Génesis 43:30 - Kashibo-Kakataibo Biblia

³⁰ ka José aín xukë́n isi ꞌitsaira kuëënibi aín inkë urukëbë tënëtisamaira tani. Bënëtishi abákiani kuanx anua ꞌikë anu atsíanx iankëxa.

Nukën 'Ibu Diosan ain unikama 'inan ain bana

³⁰ ka José aín xukë́n isi 'itsaira kuëënibi aín inkë urukëbë tënëtisamaira tani. Bënëtishi abákiani kuanx anua 'ikë anu atsíanx iankëxa.

Génesis 43:30 ပူးပေါင်းရင်းမြစ်များ

Génesis 42:24

Usakin aín xukë́nkama kaíbi atúxa usai kia kuati masá nuituti uri kuanx ka José iankëxa. Usai inkuatsini anua atux ꞌikë anu utëkënkin ka atu kakin, amo nitsinakin Simeón atun ismainunbi nëamiakëxa.

Génesis 45:2

Usakin kaibia munuma kuënkëni inkë a ka egipcio unikaman kuakëxa, kuaxun chaniokin ñuia ka faraónnënribi anua ꞌikë aín xubunuxunbi kuakëxa.

Génesis 46:29

usakin kamikëxun ka Josénën aín carreta anúan aín papa bëñakin bitsi kuanun mëníonun ꞌamiakëxa. ꞌAmibiani ka aín papa bitsi axribi kuankëxa, kuanxun ka aín papa ꞌikúkin tëpatsakin bitsi anuax basipain iankëxa.

1 Reyes 3:26

ꞌUsakin ꞌanun ꞌapu kikëbë ka tuá ñukëma aín tita ax, ꞌitsaira ratuti ꞌapu kai kiakëxa: —¡Mix ꞌapu ꞌixun kamina ñukëma tuá a min suntárunën usakin ꞌanun ꞌamitima ꞌain! ¡Ënë xanu kamina tuá ënë ꞌinánti ꞌain! Kiax xanuitsi ax kikëbëbi ka bëtsíxribi ꞌapu kai kiakëxa: —Tuá ënëx ka ꞌënan ꞌianan minanribi ꞌitima ꞌikën. ¡Usa ꞌain ka nëbë́tsi tuurabë́ okë ꞌiti ꞌikën!

Jeremías 31:20

Efraínnu ꞌikë unikama ax ka, ꞌëx amira sinánkë bakë bëchikë usaribi ꞌikën; usa ꞌaish ka ax ꞌën kuëëinrakë ꞌën bakë bëchikë ꞌikën. Usa ꞌikë kana ñu ꞌatima ꞌaia usakin kamina ꞌatima ꞌai kixun kan, ꞌaínbi kana ami manukima usakin kamina ꞌatima ꞌain kixun kain; usa ꞌain kana ꞌën nuitunën upitani kuëënkin, atu ꞌitsaira nuibatin. ꞌËx min ꞌIbu ꞌaish kana asérabi ësai kin.

Oseas 11:8

“¿Uisa ꞌixun karana ꞌën Efraín ënti ꞌain? ¿Uisa ꞌaish karana ꞌëx Israel unikamami manuti ꞌain? ¿Admá kakë ëma ꞌásaribiokin karana mi masókin ꞌati ꞌain, ꞌanan karana mi Seboím ꞌasaribiokin ꞌati ꞌain? ¡ꞌËn mitsumi ꞌitsaira sinánkë an ka ꞌitsaira mitsu nuibanun ꞌë ꞌimia!

Hechos 20:19

ꞌËx mitsubë ꞌixun cana mitsúnmi ꞌë rabiti sinánquinma axa cuëëncësabi oi ꞌiquin Nucën ꞌIbu Jesucristo ñuiquin uni bana ñuixuan. Usoquin ꞌai cana bëunan mëscúanan judíos unicaman ꞌë bëtsi bëtsi ocëx ꞌaisamaira tëmëran.

Hechos 20:31

Usa ꞌain camina unin paráncëma ꞌinuxun upí oquin sináinrati ꞌain. Camina sinánti ꞌain, rabë́ ꞌimainun achúshi barin cana ñantánbi nëtë́nbi nëtë́quinma bëunan mëscúquin mitsu ꞌësëan.

Hechos 20:37

Banai sënënia ca —ꞌë camina istëcënuxunma ꞌai —quia oi camáxbi masá nuituti abë ꞌicúcanani bëunan mëscúquin bërúanxa cuanun caquin manë nuntinu ꞌirumiquin Pablo buáncëxa.

Filipenses 1:8

Nucën Papa Diosan ca ꞌunania, Jesucristonëan unicama nuibacësaribi oquin cana ꞌën mitsu nuibaquin ꞌaisamaira sinani quixun.

Filipenses 2:1

Mitsux an ꞌaquincëx Cristomi cushianan an nuibacëx cuëëni, Nucën Papa Diosan Bëru Ñunshin Upíñu ꞌianan ꞌë nuibacë ꞌaish,

Colosenses 3:12

ꞌItsaira nuibaquin ca Nucën Papa Diosan ainan ꞌaish an iscëx upí ꞌinun mitsu caísacëxa. Usa ꞌixun camina mitsúnribi bëtsi uni nuibaquin upíoti ꞌain. Usoquin ꞌanan camina —ꞌëx cana bëtsi unisamaira ꞌaish upí ꞌai —quixun sinántima ꞌain, masáquin sinani camina bënëtishi unimi nishtima ꞌain.

2 Timoteo 1:4

Mixmi bëunan mëscúcë aribi manucëma ꞌixun cana chuámarua tani cuëëinra cuëënuxun mi istëcëinsa tanin.

1 Juan 3:17

¿Usa ꞌain cara an ñuñu ꞌixunbi axa ꞌaquinsa ꞌicë isquinbi uni itsi nuibaquin ꞌaquincëma uni, ax Nucën Papa Diosmi sináncë ꞌic? Usama ca.