantancëxun ca Esteban, Nucën Papa Diosmi catamëcë ꞌicëa aín Bëru Ñumshin Upitan sinánmicë, acëñun Felipe, Prócoro, Nicanor, Timón, Parmenas, ꞌimainun Nicolás, Antioquíanu ꞌicë uni ꞌixunbia an judíos unicamabëtan Nucën Papa Diosan bana ꞌunáncë, acama caísacëxa.

Hechos 7:13

Xucëxun bitsínquin bëxun trigo ancëax ca amiribishi bitëcëni Egiptonu cuantëcëancëxa. Cuanx bëbaia ca Josénën aín xucë́antu isquin, ꞌëx cana mitsun xucë́n ꞌai quixun cacëxa. Usa ꞌain ca acama isquin Egiptonu ꞌicë ꞌapu, Faraónën, Josénën aintsicama ënëx ca judíos uni ꞌicë quixun ꞌunáncëxa.