Génesis 38:9 - Kashibo-Kakataibo Biblia

⁹ ꞌAínbi ka Onánën tuá bakënkëkama ax ka ꞌën bëchikëma ꞌiti ꞌikë kixun ꞌunánkëxa. Usakin sinánkin ka aín xukënan kasunankë xanu a tuati kuëënkima ꞌain nami ꞌakin ꞌain nëtokë ñu ëmainshi ꞌapákëxa, usai ꞌikin ka aín xukë́n ñukë axa a kupín aín rëbúnkiñu ꞌiti kuëanma ꞌikën.

Nukën 'Ibu Diosan ain unikama 'inan ain bana

⁹ 'Aínbi ka Onánën tuá bakënkëkama ax ka 'ën bëchikëma 'iti 'ikë kixun 'unánkëxa. Usakin sinánkin ka aín xukënan kasunankë xanu a tuati kuëënkima 'ain nami 'akin 'ain nëtokë ñu ëmainshi 'apákëxa, usai 'ikin ka aín xukë́n ñukë axa a kupín aín rëbúnkiñu 'iti kuëanma 'ikën.

Génesis 38:9 ပူးပေါင်းရင်းမြစ်များ

Génesis 38:10

Usai ꞌia Nukën ꞌIbun iskëxbi ka Onán an ꞌakë ñukama upíma ꞌiakëxa, usa ꞌain ka aribi ñutanun sinánxuankëxa.

Job 5:2

An ꞌunántisa ꞌikëbi ñu ꞌunánkëma uni ax ka Diosmi ꞌatimati sinánkë kupí ñuia, ꞌimainun ka bëtsi unin paránkin kakëxunbia an usama ka kixun kakinma asábi ka kixun kakë axribi bamaia.

Proverbios 27:4

Xuamati uni ꞌakatsi nishkë, ꞌimainun ñu ꞌakatsi nishkë an ka uni ꞌatimanun ꞌimia, ꞌaínbi ka bëtsin ñu ꞌakëbë nutsikë ax nëtë́tima ꞌikën, ꞌimainun ka sinanima kishikë ꞌikën.

Deuteronomio 25:5

Moisésnën ka amiribishi Israel kama katëkëankëxa: Achúshi unix ka a xukë́n rabëtaxbi ain papan menu xubuñu ꞌiti ꞌikën, ꞌaínbi ka bëtsix aín xanumi bëbuokin bëchiamaxi ñukë ꞌiti ꞌikën, ñukë ꞌain ka raëmëkë xanu ax ain bënën aintsima unibë biranantima ꞌikën, aín bënën xukë́n aín bënëitsi abë kuni ka birananti ꞌikën. Usakin bikëx ka aín xukënan raënnkë xanu bikë ax ka aín xukënan raënkë xanu ka unin biti ꞌikë kikësa okin ꞌakë ꞌaish asábi ꞌiti ꞌikën.

Deuteronomio 25:6

Usakin bixun a xanumi bëchitabaxun ka aín xukë́n ñukë aín anënbi ꞌakë ꞌiti ꞌikën, usakian ꞌakëx ka Israel unikamanuax a unin anë nëtë́tima ꞌikën.

Tito 3:3

Nuxribi cananuna sinánñuma ꞌaish Nucën Papa Diosan bana quicësabi oi ꞌiáma ꞌain. Usa ꞌaish cananuna ñu ꞌatimaishi ꞌanúan bëtsi unin sinánmicëxun ꞌanan nunbi sinani nux cuëëncësabi oi ñunshini ꞌiacën. ꞌAisama ñuishi ꞌanan cananuna bëtsi unimi nutsianan numia uni nishcëx abë nishanancën.

Santiago 3:14

Usa ꞌaínbi camina mitsux unimi nishcë ꞌianan uni itsimi sinánanima nutsi mixëshi ñuñu ꞌiti cuëëncë ꞌixun, rabiacáquin —ꞌëx cana ñu ꞌunáncë ꞌai —quixun sinántima ꞌain. Usaquin sináncë ꞌaish ca min bana cëmëcë ꞌicën.

Santiago 3:16

Axa nishanan ami sinanima uni itsimi nutsianan axëshi ñuñu ꞌiti cuëëncë uni an ca upí oquin sináncëma ꞌixun camabi ꞌatima ñu ꞌatishi sinania.

Santiago 4:5

Nucën Papa Diosan bana cuënëo ax ca ësai quia: “Nucën Papa Diosan ca ainan ꞌicë nu ñuñaia. Usa ꞌain ca an nubë ꞌinun nu ꞌináncë aín Bëru Ñunshin Upí ax bëtsi ñu ꞌaquinmanu ax cuëëncësa oquinshi ꞌati cuëënia”. A banax ca asérabi ꞌicën. Usa ca ax ꞌicë quixunu ꞌunánti oquin ca Nucën Papa Diosan aín uni usoquin cuënëomiacëxa.

Rut 1:11

Kakëxunbi ka Noemínën munuma banakin kuainsama taniabi katëkëankëxa: —ꞌËn ñexuta kamina kuanti ꞌain, ¿añu ꞌanux kaina ꞌë nuibiani ꞌëbë kuainsa tanin? ꞌËx kana mitsu an kanitankëxun biti nukëbënë okin tuatëkëntisama ꞌain.

Rut 4:10

ꞌImainun kana mitsun ismainunbi Rut moabita xanu raëmëkëa aribi ꞌën xanu ꞌiti biti ꞌain, usa ꞌain ka a me ꞌën bikëbë aín bënë Mahlón ñua aínbi aín anë ñunuax nëtë́tima ꞌikën, ꞌianan ka uisaxunbi ënë ëmanuxun manukë ꞌitima ꞌikën. Bërí kamina mitsúnbi usakin ꞌaia isin.