Génesis 40:15 - Kashibo-Kakataibo Biblia

¹⁵ ꞌËx kana mëkama bëtsinkin hebreo unikama anu ꞌikë menua bëa ꞌain. Usa ꞌaish kana ꞌëx ñu ꞌatima ꞌakëma ꞌaish sipunu ꞌiti kuëënima.

Nukën 'Ibu Diosan ain unikama 'inan ain bana

¹⁵ 'Ëx kana mëkama bëtsinkin hebreo unikama anu 'ikë menua bëa 'ain. Usa 'aish kana 'ëx ñu 'atima 'akëma 'aish sipunu 'iti kuëënima.

Génesis 40:15 ပူးပေါင်းရင်းမြစ်များ

Génesis 14:13

Usakian ꞌakëbë ka uni achúshi abákëxa, abaxun ka usaía ꞌikë Abram hebreo uni a ñuixuankëxa, ax ka uni achúshi Mamré aín menu tsókë ꞌiakëxa, a unix ka amorreo unibu ꞌiakëxa, Mamré ax ka Escol ꞌimainun Aner aín xukë́n ꞌiakëxa, usa ꞌaish ka a unikamax Abrambë nuibanankë ꞌiakëxa.

Génesis 39:20

usai xuamati ami nishkin ka José sipuati binun kixun aín suntárukama kakëxa, kakëxun bixun ka anua ꞌapun uni sipuakë anu sipuakëxa.

Génesis 40:16

Ësokian Josénën ꞌupiokin ñuixunia kuakin an pán ꞌakë aín kushi anribi ꞌënribi kana ësokin namá kixun kakëxa: —ꞌËnribi kana ësokin namákin rabë́ ꞌimainun achúshi tasá pán uxua ꞌën maxkánu nankë isi pëkian.

Génesis 41:12

Ësokin nun namákë ꞌaínbi ka nubë achúshi hebreo uni bëna, an suntárunën kushi ñu mëëxunkëribi anu ꞌiakëxa. A uni kananuna nun namákë ñuixuankën, ñuixunkëxun ka nu uisakin namákë kara ax ꞌikë kixun nu ñuixuankëxa.

Salmos 105:18

Egiptonu ꞌikë unikaman ka tëmëramikin manë risin tëkërëkaxun; sipunu ꞌinun ꞌimiakëxa.

Daniel 6:22

ꞌËn Diosan ka ꞌë uisabi oima paru ꞌinúankama kuëëtsë́kinun an ꞌimiti ain ángel xuaxa, Diosan ka ꞌëx kana uisa ñu ꞌatimabi ꞌakëma ꞌai kixun ꞌunánan ꞌën kana uisa ñu ꞌatimabi mix ꞌapu ꞌikë ꞌaxunkëma ꞌai kixun ꞌunánxa.

Juan 10:32

Bitsia ca Jesusan cacëxa: —ꞌËn Papan ꞌë ꞌamicëxun cana mitsúnmi isnun ꞌitsa ñu ꞌan. ¿ꞌËn usoquin ꞌacë uinu ꞌicë ñu cupí caramina ꞌë maxaxan ꞌacatsi quin?

Juan 15:25

Nucën Papa Diosan bana cuënëo ax ca ꞌë ñui ësai quia: “ꞌËn ꞌatima ñu ꞌacë ꞌaímabi ca ꞌëmi nishcanxa”. A bana quicësabi oi ca ꞌia.

Deuteronomio 24:7

ꞌIanan ka uin kara aín aintsi ꞌikëbi Israel uni achúshi anbi ñu mëëmikatsi kixun ꞌanan maruti sinánxun maruti ꞌikëbi mërakë uni ax ka ꞌakë ꞌiti ꞌikën, usokin ꞌakëx ka an ñu ꞌatima ꞌakë unikamax mitsubë ꞌikë ꞌaíma ꞌiti ꞌikën.

1 Timoteo 1:10

aín xanuma ꞌaínbi xanubë ꞌicë unicama, aín bënëma ꞌaínbi unibë ꞌicë xanucama, xanúxmabi unibë ꞌicë unicama, an ñu mëcamacë unicama, cëmëcë unicama, axa anun Nucën Papa Diosbë upí ꞌiti bana, ënë́xa quicë ñucama cuëëncëma unicama. Ësa ñu ꞌacë unicaman —usai ꞌiti ca ꞌaisama ꞌicë —quixun ꞌunánun ca Nucën Papa Diosan uni aín bana ꞌináncëxa.

1 Samuel 24:11

“Min ka upíokin is ꞌën ꞌapu añu karana tuian kixun kakëxa: Ënëx ka min pañukë tari aín kuëbí tukakin ꞌën bikë ꞌikën, ësokin ꞌakin kana mi ꞌakë ꞌitsían. Usa ꞌain kamina ꞌunánti ꞌain ꞌën kana mi uisabi oisamatan kixun, ꞌianan kana këmëxun mi ꞌati kuëënkëma ꞌain. ꞌAínbi kamina mix ꞌapu ꞌixunbi ꞌakatsi kixun ꞌë barin.