Génesis 43:22 - Kashibo-Kakataibo Biblia

²² bëanan kananuna nun kuríkiribi anun trigo maruti bëtëkëan. ꞌAínbi kananuna uin kara a painun ꞌinánkë kuríki nun pishakamanu ꞌarutëkëanxa kixun ꞌunánkëma ꞌain.

Nukën 'Ibu Diosan ain unikama 'inan ain bana

²² bëanan kananuna nun kuríkiribi anun trigo maruti bëtëkëan. 'Aínbi kananuna uin kara a painun 'inánkë kuríki nun pishakamanu 'arutëkëanxa kixun 'unánkëma 'ain.

Génesis 43:22 ပူးပေါင်းရင်းမြစ်များ

Génesis 42:27

Usai anuax kuanbaiti ka ñantánbukëbë anua imë́ uxti anu nirakëakëxa, nirakëxun ka atu achúshinën pain aín pisha asno piminuxun trigo binuxun aín pisha rëchurukinbi ka, aín kuríki pishanu bërakankin ꞌarukë mërakëxa.

Génesis 43:12

Buánkin kamina nëtë itsinmi buánkë usamaira kuríki këxtuira buántankëxun minbi ꞌinánti ꞌain, mitsun ꞌinankëxunbia ꞌinantëkënkësamaira ꞌinánti ꞌain; ꞌinánkin kamina manuxun sapi ka usakin ꞌaxa aribi ꞌinánti ꞌain.

Génesis 43:21

ꞌaínbi kananuna ënuax kuantankëx anu nu imë́ uxti anu nukuxun nun pisha rëchurupakinbi, kananuna pisha bërakankin achúshi achúshi nun pishanua kuríki ꞌarukë mëran, a kuríki ka kamabi ꞌiaxa. A kananuna bërí ꞌinántëkënti bëan,

Génesis 43:23

Kakëxun ka an ñu bërúankë unin atu kakëxa: —Kamina ꞌitsaira rakuë́kantima ꞌain. Mitsun Dios min papabëtan rabikë an sapi ka a kuríki mitsun pishanu ꞌarukë ꞌiti ꞌikën, ꞌën kana anúnmi trigo kupíokë kuríki a bian usa ꞌain kamina ꞌitsaira rakuë́tima ꞌain. Kamina ꞌitsaira masá nuituti rakuë́tima ꞌain. Ësokin katankëxun ka an ñu bërúankë unin Simeón sipunua chikínbëtsinkin aín xukë́n kamanu bëakëxa;