Génesis 44:31 - Kashibo-Kakataibo Biblia

³¹ nun papa a istëkënima masá nuituti bëunan mëskukënënbi bamati ꞌikën. Usa ꞌain kananuna nukamax nun papa kaniakëkë ꞌaish aín nitë́xëkëinshi bamakëbë ꞌuchokë ꞌiti ꞌain.

Nukën 'Ibu Diosan ain unikama 'inan ain bana

³¹ nun papa a istëkënima masá nuituti bëunan mëskukënënbi bamati 'ikën. Usa 'ain kananuna nukamax nun papa kaniakëkë 'aish aín nitë́xëkëinshi bamakëbë 'uchokë 'iti 'ain.

Génesis 44:31 ပူးပေါင်းရင်းမြစ်များ

Génesis 37:35

Usaia aín papa uínbi manumisamai nitë́xëkëbëtan ka aín bëchikë xanu ꞌimainun nukëbënë kaman uisoxun karana aín masá nuitukë a manumiti ꞌain kixun sinánkëxa, ꞌaínbi ka an usokin kuëënmiti kuëëanma ꞌikën; kuëënima ka aín bëchikënën rabanan ꞌitsaira ini kiakëxa: ꞌËn sinánkë ënë nëtënux karana ꞌëxribi ꞌën bëchikë ꞌikësaribiti ñutima ꞌain, ñutankëx kana anua uni ñukë ꞌikë anuax ꞌëx abë mërananti ꞌain.

Génesis 42:38

Usai kiabi ka Jacobnën aín bëchikë kakëxa: —ꞌËn bëchikë aín ꞌanáka ënë ꞌikëbi kana mitsukëñun xutima. Aín xukë́n José ka ñuakëxa usa ꞌain ka aratsushi tikiaxa. Mitsubë kuania ñu ꞌaisama inuti ñuanan ꞌikëbë kaina uisai ꞌiti ꞌain, mitsux kamina ꞌuchakë ꞌiti ꞌain ꞌëx kaniakëkë ꞌaish ꞌitsaira masá nuituti ñukëbë.

Génesis 44:29

Usa ꞌain ka bërími ubankëxa aín xukë́n ꞌiásaribiti ñu ꞌaisama inuti nëtë́këbë kamina mi kamáxbi ꞌuchokë ꞌiti ꞌain, ꞌën sinanëinshi ꞌaisamaira masá sinani bamakëbë.

2 Corintios 7:10

Aín ꞌuchacama cupí masá nuitutancëxa uni sinanati ca Nucën Papa Dios cuëënia. Sinanatancëx ca aín ꞌucha tërë́ncë ꞌaish Nucën Papa Diosnan ꞌinux ië́cë ꞌia. Usai ꞌitancëx cuëënquin ca —ꞌëx ꞌën ꞌuchacama sinani pan masá nuituti ca asábi ꞌiaxa —quixun sinánti ꞌicën. Usa ꞌaínbi ca uni raíri aín ñu ꞌatima ꞌacë cupí masá nuituquinbi acama ëni ami sinanacëma ꞌaish Nucën Papa Diosnan ꞌima.

1 Tesalonicenses 4:13

Nucën xucë́antu, bamacë unicamax cara uisai ꞌiti ꞌicë quixun ꞌunáncëma mitsux ꞌiti cananuna cuëëniman, an ënë ñu ꞌunáncëma unicamaxa aín aintsi bamacëbë ꞌicësaribitími mitsux ꞌaisamaira masá nuitutima cupí.