Génesis 43:26 - Kashibo-Kakataibo Biblia

²⁶ Usakian kainkëxa aín xubunu bëbaia ka atúan ꞌinainshitia uankë ñukama a ꞌinánkëxa, ꞌinani ka ami rantinpuruni aín bëmánan memi bëtiki tsóbuakëxa.

Nukën 'Ibu Diosan ain unikama 'inan ain bana

²⁶ Usakian kainkëxa aín xubunu bëbaia ka atúan 'inainshitia uankë ñukama a 'inánkëxa, 'inani ka ami rantinpuruni aín bëmánan memi bëtiki tsóbuakëxa.

Génesis 43:26 ပူးပေါင်းရင်းမြစ်များ

Génesis 27:29

Usa ꞌikë ka ꞌaisamaira unin mi ñu mëëxunti ꞌikën; bëtsi menu ꞌikë unikamaxribi ka mi bëtánain rantinpuruni ꞌiti ꞌikën. Mix kamina min xukë́nkaman ꞌapu ꞌiti ꞌain; ¡Usa ꞌain ka atux mi bëmánon rantipuruni ꞌiti ꞌikën! Uin kara mi ꞌaisama oia ax ka ꞌatima okëribi ꞌiti ꞌikën, ꞌimainun ka uin kara mi upíokin sinánxunkin ꞌakinia axribi upiti bukui upíokin sinánxunkë ꞌiti ꞌikën.”

Génesis 33:3

Usakin ꞌatankëx ka ax pain rëkuë́nkiani kuani atux pain rantinpuruni tsóbuti aín bëmánan memi tikai mapai achúshi ꞌimainun rabë́ oi ꞌikiani kuankëbë ka ꞌain xukë́n apan axribi a ꞌurama obëtsini ubakëxa.

Génesis 42:6

Usaia ꞌimainun ka José ax Egipto menu ꞌapu ꞌain, unikama trigo maruti anëkë ꞌiakëxa. Usa ꞌixun ka axa trigo marui bëtsi menuax kuankë unikama anu kuania trigo maruakëxa. Marukëbëbi ka aín xukë́n kamaxribi ami bëbai nirakëti aín bëmánanën me tikai rantinpuruni tsóbuakëxa.

Génesis 43:11

Usa ꞌain ka aín papan ësokin kakëxa: —Anun nun ënëñu mëníoti bëtsi ñu ka ꞌaíma ꞌikën, usa ꞌain kamina ësokin ꞌati ꞌain: mitsun pisha kamanu kamina a uni ꞌinaishiti kuanxun achúshi ñu buánti ꞌain. Ënë menuxun uniokë ñu upíira: bálsamo kakë sanuira chukúma ꞌimainun buna rëpa chukúmashi ꞌimainun ro tsëpasa ꞌimainun i baka ꞌakë ro akëñun ro ua upíira nun menua ꞌikë aribi buánti ꞌain.

Génesis 43:28

Kixuan ñukákëx ka akama tëtúbuti aín chixunu sënën kuabuti ami ꞌikin kakëxa: —An mi ñu mëëxunti, nukaman papa ka anu ꞌikën. Bëríbi ka tsótaxa.

Salmos 72:9

¡Axa ami nishkë unikama, anu uni ꞌikëma menua ꞌikë, akamax ka an ñu ꞌaia kuati ami rakuë́ti ꞌikën!

Romanos 14:11

Nucën Papa Diosan bana cuënëo ca ësai quia: Nucën ꞌIbu Dios ca quia: ꞌËx bamatimoi tsócë ꞌicë ca camabi nëtënu ꞌicë unicaman asérabi rabiquin ꞌë cati ꞌicën, mix camina asérabi nun ꞌIbu ꞌai quixun. Canan ca camabi unían cuanun ꞌë rabiquin —mix camina asérabi Dios ꞌai —quixun cati ꞌicën.