Génesis 38:24 - Kashibo-Kakataibo Biblia

²⁴ Usai ax ꞌikë rabë́ ꞌimainun achúshi ꞌuxë ꞌirukësa ꞌain ka, Judá achúshi unin kakëxa: —Min piaka Tamar ax ka bëtsi unikamabë ꞌiaxa, usa ꞌaish na tuukë ax unibë ꞌikë kupían tuukë ꞌikën. Usai kia kuati ka Judá munuma kuënkëni kiakëxa: —¡Bitankëxun kamina a xanu në́nkanti ꞌain!

Nukën 'Ibu Diosan ain unikama 'inan ain bana

²⁴ Usai ax 'ikë rabë́ 'imainun achúshi 'uxë 'irukësa 'ain ka, Judá achúshi unin kakëxa: —Min piaka Tamar ax ka bëtsi unikamabë 'iaxa, usa 'aish na tuukë ax unibë 'ikë kupían tuukë 'ikën. Usai kia kuati ka Judá munuma kuënkëni kiakëxa: —¡Bitankëxun kamina a xanu në́nkanti 'ain!

Génesis 38:24 ပူးပေါင်းရင်းမြစ်များ

Génesis 20:3

ꞌaínbi ka a imë́bi ꞌapu Abimélec namámikin, Nukën ꞌIbu Diosan kakëxa: Mix kamina bamati ꞌain, xanumi bikë ax ka bënëñu ꞌikën.

Génesis 20:7

ꞌAínbi kamina bërí, a xanu aín bënë ꞌinántëkënti ꞌain, ax ka an Dios kikë bana ñuixunkë ꞌikën, usa ꞌixun ka an mi ꞌë ñukáxunti ꞌikën, ñukáxunkëx kamina mix upitax tsóti ꞌain; usa ꞌain kamina bëríbi a uni aín xanu ꞌinántëkënti ꞌain, ami ꞌinankëbëma ka min xanu ꞌimainun min xubunu ꞌikë unikamaribi këñuti ꞌikën.

Génesis 20:9

Usokin aín unikama aín namákë ñuixuntankëxun ka ꞌapu Abimélecnën Abraham kuënxun kakëxa: —¡Ka kuat, usakin ka achúshi unin ñu ꞌatima ꞌikën! ¿Uisakin karana ꞌën mi ꞌatimon, uisa kupín karamina ꞌë chaiira ꞌuchamisa tan ꞌimainun ꞌën xubunu ꞌikë unikamaribi ꞌuchamisa tankin ꞌë parán? Usakin ka achúshi unin ñu ꞌatima ꞌikën.

Génesis 34:31

Ësokian kakëxunbi ka aín bëchikëkaman kakëxa: —¿Atun kara nun chirabakë ꞌanáka ꞌatima xanu ꞌakësa okin ꞌaisatanx?

Génesis 38:23

Ësakian kakëxun ka Judánën kakëxa: —Asabi ka ꞌimainun ka ꞌën ꞌinánkë ñukama a biti ꞌikën, uixbia ꞌëmi kuaitima kupí ka ꞌën ñu kamabë bërúti ꞌikën, ꞌën këmëkinma xuxunkë ꞌikëbi kamina carnero bakë a mërakima ꞌinankëma ꞌain.

2 Samuel 12:5

Ësakian unin ꞌakë a ñuixunkëxun a bana kuakin ka an usakin ꞌakë uni a sinani aín nuitu xuama tani nishkin Davidnën Natán kakëxa: —¡Min manukinma ꞌën kakë bana sinanatëkëntima okin Diosan ismainun mi kain a unix ka bamakë ꞌiti ꞌikën!

2 Samuel 12:7

Ësokin kakëxun ka Natánën kakëxa: —¡Mix kamina a uni ꞌain! Ësai ka Israel unibunën Dios ax mi ñui, kiáxa: ꞌËn kana a Israel unibunën ꞌapu ꞌinun mi kaisakën: ꞌImainun kana Saúlnën ꞌati ꞌikëbi bërúankin ꞌakiankën;

Jeremías 2:20

Bërí ka ꞌitsabaritia anun mitsun ꞌën bana kuaisamatani ꞌikan ꞌikën, usai ꞌi kamina ꞌëbë ënanankësa ꞌiakën, ꞌianan kamina ꞌë rabitisama tani ꞌikankën. Usai ꞌikin kamina ꞌë kakën: Bërí kananuna min kakësokin ꞌatima ꞌai kixunribi ꞌë kakankën. ꞌIanan ka kamabi aín bashi manámi ꞌikë ꞌimainun i pëñanakëkëkama tëmúxun, xanun uni aín nami ꞌami ꞌikësaishi niakën.

Oseas 2:5

Aín titax ka bëtsi bëtsi uni aín nami ꞌamikë ꞌiakëxa; usa ꞌaínbi ka upí sinánñu xanu ꞌikë a nëtë́ti kiakëxa: Abë ꞌëx ꞌikë unikama a kana bari kuanti ꞌain, atun ka ꞌën piti ꞌimainun ꞌumpax, ꞌianan ꞌën pañuti chupa lino ꞌakë a ꞌianan, xëni ꞌimainun a ꞌën xëati akama ꞌë ꞌinania.

Oseas 3:3

Usakin ꞌaxun kana ꞌën kan: ꞌitsa nëtën kamina ꞌën xubunu ꞌëbë ꞌiti ꞌain; usa ꞌain kamina bërí bëtsi bëtsi uni min nami ꞌamima ꞌianan uni itsibë ꞌitima ꞌain. Usa ꞌain kana ꞌënribi anun nun ñu ꞌati nëtë ꞌitámainun uisa ñubi ꞌatima ꞌain, kiax ka kiakëxa.”

Oseas 4:15

Israel unikama mitsux kamina bëtsi bëtsi ñuira ꞌakë ꞌain, ꞌaínbi ka Judánu ꞌikë unikama atun kuni usakin ꞌai ꞌuchatima ꞌikën. ¡Usa ꞌain kamina Guilgalnu kuankantima ꞌain, ꞌianan kamina Bet-avén anuribi kuarutima ꞌain, ꞌianan kamina sinanatëkëntima oi ꞌën anë ñui banatima ꞌain!

Romanos 14:22

A picëma ꞌixunbi a piía bëtsi uni ꞌuchati rabanan camina an picëma ñu pitima ꞌain. Usa ꞌixunbi camina min —usa ñu piti ca ꞌuchama ꞌicë —quixun min ꞌacësabi oquin sinánti ꞌain, usoquin sinánti ca Nucën Papa Diosan iscëx asábi ꞌicë quixun ꞌunánquin. Ui unin cara ñu ꞌaquin, —ꞌën ësa ñu ꞌati ca asábi ꞌicën, ꞌën ësaquin ꞌati ca Nucën Papa Dios cuëënia —quixun ꞌunania ax ca chuámarua tani cuëënia.

Deuteronomio 24:16

Uinu ꞌikë papaxbi ka aín bëchikënën ꞌatima ñu ꞌai ꞌuchakë kupín ꞌatima okë ꞌitima ꞌikën, ꞌimainun ka aín bëchikënëxribi aín papan ꞌuchakë kupínribi atima okë ꞌitima ꞌikën, usa ꞌain ka achúshi achúshi unix ñu ꞌatima ꞌaia ꞌuchakë kupí ñukë ꞌiti ꞌikën.