Génesis 42:38 - Kashibo-Kakataibo Biblia

³⁸ Usai kiabi ka Jacobnën aín bëchikë kakëxa: —ꞌËn bëchikë aín ꞌanáka ënë ꞌikëbi kana mitsukëñun xutima. Aín xukë́n José ka ñuakëxa usa ꞌain ka aratsushi tikiaxa. Mitsubë kuania ñu ꞌaisama inuti ñuanan ꞌikëbë kaina uisai ꞌiti ꞌain, mitsux kamina ꞌuchakë ꞌiti ꞌain ꞌëx kaniakëkë ꞌaish ꞌitsaira masá nuituti ñukëbë.

Nukën 'Ibu Diosan ain unikama 'inan ain bana

³⁸ Usai kiabi ka Jacobnën aín bëchikë kakëxa: —'Ën bëchikë aín 'anáka ënë 'ikëbi kana mitsukëñun xutima. Aín xukë́n José ka ñuakëxa usa 'ain ka aratsushi tikiaxa. Mitsubë kuania ñu 'aisama inuti ñuanan 'ikëbë kaina uisai 'iti 'ain, mitsux kamina 'uchakë 'iti 'ain 'ëx kaniakëkë 'aish 'itsaira masá nuituti ñukëbë.

Génesis 42:38 ပူးပေါင်းရင်းမြစ်များ

Génesis 37:33

Kakëxun iskinbi ꞌunani ka Jacob kiakëxa: Ënëx ka ꞌën bëchikënën tari ꞌikën. Bëtsi ñuina raëkëman sapi ka piaxa.

Génesis 37:34

Usakin atu kai ka Jacob aín chupa tukai nitë́xëti ꞌitsaira iankëxa, aín bëchikë bamakësa sinani.

Génesis 37:35

Usaia aín papa uínbi manumisamai nitë́xëkëbëtan ka aín bëchikë xanu ꞌimainun nukëbënë kaman uisoxun karana aín masá nuitukë a manumiti ꞌain kixun sinánkëxa, ꞌaínbi ka an usokin kuëënmiti kuëëanma ꞌikën; kuëënima ka aín bëchikënën rabanan ꞌitsaira ini kiakëxa: ꞌËn sinánkë ënë nëtënux karana ꞌëxribi ꞌën bëchikë ꞌikësaribiti ñutima ꞌain, ñutankëx kana anua uni ñukë ꞌikë anuax ꞌëx abë mërananti ꞌain.

Génesis 42:13

Usakian kakëxunbi ka atun katëkëankëxa: —An mi ñu mëëxunti nukamax kananuna mapai rabë́ ꞌimainun rabë́ xukë́n ꞌain, usa ꞌaish kananuna achúshi papan bëchikëshi ꞌain, usa ꞌain kananuna nukamax Canaán kakë me anu tsotin. Usa ꞌain ka nun xukë́n ꞌanáka itsi nun papabë bëruaxa ꞌimainun ka nun xukë́n ꞌanákaira ax nubëma ꞌikën.

Génesis 42:37

Usaia kia ka Rubénnën aín papa kakëxa: —ꞌËn bërúanun kamina Benjamín ꞌën mëkënu ënti ꞌain usa ꞌain kana ꞌënbi mi bëxuntëkënti ꞌain. Bëxunkëxuma kamina, ꞌën bëchikë rabë́ ënë ꞌati ꞌain.

Génesis 42:4

ꞌaínbi ka Jacobnën aín bëchikë Benjamín, Josénën xukë́n a atubë kuantanun xuama ꞌikën, anu kuaníbi ka ñu ꞌaisama inuti ꞌikë kixun sinánkin.

Génesis 43:13

¡Usa ꞌain kamina! min xukë́n ꞌanáka bibiakin buántankëxun a uni istëkëni kuankanti ꞌain.

Génesis 44:20

ñukákëxun kananuna mi ñuixuan nun papa achúshi kaniakëkë ka anu ꞌikën ꞌimainun ka nun xukë́n ꞌanáka achúshi bërí kanikë bëná anu ꞌikën, ax ka nun papan kaniakëkë ꞌixun bëchia ꞌikën. ꞌImainun kananuna mi kan nun papan ka ꞌitsaira atua kuëënia, ax ka aín xukë́n ñua akëñunbia aín titan tuá ꞌikën.

Génesis 44:22

Nukaman kananuna mi kan a tuákën ka aín papa ëinsama tania, an ënkëx ka aín papa ñuti ꞌikën.

1 Reyes 2:6

Usa ꞌain kamina uisoxun ꞌati kara kixun istankëxun ꞌakin, abia xënibuti tsótankëx ñunu ëntima ꞌain.

Job 41:32

ꞌIanan ka anua rakákë anuax nirukiani kuani nanë́kiankin aín rani tiríkikë a anubi uxuira ꞌaish chabáchabá kikë a bakanubi ëbiania.

Salmos 90:10

Anun tsótimi nu ꞌinánkë ax ka setenta baritiashi ꞌikën; usa ꞌaínbi ka uix kara kushipain ꞌikë ax kuni ochenta; baritia ꞌimi tsóti ꞌikën, ꞌaínbi kananuna ꞌitsabaritia tëmërakin ñu mëi atsanin. ¡Usai ka nux ꞌikësaribiti baritia kamax, bënëtishi inutia!

Isaías 46:4

usa ꞌain kana ꞌëx mitsúxmi kaniakëkëbëbi usabi ꞌiti ꞌain, ꞌianan kana uínsaran kaina mitsun bu ꞌuxua ꞌirukani usai ꞌiabi bërúankin mitsu ꞌakinti ꞌain. ꞌËn kana mitsu usakin ꞌakën, usa ꞌixun kana usakinbi bërúankin, ꞌën mitsu ië́miti ꞌain;