Génesis 42:22 - Kashibo-Kakataibo Biblia

²² ꞌImainun ka Rubénën kakëxa: —Usa ꞌain kana ꞌën mitsu kakën nun xukë́n ꞌanáka kananuna ꞌatima otima ꞌain; kakëxunbi kamina mitsun kuakanma ꞌain, usa ꞌain sapika nukamaribi ax ñua kupí usakin nu ꞌaia.

Nukën 'Ibu Diosan ain unikama 'inan ain bana

²² 'Imainun ka Rubénën kakëxa: —Usa 'ain kana 'ën mitsu kakën nun xukë́n 'anáka kananuna 'atima otima 'ain; kakëxunbi kamina mitsun kuakanma 'ain, usa 'ain sapika nukamaribi ax ñua kupí usakin nu 'aia.

Génesis 42:22 ပူးပေါင်းရင်းမြစ်များ

Génesis 4:10

Usai kia ka Nukën ꞌIbun kakëxa: —¿Uisa kupín karamina usakin ꞌan? Min xukë́n ꞌanákanën imi menu, ꞌapamikinmi ꞌakë an ka uisa karana oti ꞌai usakin ꞌën mi ꞌanun kia.

Génesis 42:23

Usai atux kia Josénën kuatiabika ꞌunánma ꞌikën, ax ka bëtsían usai ka kia kixun kamainun banakëxa.

Génesis 45:3

Usai ꞌitankëxun ka Josénën aín xukë́nkama kakëxa: —ꞌËx kana José a ꞌain. ¿Nun pa kara bëríbi tsótax? Ësakian kakëx a bëtánain ꞌaish ratúkin ka uínbi uisokinbi káma ꞌikën.

Génesis 50:15

Aín papa Jacob ñukë ꞌain ka Josénën xukë́nkaman ësokin sinánkëxa: Bërí sapika Josénën nun painu ꞌatimo a sinánkin nuribi ꞌatima oti ꞌikën.

Ezequiel 3:18

ꞌËx kana uni ꞌuchañukamax ka aín ꞌatima ñu ꞌakë anubi bamati ꞌikë kiax kiti ꞌain; usa ꞌaínbi min a uni ꞌatima sinánñukama aín ñu ꞌatima ꞌakëkama ëntankëxua ñu upí ꞌanun kakëma ꞌain ka ain ꞌucha kupíbi bamati ꞌikën, ꞌaínbi kana ꞌë mi aín bamakë kupí uisa kupí kara ax bamaxa kixun ñukáti ꞌain.

Lucas 23:41

Asérabi cananuna nux nun ꞌucha cupí paë tanin. Usa nux ꞌaínbi ca ënë uni añu ꞌuchabi ꞌacëma ꞌicën.

Hechos 28:4

Usoia isi ca a nasínu ꞌicë unicamax ratuti ësai canancëxa: —Ënë unix ca asérabi an uni ꞌacë uni ꞌicën. Bacamiquibi ië́axbi ca aín ꞌucha cupí bamati ꞌicën.

Romanos 2:15

Usoquin upí ñu ꞌaia isquin ca uni itsin ꞌunánti ꞌicën, a unicaman ca asérabi aín nuitu mëu ꞌunania, uisa ñu ꞌati cara asábi ꞌicë ꞌunánan uisa ñu ꞌati cara ꞌaisama ꞌicë quixun. Anúan Nucën Papa Diosan camabi uni isti nëtën ca a unicaman aín nuitu mëúbi ꞌunánti ꞌicën, Nucën Papa Diosan cara ꞌë upí isti ꞌicë, cara ꞌë upíma isti ꞌicë quixun. A nëtën ca Nucën Papa Diosan camabi uni uisa ñu cara ꞌaxa quixun ꞌunánan uisa ñu cara unë́xun aín nuitu mëúbi sinánxa, a camabi ꞌunánquin, uisa cara oti ꞌicë usoquin ꞌanun Jesucristo ꞌamiti ꞌicën, ꞌën unicama ñuixuncësabi oquin.

Apocalipsis 13:10

Uicaman cara uni itsi sipuanun ꞌinania, acamaxribi ca sipuacë ꞌiti ꞌicën. An uni itsi manë xëtocën ꞌacë uni, a ca bëtsi unínribi usaribi oquin ꞌati ꞌicën. Usa ꞌaínbi ca axa Nucën Papa Diosmi catamëcë unicaman uisai cara ñu ꞌicëbëtanbi Nucën Papa Diosmi sinánti ëntima ꞌicën.

Apocalipsis 16:9

Usoquian ꞌaisamaira oquin ꞌitsis oquin xarocëxunbi ca unicaman sinanaquin atun ñu ꞌaisama ꞌacëcama ëncëma ꞌicën. Ëníma ꞌianan ca Nucën Papa Dios rabicëma ꞌicën. Nucën Papa Diosan ca anúan atu castícancë ñucama nëtë́ntsianxa. Usaquian ꞌati ꞌaíshbi ca sinanatíma ami xuamati nishi Nucën Papa Diosmi ꞌatimati banaxa.

1 Samuel 19:4

Usa ꞌain ka Jonatánnën ain papa Saúl, David ñuikin kakëxa: —Papa ësokin kana mi kain, David kamina ꞌaisama otima ꞌain, an ka mixmi ꞌapu ꞌikë mi uisabi oti sinanima, usa ꞌain kamina mix ꞌapu ꞌixun upíokin sinánti ꞌain;