Génesis 42:13 - Kashibo-Kakataibo Biblia

¹³ Usakian kakëxunbi ka atun katëkëankëxa: —An mi ñu mëëxunti nukamax kananuna mapai rabë́ ꞌimainun rabë́ xukë́n ꞌain, usa ꞌaish kananuna achúshi papan bëchikëshi ꞌain, usa ꞌain kananuna nukamax Canaán kakë me anu tsotin. Usa ꞌain ka nun xukë́n ꞌanáka itsi nun papabë bëruaxa ꞌimainun ka nun xukë́n ꞌanákaira ax nubëma ꞌikën.

Nukën 'Ibu Diosan ain unikama 'inan ain bana

¹³ Usakian kakëxunbi ka atun katëkëankëxa: —An mi ñu mëëxunti nukamax kananuna mapai rabë́ 'imainun rabë́ xukë́n 'ain, usa 'aish kananuna achúshi papan bëchikëshi 'ain, usa 'ain kananuna nukamax Canaán kakë me anu tsotin. Usa 'ain ka nun xukë́n 'anáka itsi nun papabë bëruaxa 'imainun ka nun xukë́n 'anákaira ax nubëma 'ikën.

Génesis 42:13 ပူးပေါင်းရင်းမြစ်များ

Génesis 37:30

Masá nuitubakëxa anua aín xukë́nkama ꞌikë anu kuankin ka kakëxa: —Uinu kara tuá ax ꞌikë. ¿Añu karana ꞌën bërí ꞌati ꞌain?

Génesis 42:11

Usa ꞌain kananuna nukamax achúshi papan bëchikëshi ꞌain. Usa ꞌaish kananuna upí sinánñuishi ꞌain. Usa ꞌain kananuna uínsarabi këmëkianxun bëtsi ëmakama ꞌutunkëma ꞌain.

Génesis 42:12

—Usama ka —kixun ka Josénën karaishiakëxa—. Mitsux kamina këmë kuatsini ꞌutunanishi uan.

Génesis 42:14

Ësokian kakëxun ka Josénën amiribishi katëkëankëxa: —¡Kana mitsu kan! Mitsux kamina këmëkuatsini uisakara ënë me ꞌikë kixun ꞌutuanan añu kara ënu ꞌikë kixun isi uan,

Génesis 42:32

katankëxun kananuna ësokinribi kan nux kananuna achúshi papañushi mapai rabë́ ꞌimainun rabë́ xukë́n ꞌinun bëchia ꞌain; usa ꞌain ka bëtsi nubëma ꞌikën ꞌimainun ka nun xukë́n ꞌanáka nun papabë Canaán menu bëruaxa kixun kananuna kan.

Génesis 42:36

Usa ꞌain ka Jacobnën kakëxa: —Mitsun kamina bëchikëñuma ꞌë ꞌimin. José ka nubëma ꞌikën, ꞌianan ka Simeónëxribi ka nubëma ꞌikën, ¡ꞌimainun kamina Benjamínribi ꞌë bërí ëmibiankasin kin! ¡Ësakin ꞌakin kamina ꞌë bëchikëñuma ënkanin!

Génesis 42:38

Usai kiabi ka Jacobnën aín bëchikë kakëxa: —ꞌËn bëchikë aín ꞌanáka ënë ꞌikëbi kana mitsukëñun xutima. Aín xukë́n José ka ñuakëxa usa ꞌain ka aratsushi tikiaxa. Mitsubë kuania ñu ꞌaisama inuti ñuanan ꞌikëbë kaina uisai ꞌiti ꞌain, mitsux kamina ꞌuchakë ꞌiti ꞌain ꞌëx kaniakëkë ꞌaish ꞌitsaira masá nuituti ñukëbë.

Génesis 43:29

Usakian kakëxun a rapasunua israkinbi ka Josénën aín xukë́n Benjamín ꞌain papan akëñun aín titami bëchia a mërakëxa mërai ka kiakëxa: —¿Ënëx kara mitsun xukë́n ꞌanáka a ñuikinmi ꞌë bëráma kakë a ꞌik? ¡Nukën ꞌIbu Diosan ka mi ꞌakinti ꞌikën ꞌën bakën! Ësakin kaíshi,

Génesis 43:7

Kakëxunbi ka atun katëkëankëxa: —A unin ka uisa unikaraisanuna ꞌain kixun ꞌitsaira ñukákin nun aintsi ꞌibukama nu ñukáxa. Ñukákin ka nu kaxa: ¿Min papa kara ñukëma pain tsótax? ¿Min xukë́n itsi kara anu ꞌik? Nun kananuna an ñukákësabi okin an kakë banakama kan. ¿Uisaxun karanuna min xukën ꞌanáka kamina bëti ꞌain kixun kakëxun ꞌunánkë ꞌitsían?

Génesis 44:20

ñukákëxun kananuna mi ñuixuan nun papa achúshi kaniakëkë ka anu ꞌikën ꞌimainun ka nun xukë́n ꞌanáka achúshi bërí kanikë bëná anu ꞌikën, ax ka nun papan kaniakëkë ꞌixun bëchia ꞌikën. ꞌImainun kananuna mi kan nun papan ka ꞌitsaira atua kuëënia, ax ka aín xukë́n ñua akëñunbia aín titan tuá ꞌikën.

Génesis 44:28

achúshinëx ka ꞌëbë ꞌibi ënuax nëtë́akëxa, usa ꞌain kana bëríbi iskëma ꞌain. Ñuina raëkëma ninu ꞌikën kara piakëxa kixun kana sinanin.

Génesis 45:26

Bëbaxun ka usaía ꞌikë kama ñuixunkin aín bëchikë achúshinën kakëxa, papan ꞌën xukë́n José ka tsótaxa ax ka Egipto menu ꞌikë unikaman ꞌapu ꞌikën, kixuan ñuixunkëx ka Jacob uisa kupín kara usa ꞌiti ꞌikë kixun sinánkin ka aín bëchikëkaman ñuixunkë ax ka asérabi ꞌikë kixun sinanima ratuti sinánkasmakëxa.

Jeremías 31:15

Ësai ka Nukën ꞌIbu kiaxa: “Ramá kakë ëma anua ka ꞌitsaira rarumati masá nuituti inia uni kuakanxa. Ax ka Raquel axa aín tuákama rabanan inkë ꞌiaxa, usai ꞌika uínbi kuëënmisamai aín tuákama bamakë ꞌain ianxa.” (Usai ka kiaxa.)

Mateo 2:16

Usa ꞌain ca —an ñu ꞌunáncë unicaman ca ꞌë paránxa —quiax Herodes ꞌaisamairai nishacëxa. Nishquin ca an ñu ꞌunáncë unin ñuicë bana sinánquin Jesús isa rabë́ baritia aín bacë́ncë ꞌicë quixun sináncëxa. Sinánxun ca aín uni xuacëxa, camabi Belénu ꞌicë rabë́ baritiañu bëbu tuácama ꞌanan rabë́ baritiañuma bëbu tuácamaribi ꞌabianxun a ꞌurama ꞌicë ëmacamanuaribi bariquin cëñunun quixun.

Mateo 2:18

Ramá cacë ëmanuxun ca rarumatía inia cuacanxa. Ax ca Jacob ꞌimainun aín xanu Raquelnën rëbúnqui a xanucamaxa aín tuacën rabanan incë ꞌiaxa. Aín tuá ꞌaíma cupí a sinani upí ꞌiisama tani ca uínbi nëtë́misamai ianxa.