Génesis 41:54 - Kashibo-Kakataibo Biblia

⁵⁴ usaía ꞌikëbë ka José kikësabi oi mapai ꞌimainun rabë́ baritia inúkëbë unin ñu ꞌapákëbi añu ñubi menu koama ꞌikën, José kikësabi oi ka usai ꞌiakëxa. Usaia raíri mekamanu ꞌimainun ka, Egipto menushi a piti ñu ꞌaisamaira ꞌiakëxa;

Nukën 'Ibu Diosan ain unikama 'inan ain bana

⁵⁴ usaía 'ikëbë ka José kikësabi oi mapai 'imainun rabë́ baritia inúkëbë unin ñu 'apákëbi añu ñubi menu koama 'ikën, José kikësabi oi ka usai 'iakëxa. Usaia raíri mekamanu 'imainun ka, Egipto menushi a piti ñu 'aisamaira 'iakëxa;

Génesis 41:54 ပူးပေါင်းရင်းမြစ်များ

Génesis 41:27

Mapai achúshi ꞌimainun rabë́ vaca chumínkë ꞌimainun ꞌatima axa bëtsi kaxú chikíkë ax ka mapai achúshi ꞌimainun rabë́ baritia ꞌikën; usaribi ka mapai achúshi ꞌimainun rabë́ trigo bimi chushikësa ꞌimainun mënukësa amiaxa bari urukë amiax bëkikian suñun xarokë ax ka mapai achúshi ꞌimainun rabë́ baritia a piti ꞌaíma ꞌain numi ꞌiti a ꞌikën.

Génesis 41:30

usai ꞌitankëx ka mapai achúshi ꞌimainun rabë́ baritia a piti ꞌaimaira ꞌiti ꞌikën. Usai ꞌikëbëtan ka uínbi Egipto menu ka ꞌaisamaira piti ꞌiakëxa kixun sinántima ꞌikën.

Génesis 41:53

Usa ꞌain ka mapai achúshi ꞌimainun rabë́ bari inúkëbë unin ñu ꞌapákë Egipto menu ꞌaisamaira ꞌiskë ax sënë́ankëxa,

Génesis 42:2

Ësokin ka ꞌë kakanxa Egipto menu kaisa trigo axa. Usa ꞌain kamina anu kuantankëxun nukaman piti trigo marui kuanti ꞌain, a piínu nukamax bukunun.

Génesis 43:1

Usa ꞌain ka nëtëkamabi a piti ñu a menu ꞌaíma ꞌiakëxa,

Génesis 45:11

Ënumi ukëkana min aintsi ꞌibukama këñunbi mitsun piti ꞌinánan, kamabi mibëa ꞌikë akamaribi añu ñubi pishintisamokin ꞌakinti ꞌain; ënuax mapai achúshi bari pain ka anun ñu ꞌapákëbi koima ꞌianan numi ax ꞌiti ꞌikën.

Génesis 47:13

Usa ꞌain ka uinu ꞌikë menubi trigo a piti ꞌaíma ꞌiakëxa, usa ꞌain ka a piti ñu ꞌaíma ꞌain ꞌitsaira numi ꞌiakëxa. ꞌIkëbë ka Egipto menu ꞌianan Canaán kakë me anuribi ꞌikëbë ka anu ꞌikë, unikama numin bamatisa tani ꞌikankëxa.

Salmos 105:16

ꞌIanan ka, a menua numi chaiira ꞌinun, ꞌimikin atun piti ñu ꞌaíma ꞌinun ꞌimiakëxa.

Hechos 7:11

Faraónën cacësabi oquian Josénën ꞌamainun ca Egipto mecamanu ꞌimainun Canaán mecamanuribi trigo ꞌaíma ꞌiacëxa. Usa ꞌain ca anu ꞌicë unicama ꞌacëñuma ꞌaish nuibacacëxa. Nuibacácëbë ca nucën raracamaribi pitiñuma ꞌiacëxa.