Génesis 43:9 - Kashibo-Kakataibo Biblia

⁹ ꞌËn kana a tuá bërúanti ꞌain; ꞌë kamina axa uisai kara ꞌikëbëtan kati ꞌain. ꞌËn a tuá bëtëkënima kana anun tsókë nëtëkaman ꞌëx min ꞌuchokë ꞌiti ꞌain.

Nukën 'Ibu Diosan ain unikama 'inan ain bana

⁹ 'Ën kana a tuá bërúanti 'ain; 'ë kamina axa uisai kara 'ikëbëtan kati 'ain. 'Ën a tuá bëtëkënima kana anun tsókë nëtëkaman 'ëx min 'uchokë 'iti 'ain.

Génesis 43:9 ပူးပေါင်းရင်းမြစ်များ

Génesis 31:39

usa ꞌixun kana ꞌën min ñuina ꞌarakakëkama axa pianankë ñuinakaman pinuxun rëtëkë uisaxunbi mi bëxunkëma ꞌain, usa ꞌixun kana ꞌën a kupín mi kupíokë ꞌitsían; nëtë ꞌimainun imë́bia ñuinanën min ñuina ꞌarakakë nëtënkë ꞌain min ꞌë kakëxun mi kupíokë ꞌitsían.

Génesis 42:37

Usaia kia ka Rubénnën aín papa kakëxa: —ꞌËn bërúanun kamina Benjamín ꞌën mëkënu ënti ꞌain usa ꞌain kana ꞌënbi mi bëxuntëkënti ꞌain. Bëxunkëxuma kamina, ꞌën bëchikë rabë́ ënë ꞌati ꞌain.

Génesis 43:10

Ënuax ꞌitsaira banai panatima kuanx kuni kananuna rabëti kuantankëx ukë ꞌitsían.

Génesis 9:5

ꞌËn kana uni achúshi achúshi ꞌimainun ñuinaribi mitsu achúshi achúshinën imi kupí uisakin kara mitsu ꞌaxa a ñukáti ꞌain. ꞌAnan kana achúshi achúshi uni uisa kara bëtsi oxa aribi usokinbi ꞌati ꞌain.

1 Reyes 1:21

Usa ꞌaínbi ka, mixmi ꞌën bëchikë Salomónnëx ka ꞌapu ꞌiti ꞌikë kiaxmabi, ñukëbëtan ka Adoníasnën ꞌë këñunbi ꞌën tuá Salomón ꞌamiti ꞌikën.

Ezequiel 3:18

ꞌËx kana uni ꞌuchañukamax ka aín ꞌatima ñu ꞌakë anubi bamati ꞌikë kiax kiti ꞌain; usa ꞌaínbi min a uni ꞌatima sinánñukama aín ñu ꞌatima ꞌakëkama ëntankëxua ñu upí ꞌanun kakëma ꞌain ka ain ꞌucha kupíbi bamati ꞌikën, ꞌaínbi kana ꞌë mi aín bamakë kupí uisa kupí kara ax bamaxa kixun ñukáti ꞌain.

Ezequiel 3:20

ꞌAínbi ka uni upí achúshinën an ñu upí akë a ënkin ñu ꞌatima ꞌati ꞌikën, ꞌakë kana ꞌën anúan bamati ñu ꞌinánti ꞌain, usakin ꞌakëbi min kakëma bamakë ax ka min ꞌucha ꞌiti ꞌikën. Usai ꞌikëbëtanbi kana ꞌën an ka ñu upí ꞌakëxa kixun sinántima ꞌain, ax ka aín ꞌuchakënënbi bamati ꞌikën, ꞌaínbi kana ꞌën mi aín bamakë kupí uisa kupí kara bamaxa kixun ñukáti ꞌain.

Ezequiel 33:6

ꞌAínbi ka an bërúanti nankë uni an axa atumi nishkë unikaman suntáru bëbaia iskinbi, unia mëníokatanun aín manë banañu banokëma ꞌain ka axa ami nishkë unikama atumi bëbarukin bëtsi unibi ꞌati ꞌikën, ꞌakëx bamakë ax ka aín ꞌuchabi ꞌiti ꞌikën, ꞌaínbi kana an bërúankë uni a ñukë ꞌain, uisa kupín kara a uni ñuaxa kixun ñukáti ꞌain.

Ezequiel 33:8

ꞌËx kana uni ꞌatima sinánñu achúshi ka bamati ꞌikë kiax kiti ꞌain; ax ka asábi ꞌikën, usa ꞌaínbi kamina min abë banakin aín tsóti mëníokanun kati ꞌain, usakin kakëxubi ka a unin min kakë bana kuatima ꞌikën, usai ꞌika a uni aín ꞌuchakë anunbi bamati ꞌikën, usa ꞌaínbi kana ꞌën mi a uni bamakëbëtan uisa kupí kara a uni bamaxa kixun mi ñukáti ꞌain.

Lucas 11:50

Usoquin ꞌati ca ënë nëtënua bërí bucucë unicamax ꞌicën. Usa ꞌixun camina mitsun raracaman ꞌásaribi oquin ꞌain.

Hebreos 7:22

Usa ꞌain ca an Moisésnën cuënëo bana cuacë uni ꞌiásamaira oi an Jesús ñuicë bana cuacë uni Nucën Papa Diosan iscëx upí ꞌia.