Génesis 43:21 - Kashibo-Kakataibo Biblia

²¹ ꞌaínbi kananuna ënuax kuantankëx anu nu imë́ uxti anu nukuxun nun pisha rëchurupakinbi, kananuna pisha bërakankin achúshi achúshi nun pishanua kuríki ꞌarukë mëran, a kuríki ka kamabi ꞌiaxa. A kananuna bërí ꞌinántëkënti bëan,

Nukën 'Ibu Diosan ain unikama 'inan ain bana

²¹ 'aínbi kananuna ënuax kuantankëx anu nu imë́ uxti anu nukuxun nun pisha rëchurupakinbi, kananuna pisha bërakankin achúshi achúshi nun pishanua kuríki 'arukë mëran, a kuríki ka kamabi 'iaxa. A kananuna bërí 'inántëkënti bëan,

Génesis 43:21 ပူးပေါင်းရင်းမြစ်များ

Génesis 43:12

Buánkin kamina nëtë itsinmi buánkë usamaira kuríki këxtuira buántankëxun minbi ꞌinánti ꞌain, mitsun ꞌinankëxunbia ꞌinantëkënkësamaira ꞌinánti ꞌain; ꞌinánkin kamina manuxun sapi ka usakin ꞌaxa aribi ꞌinánti ꞌain.

Génesis 43:15

Usakian Jacobnën kakëxun ka aín bëchikëkaman anu ꞌikë ꞌapu ꞌinaishiti kuanti ñukama bianan, pishami kuríki këxtuira bianan, Benjamínribi bibiani Egiptonu kuankëxa. Kuantankëx ka anua José ꞌikë anu bëbakëxa,

Génesis 43:20

Atun kakëxa: —¡Uisati, kara Nukën ꞌIbu! Bëtsi nëtën kananuna asérabi trigo marui uan,

Génesis 43:22

bëanan kananuna nun kuríkiribi anun trigo maruti bëtëkëan. ꞌAínbi kananuna uin kara a painun ꞌinánkë kuríki nun pishakamanu ꞌarutëkëanxa kixun ꞌunánkëma ꞌain.

Génesis 44:8

Nux kananuna Canaán nëtënuaxbi nun pishanua mërakë kuríki a ꞌinantëkëni uan. ¿Uisaxun karanuna manë xampa mëkamanan kuri ami ñu mënxunkë unin xubunua mëkamati ꞌain?

Romanos 12:17

An paían mimi nishquin ꞌatimocëxunbi camina uisa uni cara, abi mixribi ami nishquin aribi cupitima ꞌain. Mitsun camina usa ñu ꞌati ca upí ꞌicë quixuan camabi unin ꞌunáncë a ñucamaishi ꞌati ꞌain.

Romanos 13:8

Uni camina ribíntima ꞌain. Usa ꞌixun camina a nuibacëma ꞌaish a ribíncësa ꞌitin rabanan, uni itsi upí oquinra nuibati ꞌain. Asérabi uni nuibacë ꞌixun ca unin uni itsi uisabi otima ꞌicën.

Hebreos 13:18

Cananuna ꞌunanin, ñu ꞌatima ꞌaquinma upí ñuishi ꞌaisa tania ca Nucën Papa Diosan nu upí isia quixun. Usa ꞌicë camina nu Nucën Papa Dios ñucáxunti ꞌain.

Hebreos 13:5

ꞌAisamaira curíquiñu ꞌiti camina sinántima ꞌain. Nucën Papa Diosan “ꞌËn cana mi ꞌaquinquin ëntima ꞌai” quixun cacë a sinani camina mitsux ꞌaisamaira ñuñuma ꞌaíshbi masá nuituti bënëtima cuëënti ꞌain.

1 Pedro 2:12

An Nucën Papa Diosan bana ꞌunáncëma unicaman isnun camina mitsux upitax bucuti ꞌain. Usaími ꞌia isi ca atux an ñu ꞌatima ꞌacë uni ꞌacësa oquin mitsu ñui ꞌatimati banacë ꞌaíshbi mitsúnmi upí oquin ñu ꞌaia isá ꞌixun anúan an camabi unin ñu ꞌacë isti nëtën Nucën Papa Dios rabiti ꞌicën.

1 Pedro 3:16

A sinani masá nuitunuxun ñu ꞌatima ꞌaíma camina chuámashi ꞌiti ꞌain. Usaími mitsux Cristonën ꞌimicëx upitax ꞌia isi ca an mitsu ꞌatimaquin ñuicë unicama —nuxnu quicë bana ax ca cëmë ꞌicë —quixun sinani rabínti ꞌicën.