Génesis 39:3 - Kashibo-Kakataibo Biblia

³ ꞌAkinkëxuan upíokin Josénën ñu mëía ka a ñu mëxunkë unin, aín ꞌIbun ka Josébë ꞌixun ꞌakinia kixun. Usa ꞌain ka Josénën mëëkë ñukamax upí ꞌiakëxa.

Nukën 'Ibu Diosan ain unikama 'inan ain bana

³ 'Akinkëxuan upíokin Josénën ñu mëía ka a ñu mëxunkë unin, aín 'Ibun ka Josébë 'ixun 'akinia kixun. Usa 'ain ka Josénën mëëkë ñukamax upí 'iakëxa.

Génesis 39:3 ပူးပေါင်းရင်းမြစ်များ

Génesis 21:20

Usakian Nukën ꞌIbu Diosan ꞌakinkëx ka Ismael anu uni ꞌikëma menuax kani Parán kakë anu ꞌiakëxa, usai kanikin ka uisokin kara kanti ꞌimainun pian ñuoti ꞌikë kixun upíokin ꞌunánkëxa. Usai kania ka aín titan achúshi xanu Egipto menua bëxun aín xanu ꞌiti ꞌinánkëxa.

Génesis 21:22

Usai ꞌikë basirakëma ꞌaínshi ka ꞌapu Abimélec Abrahambë banai kuankëxa. Kuankëbë ka aín suntárunën kushi Ficol, axribi abë kuankëxa. Kuantankëxun ka Abimélecnën Abraham ësokin kakëxa: —Nun kananuna isan Nukën ꞌIbu Diosan ka kamabi añu ñukama karamina ꞌai akamabi mi ꞌakinia.

Génesis 21:23

Usa ꞌain kamina, sinanatëkëntima okin Nukën ꞌIbu Diosan ismainun, ënë menuax, nukamabë ꞌatimonantima ꞌain, ꞌimainun kamina ꞌën bëchikëkama ꞌimainun ꞌën rëbúnkikamaribi ꞌain. Akima kamina sinanatëkënkinma ꞌën mi ꞌakësaribi okin ꞌëribi ꞌati ꞌain, ꞌanan kamina usaribiokin kamabi ënu ꞌikë unikama ꞌati ꞌain, anumi bërí tsókë me ënuxun.

Génesis 26:24

“Anu bëbaxa ñantabukë a imë́ ami mërakin ka Nukën ꞌIbun kakëxa: ꞌËx kana min papa Abraham aín Dios ꞌain. Usa ꞌain kamina rakuë́tima ꞌain; ꞌëx kana mibë ꞌain. Usa ꞌain kana ꞌën uni Abraham a kupín upíokin sinánxunkin, min rëbúnkinëxa ꞌaisamaira ꞌuákamë ꞌëonun ꞌimiti ꞌain.”

Génesis 26:28

Ësokian kakëxunbi ka atun kakëxa: —Nun kananuna mi isan mix kamina Nukën ꞌIbu abë ꞌain, usa ꞌikë an mi ꞌakinia kananuna unan, usa ꞌain kananuna nukaman achúshi ñu mibëtan ꞌati ain. A achúshi ñu ꞌati ax ka ꞌikën:

Génesis 30:27

Kakëxunbi ka aín kuku Labánën kakëxa: —Usama ka ꞌëbëbi ꞌi kamina bërúti ꞌain. ꞌËn kana ꞌunanin Nukën ꞌIbun ka ꞌën sinánkëxun mix ënu ꞌëbë ꞌain ꞌitsaira ꞌë ꞌakinia usa ꞌain.

Génesis 30:30

ꞌëx ukëmapan ꞌain ka min ñuina ꞌarakakëkama ꞌitsamashi ꞌiakëxa, usa ꞌaínbi ka ꞌën bërúaia Nukën ꞌIbu ꞌakinkëx bërí ꞌaisamaira min ñuina ꞌikën; ꞌaínbi karana, ¿Uínsaran ꞌënanbi ñu mëi ꞌën xanu ꞌimainun ꞌën bëchikë kamanan ñu ꞌarakati ꞌain?

Génesis 39:2

Usai an ñu mëëmikë uni egipcio uni, aín xubunu ꞌia ka Nukën ꞌIbun José ꞌitsaira bërúankin ꞌakiankëxa.

Génesis 39:21

Usakin José sipuakë ꞌaínbi ka Nukën ꞌIbu abë ꞌixun bërúankin ꞌakiankëxa, ꞌakinkëx ka upí nuituñu ꞌiakëxa, usa ꞌikë ka an sipu bërúankë aín kushi an ꞌunánkëxa,

Génesis 39:23

usakin ꞌamainun an sipu bërúankë aín kushi an Josénën ꞌakë ñukama isama ꞌikën, usakin ka Nukën ꞌIbun ꞌakinkëxun aín ñu mëëtikama upíokin ꞌakëxa.

Nehemías 2:20

Kixun kakëxunbi kana ꞌënribi ësakin kakën: —Dios naínu ꞌikë an ka usakinu nukaman ꞌatëkënun nu ꞌamiti ꞌikën. Nukamax aín uni ꞌixun kananuna an nu ꞌakinkëxun amiribishi nun ëma aín kënë ꞌatëkënkin taëoti ꞌain, usakin nukaman ꞌakëbëbi kamina mitsux a ñui uisaibi kikantima ꞌain, Jerusalén ꞌia a kamina mitsun uisaxunbi sinántima ꞌain.

Salmos 1:3

A unix ka baka ꞌurama nikë i aín tapun me ꞌukëmëu kuani nikë axa tuákësa ꞌianan, uínsarabi aín pëchi chushi rëukukëma usaribi ꞌikën. ¡Usa ꞌain ka kamabi an ꞌakë ñukamax upí ꞌia!

Mateo 5:16

Usaribi oquin camina mitsun mibë ꞌicë unicama upiti bucuti ꞌunánun ꞌaquincë ꞌaish lamparínsaribi ꞌiti ꞌain. Mitsun ñu upí ꞌaia isquin ca cuëënquin a unicaman min Papa Dios naínu ꞌicë a rabiti ꞌicën.

1 Corintios 16:2

Domingo nëtëcaman camina mitsu achúshi achúshinën mitsúnmi bicë curíqui uiti caramina ꞌinánuxun nanti ꞌai quixun upí oquin sinántancëxun min xubunuxun nanti ꞌain. ꞌËx bëbacëbëtan ꞌatima cupí camina usaquin ꞌati ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.

Apocalipsis 3:9

Usa ꞌain cana ñunshin ꞌatimanën ꞌapun sinánmicë unicama axa, ꞌëx cana asérabi judío uni ꞌai quibi cëmëi ꞌëmi sináncëma unicama a mitsun bana cuatia mitsumi sinánun ꞌimiti ꞌain. ꞌImicëxun ca ꞌunánti ꞌicën, ꞌën cana asérabi mitsu nuibati quixun.

1 Samuel 18:14

Usa ꞌain ka Nukën ꞌIbun ꞌakinkëbë kamabi Davidtan ꞌakë ñukama asábi ꞌiakëxa.

1 Samuel 18:28

Usakin ꞌinánkëxun ka Saúlnën Nukën ꞌIbun ka David ꞌakinia, usa ꞌikë ka ꞌën bëchikë Milcánën kuëënia kixun ꞌunánkëxa,

1 Samuel 3:19

Usa ꞌikë ka xura ꞌaish bërunania ënkinma ꞌakinkin Samuel ax kikësabiokin Nukën ꞌIbun ꞌakiankëxa.