Génesis 41:16 - Kashibo-Kakataibo Biblia

¹⁶ Kakëxunbi ka Josénën —ax ka ꞌënbi ꞌakëma ꞌiti ꞌikë —kixun kakëxa—; ꞌaínbi ka Nukën ꞌIbu Diosan kuni mix ꞌapu ꞌaish upí ꞌinun mi ñuixunti ꞌikën.

Nukën 'Ibu Diosan ain unikama 'inan ain bana

¹⁶ Kakëxunbi ka Josénën —ax ka 'ënbi 'akëma 'iti 'ikë —kixun kakëxa—; 'aínbi ka Nukën 'Ibu Diosan kuni mix 'apu 'aish upí 'inun mi ñuixunti 'ikën.

Génesis 41:16 ပူးပေါင်းရင်းမြစ်များ

Génesis 37:14

—Kakëxun ka Jacobnën asábi ka kixun kakëxa. Ka istan uisa kara min xukë́nkama ꞌikën, ꞌimainun nun ꞌarakakë ovejakama kara uisa ꞌikë kamina isi kuanti ꞌain, isbëtsini kamina ꞌë kai uti ꞌain. Ësokin kaxun ka Jacobnën aín bëchikë José Hebrón kakë me anuxun xuakëxa, xukëx kuanx ka Siquem kakë me anu bëbakëxa,

Génesis 40:8

—Nu rabë́xun kananuna ënë imë́ ësokin namán, ꞌaínbi ka uisakin namákë kara ax ꞌikë kixun an nu ñuixunti ꞌaíma ꞌikën kakëxun ka Josénën. —¿Diosan kara uisakin namákë kara min namákë ax ꞌikë kixun mi ñuixuntima ꞌik? —Kixun atu kakëxa katankëxun ka Josénën—. ꞌË kamina min namákëkama ñuixunti ꞌai kixun kakëxa.

Génesis 41:17

Usokian kakëxun ka ꞌapu faraónën José katëkëankëxa: —ꞌËn namákënuax kana Nilo kakë baka kuëbí nikë ꞌian,

Génesis 41:25

Usakian kakëxun ka faraón Josénën kakëxa: —Minmi ꞌapu ꞌixun rabë́okin namákë ax ka achúshi ñu ishi ñui kikë ꞌikën. Diosan ka mi ꞌunánmisa tania añu kaina ꞌati ꞌai kixun.

Génesis 41:28

ꞌËn mi kakë usabi oi ka ꞌiti ꞌikën: Diosan ka mix ꞌapu ꞌikë usakia an ñu ꞌati a ñuikin mi ismiaxa.

2 Reyes 6:27

Kixuan kakëxun ka ꞌapun kakëxa: —Diosan mi ꞌakiniama karana, ¿uisokin ꞌën mi ꞌakinti kaina kuëënin? ¿ꞌËn karana trigo këñun mi, vino ꞌinánti ꞌain?

Daniel 2:47

Usokin ꞌamitankëxun ka Daniel kakëxa: —Asérabi ka mitsun Dios ax chaiira ꞌaish bëtsi dios kamasamaira ꞌikën; ax ka ꞌapukaman ꞌIbuira ꞌimainun, an ꞌunántisama ñukama abi ꞌunania, usa ꞌain kamina ꞌunántisama ënë ñu uisai ꞌiti kara ax ꞌikë kixun min ꞌunanin.

Daniel 4:2

ꞌËn kana mitsunmi Dios kamabi kushiñu an ꞌë ꞌaxunkë ñukama mitsun ꞌunánti kuëënin.

Números 12:6

kuania ka Nukën ꞌIbun ësokin kakëxa: “Bërí kana mikama ësokin kain: An ꞌëx kikë bana uni ñuixunkë mitsunu ꞌikë kana ꞌën namámikësokin kanan kana namámikinribi kain;

Lucas 19:42

—Nucën Papa Diosan ꞌimicëx camina asérabi chuámarua ꞌaish cuëënti ꞌai —quixun bërí nëtë́nbi mitsun ꞌunánti cana cuëënin. Usa ꞌaínbi camina mitsun nuitunënbi sinánquin cuaquinma ꞌunáncantima ꞌain.

Hechos 3:12

Usaria isquin ca Pedronën anu timë́cëcama cacëxa: —Israel unicama, ¿uisacatsi caramina ënë isi ratutin? ¿Uisacasquin caramina nu ñachaira ñachain? Nun cushínbi isanuna ꞌa quixun sapi camina sináncanin. Nux upí ꞌixun isanuna ënë uni nimia quixun sapi camina sináncanin.

Hechos 3:7

Caxun ca aín mëcën mëquenën mëínquin biruacëxa. Usocëxëshi ca aín uxútucuru ꞌimainun aín taë cushi niisa ꞌinun pëxcúacëxa.

1 Corintios 15:10

Nucën Papa Diosan nuibaquin ꞌimicëx cana ꞌëx bëráma ꞌiásama ꞌain. Ñancáma ca ꞌë aín uni ꞌimiacëxa. ꞌImicëxun cana aín ꞌunánmicë unicaman ꞌacësamaira oquin a ñuiquin unicama ñuixuan. Ñuixunquinbi cana ꞌënbi ꞌacëma ꞌain, Nucën Papa Diosan aín cushin ꞌamicëxuinshi cana ꞌan.

2 Corintios 3:5

Nun cushínbi cananuna Cristo ñuiquin mitsu bana ñuixuan quixun cananuna sinaniman. Nucën Papa Diosan ꞌamicëxuinshi cananuna mitsu aín bana ñuixuan.