Génesis 41:52 - Kashibo-Kakataibo Biblia

⁵² Usakin ꞌatankëxun ka bëchitëcëntancëxun Efraín kakin anëakëxa, anëtankëx ka kiakëxa: Nukën ꞌIbu Diosan ka anuax ꞌëx tëmërakë me ënuax ꞌëx bëchikëñu ꞌiti kuëanxa.

Nukën 'Ibu Diosan ain unikama 'inan ain bana

⁵² Usakin 'atankëxun ka bëchitëcëntancëxun Efraín kakin anëakëxa, anëtankëx ka kiakëxa: Nukën 'Ibu Diosan ka anuax 'ëx tëmërakë me ënuax 'ëx bëchikëñu 'iti kuëanxa.

Génesis 41:52 ပူးပေါင်းရင်းမြစ်များ

Génesis 17:6

ꞌËn kana min rëbúnkinëxa ꞌaisamaira ꞌinun ꞌiminuxun ꞌain; min rëbúnki raírinëx ka ꞌapu bëtsi bëtsi ëmanu ꞌinuxun ꞌaia.

Génesis 28:3

Usa ꞌain ka Nukën ꞌIbu Dios kamabi kushiñu an mi upíokin sinánxunkin min rëbúnkinëxa ꞌaisamaira ꞌia timënun ꞌimiti ꞌikën, ꞌimianan ka min rëbúnki kamanuax ꞌaisamaira ëma ꞌai uni ꞌuakamë ꞌëoti ꞌikën.

Génesis 41:51

A paian bëchikë aín rëkuë́n bëchikë a ka Manasés kakin anëakëxa, anëtankëx ka kiakëxa: “Nukën ꞌIbu Diosan ka ꞌëx masá nuituanan tëmëraiabi ꞌë manumiaxa ꞌimainun ka ꞌën papan aintsikamiribi manunun ꞌë ꞌimiaxa.”

Génesis 41:53

Usa ꞌain ka mapai achúshi ꞌimainun rabë́ bari inúkëbë unin ñu ꞌapákë Egipto menu ꞌaisamaira ꞌiskë ax sënë́ankëxa,

Génesis 48:1

Usakian ꞌakë basirama ꞌaínbi ka Josénën aín papa Jacob ꞌinsínkë ñuikania kuakëxa. Kuabiani ka José a isi kuankëxa, kuankin ka aín bëchikë rabë́ Manasés ꞌimainun Efraín uankëxa.

Génesis 48:14

ꞌAínbi ka Jacobnën ami mëshpakin aín mëkën rabë́ mëkeu ꞌikë a Efraínën maxkánu nankin upíokin sinánxunkin axa ꞌanáka ꞌaínbi, nankinshi ka Manasésnën maxkánuribi aín mëkën mëmiu axa aín apan aín nankëxa.

Génesis 48:5

Bërí ka min bëchikë rabë́ Efraín ꞌimainun Manasés ꞌëx Egipto me ënu mibë tsóti ukëmapan ꞌainmi bëchia ax ka ꞌësaribi ꞌiti ꞌikën, ax ka ꞌën bëchikë Rubén ꞌimainun Simeón usa ꞌiti ꞌikën.

Génesis 49:22

José min rëbúnki kamaxribi ka achúshi i baka kuëbí nikë, axa ꞌitsaira ꞌinun bimikësa usaribi ꞌianan, pëñanakëkin anun xubu bëarakë me mapubuinkë usarabi ꞌiti ꞌikën. Usaribiti ka min rëbúnki kamax mekama tsitsirui bukunuxun ꞌaia.

Génesis 50:23

usai anu tsóxun ka Efraínën bëchikënëan bëchikë aín xutakama isakëxa. Isanan ka Manasésnën rëkuë́n bëchikë Maquir kakë aín xutan bëchikëkamaribi ꞌitsaira ꞌikë isakëxa.

Amós 6:6

ꞌanan kamina uvas baka ꞌakë ami xëati chaiira ami xëakanin, ꞌianan kamina sanuira rokama anúnribi ꞌikanin, ¡usai ꞌikin kamina uisai kara ënë ëma ꞌiti ꞌikë kixun abi sinánkaniman!

Hechos 7:10

Marucëxuan unin buáncëxa Egiptonu ꞌiabi ca Nucën Papa Diosan abë ꞌixun ꞌaquinquin bërúancëxa. Usoquian ꞌacë́xa upí sinánñu ꞌixun upí oquin bana cuacë ꞌicë nuibaquin ca Egiptonu ꞌicë ꞌapu Faraón, an anu ꞌicë unicaman cushi ꞌimianan an aín xubunu ꞌicë ñucama bërúantiribi ꞌimiacëxa.

1 Samuel 1:20

Usokëx ka Ana tutankëx anun bakënti nëtë ꞌikëbë bëbu tuá achúshi bakëankëxa, bakënxun ka Samuel kakin Nukën ꞌIbun ꞌinánkë kupín anëakëxa.